Yeˬlaˬmiˇ 41:10 - Akha

¹⁰ Kʼoeˇ naˇ, sahˬ paˬ zaˬ miˬ deuˬ hawˇ-eu, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ neh Geˬdaˬliˇ uˆ lahˇ-eu uˬ moˆ Miˇzaˬpaˬ meuˬ-ahˇ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ aˬ yawꞈ nyehꞈ jiˇ-euˬ meh. Aˬ yawꞈ maꞈ-ahˇ Iˇshaˬmeˬlaˇ nyehꞈ-awˇ, Aˬmoˬ miˇ kʼahˬ paw doˆ-iˇ-eu meh.

Yeˬlaˬmiˇ 41:10 ပူးပေါင်းရင်းမြစ်များ

Neˬhaˬmiˇ 2:10

Ehˇ kʼawꞈ, Iˇsaˬleˬlaˆ tsawˇ jeuˬ huiˬ laˇ mahˇ laˇ ni mˇ-eu gʼaˇ duˬ tsawˇ haˬ laˇ taˬ-euˬ gaˇ kawˆ-ahˇ, Behˬhawˇleuˬ meuˬ-ahˇ jawˇ-eu Sahˬbaˬlaˆ hawˇ-eu Aˬmoˬ miˇ kʼahˬ-ahˇ yaw huiˬ yaw mahˇ geuꞈ luꞈ-eu Tawˇbyaˬ aˬ nyaꞈ ya gaˬ ngeh, nui ma maˬ tsaˬ-a.

Neˬhaˬmiˇ 2:19

Nga maꞈ kʼoeˇ loꞈ-ehˇ mˇ-eu lehˇ lehˬ hmˬ luꞈ-eu gaˇ kawˆ-ahˇ, Sahˬbaˬlaˆ, Tawˇbyaˬ hawˇ-eu Aˬlaˆ tsawˇ haˬ Geˬsheˬ lehˇ myahˇ-euˬ aˬ ha smˇ gʼaˬ ya gaˬ ngeh, nga maꞈ-ahˇ naˬ gʼa-eu laꞈ kʼoeˇ ehˇ-eu, “Naw maꞈ aˬ jeˬ mˇ-eu gʼeh te. Sahˬ paˬ-ahˇ puiˬ-eu lehˇ gʼeh te loˇ.”

Yeˬlaˬmiˇ 22:30

“Tsawˇ haˬ heu gʼaˬ zaˬ maˬ jawˇ le nya-ehˇ, maˬ dehꞈ tuˇ laˇ nya-eu tsawˇ haˬ meh lehˇ boꞈ ahˇ taˬ-awˬ. Daˬbiˇ-euˬ dzoeˬ dzaˬ oꞈ-awˇ neh, Yuˇdaˆ miˇ kʼahˬ-ahˇ uˆ lahˇ-eu gʼaˇ duˬ, aˬ yawꞈ zaˬ maˬ jawˇ le-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 38:23

Kʼoeˇ naˇ, ngaˇ heu loꞈ-ehˇ paˇ ehˇ nehˬ-euˬ ma. “Nawˬ-euˬ zaˬ miˬ zaˬ deuˬ hawˇ-eu aˬ buˇ aˬ li dawˬ tawˆ luꞈ Baˬbuˇloˬ tsawˇ haˬ deuˬ jawˇ gaˇ bi sheuˬ gʼeh jiˇ-awˇ, nawˇ kʼawꞈ, aˬ yawꞈ maꞈ-euˬ laꞈ-ahˇ maˬ dzeuˇ-iˇ-aˇ. Baˬbuˇloˬ sahˬ paˬ nawˬ-ahˇ nyehꞈ-awˇ, meuˬ heu meuˬ-ahˇ miˬ dzaˬ keuˬ byoˆ dzeh tehꞈ-a.”

Yeˬlaˬmiˇ 39:6

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi, Zeˬdaˬkiˇ-euˬ aˬ li deuˬ-ahˇ Neˬbuˬkaˬneˬzaˬ neh bi sehꞈ-euˬ meh. Yuˇdaˆ miˇ kʼahˬ laꞈ kʼoeˇ yaw huiˬ yaw mahˇ geuꞈ-eu deuˬ-ahˇ kʼawꞈ aˬ yawꞈ bi sehꞈ-euˬ meh.

Yeˬlaˬmiˇ 40:14

“Aˬmoˬ sahˬ paˬ Baˬliˆ neh Iˇshaˬmeˬlaˇ-ahˇ pyehˬ gʼeh laꞈ-awˇ, nawˬ-ahˇ bi sehꞈ laˇ-euˬ, nawˇ maˬ siˬ te loˇ” lehˇ ehˇ nehˬ-euˬ meh.

Yeˬlaˬmiˇ 40:7

Yuˇdaˆ tsawˇ haˬ yaw huiˬ yaw mahˇ tiˬ paˆ na deuˬ hawˇ-eu yehˇ tiˬ paˆ na deuˬ, Baˬbuˇloˬ guiˇ maꞈ-ahˇ yahˇ pawˇ-awˇ jawˇ-euˬ meh. Baˬbuˇloˬ sahˬ paˬ neh Geˬdaˬliˇ-ahˇ Yuˇdaˆ miˇ kʼahˬ-ahˇ bi haw piˇ-awˇ, Baˬbuˇloˬ miˇ kʼahˬ -ahˇ maˬ nyehꞈ gʼeh ni bi jawˇ yaꞈ-euˬ shaˬ dui zahˬ dui dui-eu tsawˇ haˬ deuˬ kʼoeˇ taˆ uˆ lahˇ-eu gʼaˬ bi geuꞈ yaꞈ-euˬ gaˇ kawˆ, aˬ yawꞈ maꞈ ya gaˬ-euˬ meh.