Yeˬlaˬmiˇ 39:7 - Akha

⁷ Kʼoeˇ naˇ, Zeˬdaˬkiˇ-euˬ myaˆ nuiˆ tsawˆ behꞈ nehˬ-awˇ, Baˬbuˇloˬ miˇ kʼahˬ-ahˇ tsahˇ gʼeh-eu gʼaˇ duˬ, shmˇ caˆ daˬ-awˇ bi jawˇ-euˬ meh.

Yeˬlaˬmiˇ 39:7 ပူးပေါင်းရင်းမြစ်များ

2 Sahˬpaˬ 25:7

Zeˬdaˬkiˇ-euˬ aˬ li deuˬ-ahˇ, Zeˬdaˬkiˇ-euˬ mehˬ shi sehꞈ mehˬ nehˬ-euˬ meh. Kʼoeˇ naˇ, Zeˬdaˬkiˇ-euˬ myaˆ nuiˆ Neˬbuˬkaˬneˬzaˬ neh tsawˆ behꞈ-awˇ, Zeˬdaˬkiˇ-ahˇ shmˇ caˆ paꞈ-awˇ, Baˬbuˇloˬ miˇ kʼahˬ-ahˇ tsahˇ kʼoꞈ gʼeh-euˬ meh.

Jaceuq 119:8

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh ma. Ngaˬ-ahˇ taˬ byehˇ dzeh nehˬ laꞈ.

Yeˬlaˬmiˇ 20:4

Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Ngaˇ nawˬ-ahˇ, yawˬ haˇ yawˬ ha ya guˆ-eu tsawˇ haˬ hawˇ-eu, nawˬ-euˬ cawˬ deuˬ ya guˆ-eu tsawˇ haˬ bi pyeuꞈ laˇ ma. Aˬ yawꞈ maꞈ dawˬ tawˆ luꞈ muiˇ-eu deuˬ-euˬ mi cehˇ kʼehˬ-ahˇ shiˇ jiˇ gaˇ nawˇ ya mawˇ tehꞈ-a. Yuˇdaˆ tsawˇ haˬ dawˬ tawˆ luꞈ-ahˇ, Baˬbuˇloˬ sahˬ paˬ-euˬ baoˬ uˬ moˆ ngaˇ bi dehꞈ ma. Tiˬ paˆ na deuˬ-ahˇ aˬ yawꞈ maꞈ-euˬ miˇ kʼahˬ-ahˇ paꞈ kʼoꞈ gʼeh-awˇ, tiˬ paˆ na deuˬ-ahˇ sehꞈ dzeh yaꞈ tehꞈ-a.

Yeˬlaˬmiˇ 34:3

Nawˬ-euˬ gʼawˇ mawˇ maˬ cehˆ dzeuˇ nya-aˇ. Nawˬ-ahˇ aˬ cawˬ nyehꞈ mi-awˇ, aˬ yawꞈ-euˬ aˬ laꞈ laꞈ kʼoeˇ a nehˬ tehꞈ-a. Nawˇ aˬ yawꞈ-ahˇ myaˆ pyawˬ ya ciˬ daˬ-awˇ, dawˬ ya ngehˬ cawˬ tehꞈ-a. Kʼoeˇ naˇ, Baˬbuˇloˬ miˇ kʼahˬ-ahˇ nawˇ ya iˇ gʼeh tehꞈ-a.

Yeˬlaˬmiˇ 44:30

Yuˇdaˆ sahˬ paˬ Zeˬdaˬkiˇ-ahˇ, aˬ yawꞈ-ahˇ muiˇ-awˇ sehꞈ mawꞈ-eu Baˬbuˇloˬ sahˬ paˬ Neˬbuˬkaˬneˬzaˬ-euˬ laꞈ-ahˇ ngaˬ neh a nehˬ-euˬ loꞈ-ehˇ, Iˇjiˇtuˆ sahˬ paˬ Hawˇpaˬyaˬ-ahˇ kʼawꞈ, aˬ yawꞈ-ahˇ muiˇ-awˇ sehꞈ mawꞈ-eu deuˬ-euˬ aˬ laꞈ laꞈ kʼoeˇ ngaˇ a ahˇ nehˬ ma’ lehˇ ehˇ-eu meh.”

Yeˬlaˬmiˇ 52:11

Kʼoeˇ naˇ, Zeˬdaˬkiˇ-euˬ myaˆ nuiˆ laˆ behꞈ nehˬ-awˇ, shmˇ caˆ bi daˬ-awˇ, Baˬbuˇloˬ miˇ kʼahˬ-ahˇ sheuˬ daˆ gʼeh-euˬ meh. Zeˬdaˬkiˇ-aˬ, shiˇ ngeh keuˆ ni Baˬbuˇloˬ meuˬ-ahˇ jaˆ-eu paꞈ kuˆ-ahˇ uˇ-euˬ meh.

Yeˬsaˬgeˬlaˇ 12:13

Ehˇ kʼawꞈ, ngaˇ baw gʼaꞈ kʼmˇ-awˇ, aˬ yawꞈ-ahˇ kʼmˇ paꞈ ma. Kʼoeˇ naˇ, aˬ yawꞈ-ahˇ ngaˇ Baˬbuˇloˬ meuˬ-ahˇ sheuˬ gʼeh-awˇ, meuˬ kʼoeˇ meuˬ-ahˇ maˬ ya mawˇ-ehˇ ya shiˇ tehꞈ-a.

Yaˇ kʼaˬ daˇ 16:21

Piˇliˇtiˆ tsawˇ haˬ deuˬ aˬ yawꞈ-ahˇ paꞈ-awˇ, aˬ yawꞈ-euˬ myaˆ nuiˆ kʼeuꞈ doˆ nehˬ-euˬ meh. Aˬ yawꞈ maꞈ aˬ yawꞈ-ahˇ Gaˬzaˬ meuˬ-ahˇ sheuˬ gʼeh-awˇ, guiˬ shuiˇ aˇ caˆ bi daˬ-awˇ, paꞈ kuˆ laꞈ kʼoeˇ lo lehˬ bi lehˬ-euˬ meh.