Yeˬlaˬmiˇ 4:22 - Akha

²² Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 4:22 ပူးပေါင်းရင်းမြစ်များ

Aˇ dahˬ 39:16

Aˬ yawꞈ-euˬ kʼaˬ dzeˇ zaˬ gʼoꞈ laˇ ngeh keuˆ ni, pehˇ kʼahˬ kʼoeˇ kahˇ-ahˇ zaˬ miˬ zaˬ kʼoeˇ gʼaˬ neh yuˇ taˬ-awˇ bi jaˆ-euˬ meh.

2 Saˬmeuˬlaˆ 13:3

Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˬdehˇ lehˇ myahˇ-euˬ Aˬmaˬnoˬ-euˬ cawˬ tiˬ gʼaˬ jawˇ-eu meh.

Jaceuq 36:3

Yawꞈ-euˬkʼaˬmehˬ-ahˇngehˬ-eu dawˬ, jaˬmyawꞈmehˇshuiˇtehꞈ-ehˇbyah-awˇ, yaw muiˬmˇ-eu byehˇtsehˆ-euˬmeh.

Jaceuq 36:4

Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Jaceuq 53:4

Ngaˬ-euˬ tsawˇ haˬ deuˬ-ahˇ deh dzaˬ nawˬ dzaˬ-awˇ, ngaˬ-ahˇ guiˬ lahˬ maˬ shaˇ ni dehꞈ luꞈ-eu, haiˬ-eu tsawˇ haˬ teu deuˬ noeˬ siˬ noeˬ mawˇ nya-eu nui ma maˬ ahˇ ta loˇ lehˇ, Miˬyehˇ naˇ haˬ luꞈ meh.

Jaceuq 82:5

“Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Dawqdaq 28:5

Haiˬ-eu tsawˇ haˬ deuˬ yaw tsaˬ yaw dawˇ jeˬ-ahˇ maˬ siˬ nya-a. Ehˇ kʼawꞈ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ yaw tsaˬ yaw dawˇ jeˬ-ahˇ yaw muiˬ paˬ-ehˇ siˬ nya-eu meh.

Iˇsaˬyaˇ 1:3

Mawˇ neˇ kʼawꞈ yawˬ ha-euˬ yaw sahˇ-ahˇ siˬ nya-awˇ, mahˬ tahˬ laˆ kʼawꞈ, yaw sahˇ gʼaˬ-euˬ mahˬ dzaˇ kʼawˇ lawˬ siˬ nya meh. Ehˇ kʼawꞈ, Iˇsaˬleˬlaˆ kʼoeˇ loꞈ-ehˇ maˬ siˬ nya-a. Ngaˬ-euˬ tsawˇ haˬ deuˬ maˬ noeˬ siˬ nya-a.”

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 13:23

Yawˬ ha shaˬ jiˇ naˆ-eu pyuˇ laˇ ni jahˇ nya-awˇ, kʼaˬ zuiˬ aˇ boꞈ byoˆ-iˇ ni tsiˬ shawˇ geuꞈ nya law nmˇ-a. Yaw haiˬ jeˬ tehꞈ-ehˇ mˇ-eu naw maꞈ kʼawꞈ, yaw tsaˬ yaw dawˇ jeˬ mˇ-eu siˬ nya laˇ tehꞈ-a.

Yeˬlaˬmiˇ 2:8

‘Sahˬpaˬ Miˬyehˇ aˬ geu gaˇ jawˇ ta’ lehˇ, piˇ ma deuˬ gʼeh naˇ haˬ-eu maˬ baw-ehˇ, ngaˬ-euˬ piˇ ma kʼoeˇ deuˬ ngaˬ-ahˇ maˬ siˬ nya gaˇ duˇ meh. Sahˬ paˬ sahˬ ma bi geuꞈ-euˬ deuˬ ngaˬ-ahˇ puiˬ-awˇ, ngaˬ-euˬ gʼaˇ duˬ bi ngehˬ dah-euˬ deuˬ kʼawꞈ, Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ, aˬ yawꞈ maꞈ uˬ duˬ tahˬ-eu meh.

Yeˬlaˬmiˇ 4:21

Aˇ myah keuˆ ni guiˇ deuˆ-eu ya mawˇ-awˇ, aˇ myah keuˆ ni daˇ heh teˇ saˇ ya gaˬ-eu gʼeh ta.

