Yeˬlaˬmiˇ 38:6 - Akha

⁶ Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Yeˬlaˬmiˇ 38:6 ပူးပေါင်းရင်းမြစ်များ

Aˇ dahˬ 37:24

Kʼoeˇ naˇ, aˬ yawꞈ-ahˇ nyehꞈ-awˇ, iˇ cuꞈ gui-iˇ-euˬ lah duˬ duˬ tsoeˬ laꞈ kʼoeˇ biˬ ahˇ-euˬ meh.

Jaceuq 109:5

Yaw muiˬ jeˬ mˇ nehˬ gaˇ yaw doeˇ jeˬ mˇ kʼoꞈ nehˬ laꞈ-awˇ, gʼoeˇ-eu gaˬ-eu jeˬ-ahˇ bye-eu jeˬ biꞈ kʼoꞈ laꞈ-euˬ meh.

Jaceuq 40:2

Shaˬzahˬguˆgaˆmyaˬdui dui-eu, lah yaˬlah shiˇkʼahˬnaꞈlaꞈkʼoeˇ, aˬyawꞈngaˬ-ahˇgʼeu doˆle-awˇ, kʼaˬlo kʼoeˇtaˆciˬdaˆlaꞈ-awˇ, ziꞈdah ni bi yawꞈlaꞈ-euˬmeh.

Jaceuq 69:2

Naꞈ dui dui-eu lah siˇ laