Yeˬlaˬmiˇ 42:6 - Akha

⁶ Muiˬ-eu maˬ ehˇ, doeˇ-eu maˬ ehˇ, nga maꞈ neh nawˬ-ahˇ guiˬ lahˬ shaˇ nehˬ laꞈ lehˇ ehˇ-euˬ gʼaˬ pyeuꞈ-eu, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ -euˬ dawˬ-ahˇ nga maꞈ naˇ haˬ geuꞈ ma. Aˬ yawꞈ-euˬ ehˇ dawˬ-ahˇ naˇ haˬ geuꞈ naˇ, nga maꞈ gʼaˇ duˬ yawˬ jeˬ na luꞈ muiˬ tehꞈ-a.”

Yeˬlaˬmiˇ 42:6 ပူးပေါင်းရင်းမြစ်များ

Jaceuq 128:2

Nawˬ neh mˇ-euˬ loꞈ-ehˇ nawˇ ya dzaˬ dehˆ-awˇ, nui saˇ oꞈ-euˬ laꞈ kʼoeˇ baw le za le tehꞈ-a.

Jaceuq 78:36

Ehˇ kʼawꞈ, aˬ yawꞈ maꞈ ngehˬ-eu dawˬ jaˬ myawꞈ myawꞈ-awˇ, aˬ yawꞈ maꞈ neh kʼaˇ ehˇ taˬ-euˬ loꞈ-ehˇ maˬ jaˆ-a.

Doˆ-iˇ 24:7

Kʼoeˇ naˇ, Sahˬpaˬ Miˬyehˇ-euˬ dawˬ boꞈ ahˇ taˬ-euˬ dawˬ ma saˇ jaˇ sahˬ boꞈ yuˇ-awˇ, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ guˇ-awˇ gui mehˬ nehˬ-euˬ meh. Kʼoeˇ ngeh, “Sahˬpaˬ Miˬyehˇ-euˬ ehˇ dawˬ nga maꞈ naˇ haˬ geuꞈ-awˇ, aˬ yawꞈ neh kʼaˇ ehˇ taˬ-euˬ yawˬ jeˬ na luꞈ mˇ ma” lehˇ, aˬ yawꞈ maꞈ ehˇ-eu meh.

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Yeˬlaˬmiˇ 43:4

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jawˇ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ gaˇ, Yoˇhaˬnaˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, huiˬ zaˬ nyiˇ zaˬ dawˬ tawˆ luꞈ, tiˬ gʼaˬ-iˬ maˬ naˇ haˬ geuꞈ-a.

Yeˬlaˬmiˇ 7:23

Ehˇ kʼawꞈ ni, ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ ni, ngaˬ-euˬ ehˇ dawˬ-ahˇ ya naˇ haˬ geuꞈ meh lehˇ, aˬ yawꞈ maꞈ-ahˇ ngaˬ neh biꞈ taˬ-euˬ dawˬ jaˆ ma. Yawˬ jeˬ na luꞈ laꞈ kʼoeˇ aˬ yawꞈ maꞈ guiˬ lahˬ za nya ni, ngaˬ neh dawˬ biꞈ-euˬ loꞈ-ehˇ dehꞈ-eu gʼaˇ duˬ, aˬ yawꞈ maꞈ-ahˇ ngaˇ ehˇ nehˬ-euˬ ma.

Lormav 7:13

Toˆ-ehˇ maˇ-iˬ, muiˬ-eu jaˬ-eu jeˬ kʼoeˇ neh ngaˬ-euˬ kʼoeˇ taˆ shiˇ-eu jeˬ bi keuˆ le-euˬ ta loˇ. Maˬ ngeuˇ-a. Kʼoeˇ loꞈ-ehˇ jahˇ nehˬ laꞈ-euˬ kʼoeˇ-aˬ, iˬ baˇ neh meh. Aˬ yawꞈ maˇ maˇ ni iˬ baˇ pyeuꞈ-eu gaˇ kawˆ bya cehˆ ni bi mawˇ duˬ laˇ-eu gʼaˇ duˬ, yaw muiˬ jeˬ-ahˇ gʼoe-awˇ ngaˬ-euˬ kʼoeˇ taˆ shiˇ-eu jeˬ bi keuˆ le-euˬ meh. Kʼoeˇ miˇ neh, zahˇ dawˬ kʼoꞈ dawˬ baˬ da neh iˬ baˇ kʼoeˇ yaw beh naˆ maˬ tseˇ doeˇ dzehˬ-eu mawˇ duˬ laˇ-eu meh.

Lormav 7:7

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ yawˇ yawꞈ iˬ baˇ ahˇ meh lehˇ aˬ dui ehˇ nmˇ loˇ. Maˬ ngeuˇ-a. Ehˇ kʼawꞈ, Zahˇ dawˬ kʼoꞈ dawˬ jaˆ-eu baˬ da neh iˬ baˇ ehˇ-eu aˬ jeˬ-a lehˇ aˬ dui siˬ nya laˇ-euˬ ma. “Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ Zahˇ dawˬ kʼoꞈ dawˬ laꞈ kʼoeˇ maˬ ehˇ taˬ law nmˇ-aˬ, kʼoeˇ loꞈ-ehˇ mehˇ juiˇ juiˇ-eu jeˬ-ahˇ ngaˇ maˬ siˬ nya-aˇ.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

Dawˬmehˬ 5:27

Moˇseˬ-oˇ, nawˇ gʼoꞈ leˇ-awˇ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ kʼaˇ ehˇ-eu jeˬ-ahˇ naˇ haˬ leˇ-awˬ. Kʼoeˇ naˇ, nga maꞈ jawˇ gaˇ paˇ gʼoꞈ le-awˇ, aˬ yawꞈ neh nawˬ-ahˇ kʼaˇ ehˇ nehˬ laꞈ-euˬ jeˬ paˇ dzawˇ mehˬ le-awˬ. Nga maꞈ naˇ haˬ geuꞈ-awˇ mˇ gʼeh ma’ lehˇ ehˇ-eu meh.

Dawˬmehˬ 5:29

Aˬ yawꞈ maꞈ aˬ myah luꞈ kʼoeˇ loꞈ-ehˇ tehꞈ-ehˇ nui ma taˬ-awˇ, aˬ myah luꞈ ngaˬ-ahˇ taˬ huiˬ taˬ mahˇ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ yaw muiˬ paˬ-ehˇ ya dehꞈ dzaˬ tehꞈ-a.

Dawˬmehˬ 5:33

Naw maꞈ yaw muiˬ paˬ-ehˇ ya dehꞈ dzaˬ-awˇ, naw maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ yaw muiˬ paˬ-ehˇ ya dehꞈ ya jawˇ ni, zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.

Yawˇshuˆ 24:24

Iˇsaˬleˬlaˆ tsawˇ haˬ deuˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nga maꞈ uˬ duˬ tahˬ ma. Aˬ yawꞈ-euˬ dawˬ-ahˇ nga maꞈ naˇ haˬ geuꞈ ma.”