Yeˬlaˬmiˇ 39:10 - Akha

¹⁰ Myawˬ gahˬ tiˬ jeˬ-iˬ maˬ jaˆ-eu yaw shaˬ zaˬ tiˬ paˆ na deuˬ-ahˇ, Yuˇdaˆ miˇ kʼahˬ laꞈ kʼoeˇ aˬ yawꞈ bi jawˇ yaꞈ-awˇ, aˬ gaꞈ yaˇ kmˇ hawˇ-eu deh yaˇ biˇ nehˬ yaꞈ-euˬ meh.

Yeˬlaˬmiˇ 39:10 ပူးပေါင်းရင်းမြစ်များ

2 Sahˬpaˬ 25:12

Ehˇ kʼawꞈ, yaw shaˬ zaˬ deuˬ-ahˇ Yeˬluˇsaˬlehˬ meuˬ laꞈ kʼoeˇ bi jawˇ yaꞈ-awˇ, aˬ gaꞈ yaˇ kmˇ bi mˇ-awˇ, deh ma bi tsehˬ-euˬ meh.

Iˇsaˬyaˇ 7:21

“Aˇ nah aˇ yamˬ kʼoeˇ yamˬ keuˆ le ngeh, tsawˇ haˬ tiˬ gʼaˬ-euˬ mawˇ neˇ mawˇ kʼaˇ tiˬ mawˇ hawˇ-eu ciꞈ myehꞈ nyiˬ ma tehꞈ-ehˇ cu dzeuˇ nya-euˬ kʼawꞈ,

Yeˬlaˬmiˇ 40:10

Ngaˬ-euˬ gʼawˇ mawˇ heu gaˇ Miˇzaˬpaˬ meuˬ-ahˇ jawˇ-awˇ, Baˬbuˇloˬ tsawˇ haˬ deuˬ oe ngeh, naw maꞈ-euˬ dah zaˇ ngaˇ ngehˬ dah tmˇ dah ma. Aˬ gaꞈ dzaˇ uiˇ maˬ ehˇ, aˇ siˬ aˇ lu deuˬ maˬ ehˇ, saˬ loˬ tsiˇ maˬ ehˇ, naw maꞈ poˆ uiˬ-awˇ, jeˬ hmˬ-eu laꞈ kʼoeˇ, naw maꞈ uˆ lahˇ luꞈ-eu pu deuˬ laꞈ kʼoeˇ jawˇ nya tehꞈ-a.”

Yeˬlaˬmiˇ 40:7

Yuˇdaˆ tsawˇ haˬ yaw huiˬ yaw mahˇ tiˬ paˆ na deuˬ hawˇ-eu yehˇ tiˬ paˆ na deuˬ, Baˬbuˇloˬ guiˇ maꞈ-ahˇ yahˇ pawˇ-awˇ jawˇ-euˬ meh. Baˬbuˇloˬ sahˬ paˬ neh Geˬdaˬliˇ-ahˇ Yuˇdaˆ miˇ kʼahˬ-ahˇ bi haw piˇ-awˇ, Baˬbuˇloˬ miˇ kʼahˬ -ahˇ maˬ nyehꞈ gʼeh ni bi jawˇ yaꞈ-euˬ shaˬ dui zahˬ dui dui-eu tsawˇ haˬ deuˬ kʼoeˇ taˆ uˆ lahˇ-eu gʼaˬ bi geuꞈ yaꞈ-euˬ gaˇ kawˆ, aˬ yawꞈ maꞈ ya gaˬ-euˬ meh.

Yeˬlaˬmiˇ 43:6

Baˬluˆ nga nyaꞈ ahˇ leˇ-ehˇ, kʼaˬ dzeˇ zaˬ hawˇ-eu zaˬ miˬ zaˬ deuˬ maˬ ehˇ, zaˬ yaw nyiˇ deuˬ maˬ ehˇ, sahˬ paˬ zaˬ miˬ deuˬ maˬ ehˇ, Baˬbuˇloˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh Geˬdaˬliˇ haw-u pyaˆ-eu uˬ moˆ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ, aˬ yawꞈ maꞈ sheuˬ ka gʼeh-euˬ meh.

Yeˬlaˬmiˇ 52:16

Ehˇ kʼawꞈ, myawˬ gahˬ tiˬ pawꞈ-iˬ maˬ jaˆ-eu shaˬ dui zahˬ dui dui-eu tsawˇ haˬ deuˬ-ahˇ Yuˇdaˆ miˇ kʼahˬ laꞈ kʼoeˇ bi jawˇ yaꞈ-awˇ, aˬ gaꞈ yaˇ kmˇ hawˇ-eu deh yaˇ-ahˇ gaˇ bi mˇ yaꞈ-euˬ meh.

Yeˬsaˬgeˬlaˇ 33:24

“Tsawˇ haˬ zaˬ-oˇ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu cawˆ-iˇ-euˬ meuˬ deuˬ laꞈ kʼoeˇ jawˇ-eu tsawˇ haˬ deuˬ heu loꞈ-ehˇ ehˇ luꞈ meh. ‘Aˬbyaˬhaˬ tiˬ gʼaˬ tehꞈ-ahˇ kʼawꞈ, miˇ kʼahˬ heu kʼahˬ kʼahˬ lah ni biꞈ-euˬ-aˬ, aˬ dui heu myaˆ ni paˇ gʼeh-eu-aˬ, miˇ kʼahˬ heu kʼahˬ za tsehˆ-euˬ ngaˇ’ lehˇ ehˇ luꞈ meh.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.