Yeˬlaˬmiˇ 4:31 - Akha

³¹ Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬlaˬmiˇ 4:31 ပူးပေါင်းရင်းမြစ်များ

Aˇ dahˬ 27:46

Iˇtsaˆ-ahˇ Leˬbehˇkaꞈ ehˇ nehˬ-eu, “Aˬ cawˬ tsawˇ jeuˬ pyeuꞈ-eu Iˇsawˇ-euˬ miˬ zaˬ deuˬ baˬ da neh ngaˇ nui ma cawˆ dui dui nya. Yaˬkoˆ gʼaˬ kʼawꞈ, Heˬtaˆ tsawˇ jeuˬ-ahˇ paˇ sheuˬ lawˬ naˇ, ngaˇ shiˇ-eu maˬ ngeuˇ naˇ maˬ paˇ dzeˇ miˇ-a.”

Yawˇbaˆ 10:1

Ngaˇ yaw dehꞈ maˬ paˇ dehꞈ coeˇ miˇ-a. Ngaˇ nui ma naˇ-awˇ toˇ gaˇ naˇ haˬ nehˬ laꞈ sheˇ.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 13:8

Guˆ-eu gaˆ-eu jeˬ aˬ yawꞈ maꞈ-ahˇ tsuˆ tehˬ taˬ-awˇ, shaˬ zahˬ naꞈ dui dui-eu miˇ neh, zaˬ baw luꞈ-eu aˬ ma loꞈ-ehˇ ya tsahˇ tehꞈ-a. Guˆ-eu miˇ neh tiˬ gʼaˬ tiˇ gʼaˬ haw tsoˆ taˬ-awˇ, baˬ ba neˇ tseuˆ ni shaˬ tehꞈ-a.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 26:17

Zaˬ baw aˬ ma uˬ maˆ naˇ-awˇ guˇ-eu loꞈ-ehˇ, nga maꞈ guˇ ni Sahˬpaˬ Miˬyehˇ nawˇ jahˇ nehˬ laꞈ-euˬ meh.

Iˇsaˬyaˇ 42:14

Miˬyehˇ heu loꞈ-ehˇ ehˇ-eu meh. “Ngaˇ ciˬ cuˇ ni jawˇ luꞈ-eu aˇ yamˬ myahˇ laˇ-euˬ ma. Ngaˬ-euˬ tsawˇ jeuˬ-ahˇ dawˬ maˬ ngehˬ cawˬ-euˬ myahˇ laˇ-euˬ ma. Ehˇ kʼawꞈ, nymˬ-mˇ aˇ yamˬ tsaˬ laˇ taˬ-euˬ miˇ neh, zaˬ baw luꞈ-eu aˬ ma loꞈ-ehˇ ngaˇ guˇ-eu ma.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Yeˬlaˬmiˇ 10:19

Yeˬluˇsaˬlehˬ meuˬ laꞈ kʼoeˇ jawˇ-eu deuˬ ngoeˇ-awˇ ehˇ-eu, “Nga maꞈ-ahˇ coeˬ dui dui laˇ nya. Nga maꞈ-euˬ naˇ gawˇ maˬ paˇ taˬ leˇ nya miˇ-a. Nga maꞈ maˬ daˬ coeˇ gaˇ keuˆ ni maˬ pyeuꞈ laˇ-aˇ lehˇ noeˬ-euˬ ma.

Yeˬlaˬmiˇ 13:21

Nawˬ neh cawˬ yaw gʼoeˇ ma lehˇ noeˬ-euˬ deuˬ, nawˬ-ahˇ guiˇ deuˆ gʼaˬ-awˇ uˆ lahˇ laˇ ngeh, nawˇ aˬ joˆ-ehˇ ehˇ nmˇ. Zaˬ miˬ zaˬ zaˬ baw ngeh shaˬ-eu loꞈ-ehˇ, nawˬ-euˬ shaˬ zahˬ kʼoeˇ naˆ ni naꞈ tehꞈ-a.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 18:21

Ehˇ kʼawꞈ, mehꞈ-eu shuꞈ-eu hawˇ-eu mi zaˬ mi cehˇ baˬ da, aˬ yawꞈ maꞈ-euˬ zaˬ deuˬ bi shiˇ jiˇ-awˬ. Kʼaˬ dzeˇ zaˬ deuˬ naˇ gawˇ gawˇ sehꞈ jiˇ-awˇ, zaˬ deuˬ mi zaˬ mi cehˇ laꞈ-ahˇ shiˇ-awˇ, zaˬ miˬ zaˬ deuˬ miˬ coeˬ bi coeˬ-iˇ-awˬ.

