Yeˬlaˬmiˇ 39:9 - Akha

⁹ Aˇ saˬ saˬ laˇ jawˬ-ehˇ, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ-aˬ, meuˬ laꞈ kʼoeˇ kʼaˇ dzeˇ-eu tsawˇ haˬ deuˬ hawˇ-eu, aˬ yawꞈ jawˇ paw kʼaˇ cehˆ uˇ leˇ-euˬ tsawˇ haˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬlaˬmiˇ 39:9 ပူးပေါင်းရင်းမြစ်များ

Aˇ dahˬ 37:36

Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.

2 Sahˬpaˬ 20:18

Nawˬ-euˬ aˬ li tiˬ deuˬ na-ahˇ kʼawꞈ nyehꞈ gʼeh-awˇ, shawꞈ-awˇ, Baˬbuˇloˬ sahˬ paˬ-euˬ nymˇ-ahˇ gaˇ mˇ-eu tsawˇ haˬ bi geuꞈ tehꞈ-a’ lehˇ ehˇ-eu meh.”

2 Sahˬpaˬ 25:11

Meuˬ laꞈ kʼoeˇ dzeˇ yaꞈ-euˬ tsawˇ haˬ deuˬ hawˇ-eu laꞈ myawˬ laꞈ sawˆ nya-eu deuˬ-ahˇ, Baˬbuˇloˬ sahˬ paˬ jawˇ gaˇ cehˆ jawˇ leˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ miˇ kʼahˬ-ahˇ Neˬbuˬzaˬlaˬdaˬ neh sheuˬ gʼeh-euˬ meh.

2 Sahˬpaˬ 25:20

Neˬbuˬzaˬlaˬdaˬ neh aˬ yawꞈ maꞈ-ahˇ Yiˇbaˬlahˬ meuˬ-ahˇ, Baˬbuˇloˬ sahˬ paˬ jawˇ gaˇ sheuˬ gʼeh-euˬ meh.

Iˇsaˬyaˇ 5:13

Ngaˬ-euˬ tsawˇ haˬ deuˬ maˬ noeˬ siˬ maˬ noeˬ mawˇ nya-eu miˇ neh, aˬ cawˬ tsawˇ jeuˬ neh bi nyehꞈ gʼeh tehꞈ-a. Aˬ yawꞈ maꞈ-euˬ aˬ yuiꞈ aˬ tsu deuˬ hawˬ dzahˬ sehꞈ-awˇ, zaˬ lahˇ deuˬ iˇ cuꞈ mehꞈ sehꞈ tehꞈ-a.

Yeˬlaˬmiˇ 10:18

Naw maꞈ-ahˇ miˇ kʼahˬ heu kʼahˬ laꞈ kʼoeˇ neh biˬ doˆ-eu lehˇ, Sahˬpaˬ Miˬyehˇ lehˬ hmˬ luꞈ meh. Naw maꞈ tiˬ gʼaˬ-iˬ maˬ bi dzeuˇ-iˇ ni jahˇ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 16:13

Kʼoeˇ miˇ neh miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ biˬ doˆ-awˇ, naw maꞈ-euˬ aˬ poeˬ aˬ bawˇ deuˬ kʼawꞈ maˬ gaˬ haw-ehˇ, naw maꞈ kʼawꞈ maˬ gaˬ haw-euˬ miˇ kʼahˬ laꞈ kʼoeˇ biˬ ahˇ nehˬ ma. Kʼoeˇ gaˇ uˬ ciꞈ nah gʼahˇ maˬ ehˇ miˬ yehˇ nui deuˬ-euˬ nui kʼahˇ naw maꞈ ya mˇ byah-awˇ, naw maꞈ-ahˇ ngaˇ gʼawˬ shaˬ maˬ gaˬ nehˬ lehˇ ehˇ-eu meh lehˇ ehˇ nehˬ-awˬ.”

Yeˬlaˬmiˇ 24:8

“Ehˇ kʼawꞈ, Yuˇdaˆ sahˬ paˬ Zeˬdaˬkiˇ maˬ ehˇ, aˬ yawꞈ nehˬ-ehˇ sahˬ paˬ sahˬ ma geuꞈ-awˇ miˇ kʼahˬ-ahˇ uˆ lahˇ-eu deuˬ maˬ ehˇ, miˇ kʼahˬ heu kʼahˬ laꞈ kʼoeˇ kʼaˇ jawˇ yaꞈ-euˬ deuˬ hawˇ-eu, Iˇjiˇtuˆ miˇ kʼahˬ-ahˇ cehˆ jawˇ-iˇ-euˬ deuˬ maˬ ehˇ, maˬ dzaˬ nya ni doeˇ-eu siˬ guˬ aˇ siˬ loꞈ-ehˇ ngaˇ sawˇ ma.