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬlaˬmiˇ 5:4

Kʼoeˇ naˇ ngaˇ heu loꞈ-ehˇ shaˇ noeˬ-euˬ ma. “Tsawˇ haˬ heu deuˬ iˇ shaˬ dawˇ ga tehꞈ meh. Aˬ yawꞈ maꞈ aˬ dzawˬ aˇ gah gah-eu meh. Miˬyehˇ-euˬ zahˇ sahˇ kʼoꞈ hawˇ-eu, aˬ yawꞈ-euˬ nui kʼahˇ-ahˇ maˬ siˬ nya-a.

Yeˬlaˬmiˇ 9:2

Ngaˬ-euˬ tsawˇ haˬ maˬ mawˇ gaˇ cehˆ zaꞈ duˬ, bawˇ tsahˬ bawˇ dahˇ tiˬ tsahˇ jaˆ nmˇ duˇ nya. Aˬ yawꞈ maꞈ baˬ maꞈ puˇ jeˬ-ehˇ, saˇ jaˇ puiˬ-eu tsawˇ haˬ tehꞈ meh.

Yeˬlaˬmiˇ 9:3

Aˬ yawꞈ maꞈ aˬ myah luꞈ jaˬ myawꞈ myawꞈ-awˇ, yaw sui yaw dawˇ jeˬ uˆ lahˇ-eu dah zaˇ, maˬ sui maˬ dawˇ-eu jeˬ miˇ kʼahˬ heu-ahˇ uˆ lahˇ luꞈ meh. Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ heu deuˬ yaw haiˬ kʼoeˇ taˆ yaw haiˬ jeˬ mˇ daˆ-awˇ, ngaˬ-ahˇ aˬ yawꞈ maꞈ-euˬ Miˬyehˇ lehˇ maˬ sawˇ-a.”

Yeˬlaˬmiˇ 9:5

Yawˬ gʼaˬ na luꞈ yawˬ ha-euˬ cawˬ-ahˇ myawꞈ dzaˬ-awˇ, yaw tsaˬ yaw dawˇ ngehˬ-eu tmˇ-eu tiˬ gʼaˬ-iˬ maˬ jawˇ-a. Jaˬ myawꞈ myawꞈ-eu mehˬ laˇ laˆ sheuˆ taˬ-awˇ, iˬ baˇ mˇ dehˆ-euˬ maˬ baw-ehˇ, dehꞈ poˆ dehꞈ paˇ-eu maˬ noeˬ tsehˆ coeˇ-a.

Yeˬsaˬgeˬlaˇ 16:30

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Shaꞈ dawˇ maˬ baw-eu meh maˬ laˇ loꞈ-ehˇ kʼoeˇ deuˬ dawˬ tawˆ luꞈ nawˇ mˇ jiˇ-euˬ meh.

Hawˇseˬ 4:1

Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Hawˇseˬ 5:4

Miˬyehˇ jawˇ gaˇ maˬ gʼoꞈ leˇ ni, aˬ yawꞈ maꞈ neh mˇ-euˬ yaw lehˬ, aˬ yawꞈ maꞈ-ahˇ gʼeu tehˬ-eu meh. Miˬ yehˇ nui deuˬ-ahˇ gʼoe-eu jeˬ, nui ma laꞈ kʼoeˇ ciˇ tahˬ iˇ-awˇ, Sahˬpaˬ Miˬyehˇ-ahˇ maˬ siˬ-a.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

Yoˇhaˬ 16:3

Aˬda-ahˇ maˬ ehˇ, ngaˬ-ahˇ maˬ ehˇ, aˬ yawꞈ maꞈ maˬ siˬ nya-eu miˇ neh, naw maꞈ-ahˇ kʼoeˇ loꞈ-ehˇ kʼehˬ nehˬ laꞈ tehꞈ-a.

Lormav 1:22

Yaw gahˇ ma lehˇ yawˬ haˇ yawˬ ha ehˇ kʼawꞈ, aˬ dzawˬ aˇ gah-ahˇ duˇ-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

Lormav 3:11

Noeˬ siˬ noeˬ mawˇ nya-eu tsawˇ haˬ, tiˬ gʼaˬ-iˬ maˬ jawˇ-a. Miˬyehˇ-ahˇ shaˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

Dawˬmehˬ 32:28

“Iˇsaˬleˬlaˆ dawˇ ga ga-awˇ, noeˬ siˬ nya-eu jeˬ maˬ ahˇ-a.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.