Yeˬlaˬmiˇ 22:23

Leˬbaˬnoˬ gawˬ jawˬ-ahˇ shaˇ leˇ-euˬ, shuˬ liˇ neh tsoˆ-euˬ nymˇ laꞈ kʼoeˇ, naw maꞈ saˇ lehˆ ni dehꞈ luꞈ meh. Ehˇ kʼawꞈ, zaˬ baw aˬ ma-euˬ shaˬ zahˬ-ahˇ duˇ-eu, shaˬ zahˬ naw maꞈ-ahˇ zaw laˇ ngeh, naw maꞈ aˇ naˆ ni ya shaˬ nmˇ.

Yeˬlaˬmiˇ 30:6

Yaw muiˬ paˬ-ehˇ shaˇ noeˬ duˬ sheˇ. Kʼaˬ dzeˇ zaˬ zaˬ baw nya ta loˇ. Toˆ-ehˇ maˇ-iˬ, aˬ jeˬ miˇ neh kʼaˬ dzeˇ zaˬ deuˬ, zaˬ miˬ zaˬ zaˬ baw ngeh loꞈ-ehˇ, uꞈ maˆ-ahˇ dehˬ tehˬ-awˇ jawˇ ta. Aˬ jeˬ miˇ neh yawˬ gʼaˬ na luꞈ pyuˇ pya ni pyeuꞈ luꞈ ta.

Yeˬlaˬmiˇ 45:2

“Baˬluˆ-oˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh.

Yeˬlaˬmiˇ 48:41

Meuˬ deuˬ hawˇ-eu taˆ deuˬ-ahˇ aˬ yawꞈ maꞈ deuˆ gʼaˬ tehꞈ-a. Kʼoeˇ ngeh, Mawˇbaˆ yehˇ deuˬ, zaˬ baw luꞈ-eu zaˬ miˬ zaˬ loꞈ-ehˇ guˆ dui dui tehꞈ-a.

Yeˬlaˬmiˇ 49:22

Kʼaˬ dzeˇ aˬ dahˇ mˇ pyeh-awˇ ga le-eu loꞈ-ehˇ, muiˇ-eu deuˬ Bawˇzaˬlahˬ meuˬ-ahˇ ga dawꞈ le tehꞈ-a. Aˇ nah kʼoeˇ nah keuˆ le ngeh, Eˬdoˬ yehˇ deuˬ-aˬ, aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ guˆ dui dui tehꞈ-a.”

Yeˬlaˬmiˇ 49:24

Daˬmaˬsehˇ meuˬ-ahˇ jawˇ-eu tsawˇ haˬ deuˬ nui ma baˬ laˇ-awˇ, guˆ-eu miˇ neh cehˆ jiˇ-euˬ meh. Aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ, aˬ yawꞈ maꞈ shaˬ zahˬ naꞈ-eu meh.

Yeˬlaˬmiˇ 50:43

Gaˇ kawˆ kʼoeˇ Baˬbuˇloˬ sahˬ paˬ-ahˇ gaˬ leˇ ngeh, aˬ yawꞈ aˬ laꞈ laꞈ shiˇ shiˇ shaw-euˬ meh. Aˬ yawꞈ nui noeˬ shaˬ-eu kʼoeˇ-aˬ, zaˬ baw luꞈ-eu aˬ ma naˆ maˬ tseˇ meh.

Yeˬlaˬmiˇ 6:2

Ziˇoˬ meuˬ-euˬ aˇ gʼehˇ yaw zawˇ muiˬ kʼawꞈ, luˬ-iˇ seˇ-iˇ tehꞈ-a.

Ngoeˇ dawˬ 1:17

Ziˇoˬ aˬ laꞈ cawˬ miˇ leꞈ gaˇ, caw ba nehˬ-eu gʼaˬ maˬ jawˇ-a. Yaˬkoˆ dawˬ peh kʼaˇ jawˇ-eu deuˬ, dawˬ tawˆ luꞈ Yaˬkoˆ-ahˇ muiˇ ni, Sahˬpaˬ Miˬyehˇ dawˬ biꞈ-euˬ meh. Yawꞈ maꞈ mehˬ shi Yeˬluˇsaˬlehˬ, maˬ shawˇ-eu jeˬ pyeuꞈ gaˇ duˇ meh.

