Yeˬlaˬmiˇ 4:23 - Akha

²³ Miˇ tsaˬ-ahˇ ngaˇ haw ngeh, tiˬ jeˬ-iˬ maˬ baw ni awˬ kʼawꞈ tehꞈ meh. Mˬ-ahˇ ngaˇ haw leꞈ ngeh, yaw shehꞈ tiˬ pawꞈ-iˬ maˬ jaˆ-a.

Yeˬlaˬmiˇ 4:23 ပူးပေါင်းရင်းမြစ်များ

Aˇ dahˬ 1:2

Miˇ tsaˬ tahˬ kʼawˇ-aˬ, pyawˬ naˬ maˬ siˬ laˇ ni, yaw bahˬ yaw lahˇ-ehˇ ciˬ cuˇ ni jaˆ luꞈ-eu meh. Yawˬ jeˬ na luꞈ kʼoeˇ taˆ iˬ ma laˆ shaˆ iˇ cuꞈ dahˬ pymˬ taˬ-awˇ, zahˇ tsui ni jaˆ-euˬ meh. Kʼoeˇ ngeh, Miˬyehˇ-euˬ baoˬ iˇ cuꞈ kʼoeˇ taˆ cah luꞈ-eu meh.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Yeˬlaˬmiˇ 2:12

Kʼoeˇ miˇ neh guˆ dui dui laˇ-awˇ tsoˆ leˇ jiˇ ni, mˬ nyeh laˇ-awˬ lehˇ ngaˇ dawˬ biꞈ-euˬ ma.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Ngoeˇ dawˬ 3:2

Yaw shehꞈ maˬ jaˆ, zahˇ tsui gʼeh gaˇ, aˬ yawꞈ ngaˬ-ahˇ teh ahˇ-euˬ meh.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Aˬmoˆ 8:9

Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Zaˬkaˬliˇ 14:6

Aˇ nah aˇ yamˬ kʼoeˇ keuˆ laˇ ngeh, yaw gaˆ gaˆ-awˇ ngehˇ ga-eu maˬ baw-a.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.