Yeˬlaˬmiˇ 42:16 - Akha

¹⁶ naw maꞈ guˆ luꞈ-eu guiˇ deuˆ-eu jeˬ, Iˇjiˇtuˆ miˇ kʼahˬ laꞈ kʼoeˇ naw maꞈ kʼoeˇ taˆ paˇ keuˆ le-awˇ, kʼoeˇ gaˇ naw maꞈ-ahˇ paˇ deuˆ gʼaˬ tehꞈ-a. Naw maꞈ guˆ luꞈ-eu mehꞈ-eu shuꞈ-eu jeˬ kʼawꞈ, Iˇjiˇtuˆ miˇ kʼahˬ-ahˇ keuˆ ni naw maꞈ-euˬ jeˬ nah caw teh keuˆ le-awˇ, naw maꞈ ya mehꞈ sehꞈ tehꞈ-a.

Yeˬlaˬmiˇ 42:16 ပူးပေါင်းရင်းမြစ်များ

Dawqdaq 13:21

Iˬ baˇ mˇ-eu deuˬ-euˬ mehˬ nah guˆ-eu gaˆ-eu jeˬ caw teh-awˇ, yaw tsaˬ yaw dawˇ deuˬ mehˬ shi guiˬ lahˬ keuˆ le tehꞈ-a.

Yeˬlaˬmiˇ 27:8

“Ehˇ kʼawꞈ, tsawˇ jeuˬ tiˬ jeuˬ na maˬ ehˇ, miˇ kʼahˬ tiˬ kʼahˬ na maˬ ehˇ, aˬ yawꞈ uˆ lahˇ-eu uˬ moˆ maˬ jawˇ naˇ, Neˬbuˬkaˬneˬzaˬ neh maˬ bi laˆ byoˆ leꞈ kʼoeˇ keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ-ahˇ gʼoe-awˇ, ngaˇ kʼehˬ nehˬ kʼaˆ nehˬ ma.

Yeˬlaˬmiˇ 41:18

Aˬ jeˬ miˇ neh ehˇ naˇ, Baˬbuˇloˬ sahˬ paˬ neh miˇ kʼahˬ kʼoeˇ kʼahˬ-ahˇ bi uˆ lahˇ yaꞈ-euˬ gʼaˬ pyeuꞈ-eu Geˬdaˬliˇ-ahˇ, Iˇshaˬmeˬlaˇ neh sehꞈ-euˬ miˇ neh, Baˬbuˇloˬ tsawˇ haˬ deuˬ-ahˇ aˬ yawꞈ maꞈ guˆ-eu meh.

Yeˬlaˬmiˇ 42:13

“Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ ni, ‘Miˇ kʼahˬ heu kʼahˬ laꞈ kʼoeˇ maˬ paˇ jawˇ ma’ lehˇ naw maꞈ ehˇ -awˇ,

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Yeˬsaˬgeˬlaˇ 11:8

Naw maꞈ mi cehˇ-ahˇ guˆ miˇ-a loˇ. Naw maꞈ-ahˇ guiˇ bi deuˆ le-eu gʼaˇ duˬ, mi cehˇ tuˆ tehˬ taˬ-euˬ tsawˇ haˬ deuˬ ngaˇ pyehˬ gʼeh leꞈ ma.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Yoˇhaˬ 11:48

Aˬ yawꞈ-ahˇ kʼoeˇ loꞈ-ehˇ tehꞈ-ehˇ mˇ mˇ-ehˇ bi jawˇ naˇ, tsawˇ haˬ yawˬ gʼaˬ na luꞈ aˬ yawꞈ-ahˇ jah leˇ jiˇ-eu ngaˇ. Kʼoeˇ loꞈ-ehˇ pyeuꞈ laˇ naˇ, Loˇmaˆ tsawˇ haˬ deuˬ oe-awˇ, aˬ dui-euˬ Uˬ duˬ tahˬ nymˇ nymˇ ma hawˇ-eu aˬ dui-euˬ tsawˇ jeuˬ-ahˇ laˆ cawˆ le-eu ngaˇ.”

Dawˬmehˬ 28:15

“Ehˇ kʼawꞈ, iˬ nah ngaˇ nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu aˬ yawꞈ neh biꞈ-euˬ dawˬ deuˬ -ahˇ nawˇ saˇ jaˇ ziꞈ-eu laꞈ kʼoeˇ maˬ caw teh naˇ, maˬ muiˬ maˬ jaˬ-eu heu deuˬ dawˬ tawˆ luꞈ nawˬ-euˬ kʼoeˇ taˆ keuˆ le tehꞈ-a.

Dawˬmehˬ 28:22

Nyawˬ leˇ nya-eu naˇ gawˇ maˬ ehˇ, maˇ cuˬ maˇ lu lu-awˇ pyaˬ-eu jeˬ maˬ ehˇ, Sahˬpaˬ Miˬyehˇ nawˬ-euˬ kʼoeˇ taˆ bi keuˆ le tehꞈ-a. Nawˬ-euˬ dzaˬ la gʼo cehˇ-ahˇ bi laˆ cawˆ-eu gʼaˇ duˬ, uˬ yehˇ maˬ bi yehˇ le-eu uˬ taꞈ, lahˇ dui dui-eu jaˬ lehˇ bi baw tehꞈ-a.

Dawˬmehˬ 28:45

“Nawˇ luˬ-iˇ seˇ-iˇ ngeh keuˆ ni, shaˬ zahˬ maˬ tsehˆ leˇ ni keuˆ le tehꞈ-a. Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ nawˇ maˬ naˇ haˬ-ehˇ, aˬ yawꞈ neh biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ maˬ caw teh-a.