Yeˬlaˬmiˇ 41:8 - Akha

⁸ Ehˇ kʼawꞈ, tsawˇ haˬ kʼoeˇ deuˬ laꞈ kʼoeˇ tseˇ gʼaˬ-aˬ, “Nga maꞈ-ahˇ taˬ sehꞈ nehˬ laꞈ. Nga maꞈ cehˇ, lawˬ loeˇ, saˬ loˬ tsiˇ, hawˇ-eu byaˬ byaˬ uiˇ deuˬ deh yaˇ-ahˇ laˆ zaꞈ taˬ-awˇ jaˆ ma” lehˇ ehˇ-eu miˇ neh, maˬ sehꞈ ni byehˇ nehˬ-euˬ meh.

Yeˬlaˬmiˇ 41:8 ပူးပေါင်းရင်းမြစ်များ

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Dawqdaq 13:8

Smˇ muiˬ deuˬ pyuˇ shuiˇ neh uˬ kʼawˇ ya shaˬ piˇ kʼawꞈ, iˇ shaˬ zaˬ-ahˇ muiˇ-eu gʼaˬ maˬ jawˇ-a.

Iˇsaˬyaˇ 45:3

Yaw zahˇ laꞈ kʼoeˇ beuˬ zaꞈ taˬ-euˬ pyuˇ shuiˇ myawˬ gahˬ, nawˬ-ahˇ ngaˇ biꞈ nehˬ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ siˬ-awˇ, Iˇsaˬleˬlaˆ Miˬyehˇ nawˬ-ahˇ tsawˇ myahˇ kuˇ-awˇ tseˇ doˆ nehˬ laꞈ-euˬ nawˇ ya siˬ duˬ tehꞈ-a.

Yeˬlaˬmiˇ 41:9

Iˇshaˬmeˬlaˇ neh sehꞈ-euˬ tsawˇ haˬ kʼoeˇ deuˬ biˬ ahˇ-euˬ lah duˬ kʼoeˇ duˬ-aˬ, sahˬ paˬ Aˬsaˬ-ahˇ Iˇsaˬleˬlaˆ sahˬ paˬ Bawˬshaˬ guiˇ deuˆ le ngeh, Aˬsaˬ neh duˬ-euˬ lah duˬ duˬ ma tiˬ duˬ pyeuꞈ-eu meh. Iˇshaˬmeˬlaˇ neh lah duˬ kʼoeˇ duˬ-ahˇ tsawˇ haˬ baꞈ byah-euˬ meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 6:25

“Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.