Yeˬlaˬmiˇ 4:20 - Akha

²⁰ Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Yeˬlaˬmiˇ 4:20 ပူးပေါင်းရင်းမြစ်များ

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Doˆ-iˇ 33:5

Moˇseˬ-ahˇ Sahˬpaˬ Miˬyehˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-euˬ meh. “Naw maꞈ-aˬ, nui ma gʼahˇ-eu tsawˇ haˬ deuˬ pyeuꞈ-eu meh. Naw maꞈ nehˬ-ehˇ tiˬ kʼehˇ laˇ kʼehˬ aˇ yamˬ laꞈ kʼoeˇ ngaˇ ya le taꞈ law hawˇ kʼawꞈ, naw maꞈ-ahˇ ngaˇ ya laˆ cawˆ jiˇ gaˇ keuˆ tehꞈ-a. Nymˬ-mˇ naw maꞈ-euˬ aˇ poeˬ kʼaˆ-eu myawˬ guˇ deuˬ lehˆ doˆ-awˬ. Naw maꞈ-ahˇ aˬ joˆ-ehˇ jahˇ nehˬ paˬ nga lehˇ ngaˇ noeˬ tsehˆ ma.”

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Iˇsaˬyaˇ 33:20

Aˬ dui uˬ duˬ tahˬ-eu zahˇ sahˇ kʼoꞈ bawˬ-iˬ gʼeh-euˬ, Ziˇoˬ meuˬ-ahˇ haw sheˇ. Yeˬluˇsaˬlehˬ meuˬ-ahˇ haw gʼeh-iˬ sheˇ. Aˇ naˆ ni nui saˇ oꞈ-eu jawˇ duˬ pyeuꞈ-eu nga. Daˇtaꞈ tiˬ jawˇ-iˬ maˬ gʼeu lehˆ doˆ-ehˇ, aˇ caˆ tsehˆ-iˇ-euˬ maˬ baw-eu, jawˇ zaˇ maˬ paˇ-eu sehˬ gʼawˆ-ahˇ duˇ leˇ-eu meh.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Iˇsaˬyaˇ 54:2

Nawˇ jawˇ-eu sehˬ gʼawˆ tsoˆ jeˇ-awˬ. Sehˬ gʼawˆ aˇ caˆ paˇ laˆ mahˇ-awˇ, sehˬ gʼawˆ daˇ taꞈ paˇ taꞈ ziꞈ-awˬ.

Yeˬlaˬmiˇ 12:11

Miˇ kʼahˬ kʼoeˇ-ahˇ kʼaˇ shuiꞈ deh yaˇ bi pyeuꞈ-iˇ-awˇ, ngaˬ-euˬ mehˬ shi yaw cawˆ-ehˇ jaˆ-eu meh. Miˇ kʼahˬ kʼahˬ lah kʼaˇ shuiꞈ deh pyeuꞈ-iˇ-awˇ, tsawˇ haˬ tiˬ gʼaˬ-iˬ myaˆ haw maˬ cawˬ-a.

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.

Yeˬlaˬmiˇ 4:21

Aˇ myah keuˆ ni guiˇ deuˆ-eu ya mawˇ-awˇ, aˇ myah keuˆ ni daˇ heh teˇ saˇ ya gaˬ-eu gʼeh ta.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Yeˬlaˬmiˇ 4:6

Ziˇoˬ meuˬ-ahˇ le-eu gaˇ ma toeˬ mehˬ nehˬ-awˬ. Maˬ nyi naˬ ni cehˆ dui dui-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh Sahˬpaˬ Miˬyehˇ pyehˬ gʼeh leꞈ meh.

Yeˬlaˬmiˇ 9:18

Aˬ yawꞈ-euˬ tsawˇ haˬ deuˬ ehˇ-eu, “Nga maꞈ myaˆ nuiˆ myaˆ biˇ dahˬ byah jiˇ-awˇ, myaˆ nuiˆ myaˆ shehˆ jaˇ yoe ni ngoeˇ pyeuꞈ jiˇ ngeh keuˆ, yaw kawˇ ma-ehˇ laˇ-awˇ kuiˇ deuˇ gui laˇ-awˬ lehˇ, aˬ yawꞈ maꞈ-ahˇ ehˇ gaˬ nehˬ-awˬ.”

Ngoeˇ dawˬ 3:47

Shaˬ zahˬ guˆ gaˆ-ahˇ daˬ luꞈ-awˇ, yaw cawˆ laꞈ kʼoeˇ jawˇ luꞈ-eu ma.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Uˬ duˬ 26:18

“Kʼoeˇ loꞈ-ehˇ pyeuꞈ laˇ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, shiꞈ bymˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ keuˆ le tehꞈ-a.

Uˬ duˬ 26:21

“Naw maꞈ ngaˬ-euˬ ehˇ dawˬ maˬ naˇ haˬ-ehˇ, ngaˬ-ahˇ puiˬ te siˬ lehˇ ngeuˇ naˇ, naw maꞈ-ahˇ kʼehˬ nehˬ kʼaˆ nehˬ-eu jeˬ shiꞈ bymˇ paˇ bi kʼaˆ dzehˬ laˇ ma.

Uˬ duˬ 26:24

yaw beh naˆ maˬ tseˇ shiꞈ bymˇ kʼaˆ dzehˬ-euˬ kʼehˬ-eu kʼaˆ-eu jeˬ, naw maꞈ kʼoeˇ taˆ ngaˇ paˇ bi keuˆ le ma.

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Haˬbaˬkuˆ 3:7

Kuˇshaˬ tsawˇ jeuˬ guˆ dui dui-awˇ, Miˇdiˬyaˬ tsawˇ haˬ dawˬ tawˆ luꞈ, yaw dzuˬ dzuˬ gaˇ ngaˇ mawˇ-euˬ ma.

Bawˇtsahˬ 16:21

“Tsawˇ haˬ heu deuˬ nehˬ-ehˇ maˬ yawꞈ ni naˇ kʼah paw jiˆ kʼoꞈ-awˬ. Aˬ yawꞈ maꞈ-ahˇ ngaˇ tiˬ poˆ tehꞈ-ehˇ laˆ cawˆ nehˬ ma.”

Bawˇtsahˬ 16:45

“Tsawˇ haˬ heu deuˬ-euˬ dawˬ peh maˬ jawˇ ni cehˆ-awˬ. Aˬ yawꞈ maꞈ-ahˇ maˬ bi luˆ-iˇ ni tiˬ poˆ tehꞈ-ehˇ ngaˇ laˆ luˬ laˆ seˇ nehˬ ma.” Kʼoeˇ ngeh, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-euˬ meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.