Ngoeˇ dawˬ 1:20

“Ngaˬ-euˬ nui ma shaˬ zahˬ naꞈ-awˇ, ngaˬ-euˬ saꞈ laˇ shaˬ zahˬ mˇ gaˇ, Sahˬpaˬ Miˬyehˇ nawˇ haw le sheˇ. Ngaˬ-euˬ iˬ baˇ-ahˇ shaˇ noeˬ-eu, nui ma tsawˬ paˆ-iˇ-euˬ miˇ-a. Lehˆ kawˆ doe ni tsawˇ haˬ sehꞈ-awˇ, iˇ kahˇ laꞈ kʼoeˇ kʼawꞈ shiˇ luꞈ meh.

Ngoeˇ dawˬ 2:21

Tsawˇ mawˬ zaˬ guˬ tiˬ gaˇ shiˇ-awˇ, meuˬ-euˬ gʼahˇ ceh gaˇ ma doe ni, kʼaˬ lehˇ tsahˬ-ahˇ ga luꞈ-eu meh. Aˬ li zaˬ guˬ aˬ buˇ zaˬ guˬ, mi cehˇ neh bi sehꞈ dzeh-euˬ meh. Nawˬ-euˬ nui ma pehˇ laˇ ngeh nah, gʼawˬ shaˬ gaˬ-eu jeˬ maˬ ahˇ ni, aˬ yawꞈ maꞈ-ahˇ sehꞈ dzeh-euˬ meh.

Hawˇseˬ 13:13

Dehꞈ doˆ le yamˬ keuˆ laˇ-euˬ kʼawꞈ, uˬ maˆ laꞈ nyiˇ maˬ doˆ le-euˬ, aˬ li zaˬ nahˬ tiˬ gʼaˬ loꞈ-ehˇ Iˇsaˬleˬlaˆ dehꞈ ziˇ oꞈ kʼawꞈ, aˬ dzawˬ aˇ gah gah-eu miˇ neh, dehꞈ ziˇ kʼoeˇ-ahˇ maˬ za nya-a.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Miˇkaˬ 4:9

Aˬ jeˬ miˇ neh nawˇ yaw kʼaˆ-ehˇ guˇ guˇ-ehˇ ngoeˇ te. Aˬ jeˬ miˇ neh zaˬ baw luꞈ-eu zaˬ miˬ zaˬ tiˬ gʼaˬ loꞈ-ehˇ nawˇ shaˬ zahˬ mˇ luꞈ te. Nawˬ-euˬ sahˬ paˬ hawˇ-eu nawˬ-ahˇ nui noeˬ nui duˇ biꞈ-eu deuˬ maˬ jawˇ-ehˇ pyeuꞈ-iˇ-euˬ miˇ neh te loˇ.

Miˇkaˬ 7:1

Ngaˇ nui ma cawˆ dui dui miˇ-a. Aˇ siˬ tiˬ siˬ-iˬ maˬ ngeuˬ-eu aˇ siˬ aˇ bawˇ hawˇ-eu aˬ gaꞈ baw duˆ-ahˇ tahˬ puˬ le-euˬ mehꞈ-eu shuꞈ-eu tsawˇ haˬ tiˬ gʼaˬ-ahˇ duˇ miˇ-a. Aˬ gaꞈ aˇ siˬ hawˇ-eu kuiˇ dui dui-eu siˬ guˬ maˇ sheuˇ aˇ siˬ dawˬ tawˆ luꞈ pyaˆ cuˬ jiˇ taˬ-euˬ meh.

Maꞈtehˬ 21:5

“Haw yawˬ, nawˬ-euˬ sahˬ paˬ, nawˇ jawˇ gaˇ oe meh lehˇ, Ziˇoˬ-ahˇ ehˇ gaˬ-awˬ. Aˬ yawꞈ nui nahˬ nui yu ahˇ-awˇ, mahˬ tahˬ laˆ-ahˇ dziˬ-awˇ oe meh. Tahˬ laˆ mahˬ ma-euˬ zaˬ pyeuꞈ-eu, tahˬ laˆ zaˬ-ahˇ dziˬ leꞈ-euˬ meh.”

1 Gawˇliˬtu 9:16

Ngaˇ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh kʼahˬ sehˇ jehˆ kʼaˇ za-eu maˬ ngeuˇ. Maˬ mehˬ-ehˇ maˬ gʼeh nya ni Miˬyehˇ neh ciˬ pi nehˬ laꞈ-euˬ meh. Ngaˇ Laˬ kʼaˬ cehˇ-eu Guiˬ lahˬ dawˬ maˬ mehˬ naˇ, ngaˬ-euˬ gʼaˇ duˬ aˇ naˆ ni guˆ kʼaˇ za-eu nga.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.