Yeˬlaˬmiˇ 38:9 - Akha

⁹ “Sahˬ paˬ-oˇ, tsawˇ haˬ kʼoeˇ deuˬ neh mˇ-euˬ jeˬ maˬ tsaˬ maˬ dawˇ-a. Yeˬlaˬmiˇ-ahˇ lah duˬ laꞈ kʼoeˇ aˬ yawꞈ maꞈ nyehꞈ ahˇ-euˬ meh. Meuˬ laꞈ kʼoeˇ dzaˬ dzaˬ dawˇ dawˇ nym laˇ taˬ-euˬ miˇ neh, Yeˬlaˬmiˇ ya shiˇ-eu yaw duˬ baw meh.”

Yeˬlaˬmiˇ 38:9 ပူးပေါင်းရင်းမြစ်များ

Yawˇbaˆ 31:34

Aˬ cawˬ ngaˬ-ahˇ ehˇ laˇ gaˇ ngaˇ maˬ guˆ-ehˇ, aˬ cawˬ ja doeˇ gaˇ maˬ gaˬ peuˬ-eu miˇ neh iˇ kahˇ laꞈ kʼoeˇ ciˬ cuˇ ni jawˇ byoˆ-euˬ maˬ jaˆ haw-aˬ.

Yeˬlaˬmiˇ 19:9

Muiˇ-eu deuˬ meuˬ-ahˇ loꞈ jawˬ-awˇ, aˬ yawꞈ maꞈ-ahˇ sehꞈ-eu lehˇ leh jeh tehꞈ-a. Aˬ yawꞈ maꞈ-ahˇ loꞈ jawˬ taˬ-euˬ kʼoeˇ aˇ naˆ ni guˆ laˇ paˬ-ehˇ gʼeh-eu nga lehˇ ehˇ ngeh, meuˬ laꞈ kʼoeˇ jawˇ-eu deuˬ tiˬ gʼaˬ-euˬ shaˬ jiˇ tiˬ gʼaˬ dzaˬ gaˇ keuˆ-awˇ, yawˬ ha-euˬ zaˬ-euˬ shaˬ jiˇ ya dzaˬ gaˇ keuˆ tehꞈ-a.”

Yeˬlaˬmiˇ 37:21

Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Yeˬlaˬmiˇ 38:10

Ngaˇ maˬ shiˇ tsehˆ mi naˆ-ehˇ ngaˬ-ahˇ bi gʼeu doˆ laˇ-eu gʼaˇ duˬ, Eˇbehˆmeˬlehˆ-ahˇ sahˬ paˬ neh dawˬ biꞈ-awˇ, tsawˇ haˬ smˇ gʼaˬ sheuˬ-awˇ bi oe-euˬ meh.

Yeˬlaˬmiˇ 38:8

Eˇbehˆmeˬlehˆ sahˬ paˬ jawˇ gaˇ le-awˇ, heu loꞈ-ehˇ ehˇ nehˬ-euˬ meh.

Yeˬlaˬmiˇ 39:17

Ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ nawˬ-ahˇ haw piˇ-awˇ, nawˇ guˆ luꞈ-eu tsawˇ haˬ deuˬ-euˬ laꞈ-ahˇ, nawˬ-ahˇ maˬ bi ahˇ leˇ.

Yeˬlaˬmiˇ 52:6

Kʼoeˇ ngeh kʼoꞈ ba la oeˬ siˬ tiˬ siˬ gʼoeˬ nah tiˬ nah-ahˇ, mehꞈ dui shuꞈ dui dui-eu miˇ neh, dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh,

Ngoeˇ dawˬ 1:11

Yawꞈ-euˬ tsawˇ haˬ deuˬ mahˇ mahˇ-ehˇ, kʼaˬ meh-ahˇ dzaˬ-eu poˆ luꞈ meh. Aˬ yawꞈ maꞈ maˬ ya shiˇ tsehˆ ni, pyuˇ shuiˇ neh hawˬ paˇ dzaˬ-eu meh. “Ngaˬ-euˬ shaˬ zahˬ naꞈ dui dui gaˇ, Sahˬpaˬ Miˬyehˇ haw nehˬ laꞈ sheˇ.

Ngoeˇ dawˬ 3:53

Duˬ kʼahˬ-ahˇ dzeh ahˇ nehˬ laꞈ-awˇ, kʼaˬ lo ngawˬ tehˬ nehˬ laꞈ-euˬ meh.