Yeˬlaˬmiˇ 38:19

Sahˬ paˬ Zeˬdaˬkiˇ ehˇ-eu, “Baˬbuˇloˬ tsawˇ haˬ deuˬ jawˇ paw cehˆ ahˇ-iˇ-euˬ aˬ dui -euˬ miˇ kʼahˬ zaˬ deuˬ-ahˇ ngaˇ guˆ nya. Ngaˬ-ahˇ aˬ yawꞈ maꞈ-euˬ laꞈ-ahˇ a ahˇ nehˬ-awˇ bi kʼehˬ laꞈ-eu maˬ siˬ.”

Yeˬlaˬmiˇ 40:1

Guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh, Laˬmahˇ meuˬ-ahˇ ngaˬ-ahˇ pyehˬ nehˬ laꞈ gʼaˬ ngeh, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh. Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ-ahˇ jawˇ-eu tsawˇ haˬ kʼoeˇ deuˬ nehˬ-ehˇ tiˬ kawˆ loꞈ-ehˇ, ngaˬ-ahˇ shmˇ caˆ bi daˬ laꞈ-awˇ, kʼoeˇ gaˇ sheuˬ gʼeh nehˬ laꞈ-euˬ meh.

Yeˬlaˬmiˇ 40:7

Yuˇdaˆ tsawˇ haˬ yaw huiˬ yaw mahˇ tiˬ paˆ na deuˬ hawˇ-eu yehˇ tiˬ paˆ na deuˬ, Baˬbuˇloˬ guiˇ maꞈ-ahˇ yahˇ pawˇ-awˇ jawˇ-euˬ meh. Baˬbuˇloˬ sahˬ paˬ neh Geˬdaˬliˇ-ahˇ Yuˇdaˆ miˇ kʼahˬ-ahˇ bi haw piˇ-awˇ, Baˬbuˇloˬ miˇ kʼahˬ -ahˇ maˬ nyehꞈ gʼeh ni bi jawˇ yaꞈ-euˬ shaˬ dui zahˬ dui dui-eu tsawˇ haˬ deuˬ kʼoeˇ taˆ uˆ lahˇ-eu gʼaˬ bi geuꞈ yaꞈ-euˬ gaˇ kawˆ, aˬ yawꞈ maꞈ ya gaˬ-euˬ meh.

Yeˬlaˬmiˇ 52:26

Yiˇbaˬlahˬ meuˬ-ahˇ, Baˬbuˇloˬ sahˬ paˬ jawˇ gaˇ, Neˬbuˬzaˬlaˬdaˬ neh aˬ yawꞈ maꞈ-ahˇ sheuˬ gʼeh-euˬ meh.

Yeˬlaˬmiˇ 52:27

Yiˇbaˬlahˬ meuˬ-aˬ, Haˬmaˆ gahˬ kaˬ-ahˇ jaˆ-eu meh. Kʼoeˇ gaˇ, Baˬbuˇloˬ sahˬ paˬ aˬ yawꞈ maꞈ-ahˇ kʼehˬ-awˇ sehꞈ-euˬ meh. Kʼoeˇ loꞈ-ehˇ Yuˇdaˆ tsawˇ haˬ deuˬ aˬ cawˬ neh bi nyehꞈ byoˆ gʼeh-euˬ meh.

Daˬyeˬlaˇ 2:14

Kʼoeˇ naˇ, Baˬbuˇloˬ meuˬ-ahˇ jawˇ-eu tsawˇ gahˇ ahˇ-eu tsawˇ haˬ deuˬ-ahˇ sehꞈ-eu gaˇ biꞈ taˬ-euˬ, sahˬ paˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Aˬliˇoˆ jawˇ gaˇ Daˬyeˬlaˇ iˇ-awˇ, yaw muiˬ paˬ-ehˇ noeˬ gahˇ-awˇ ngehˬ cawˬ-euˬ meh.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.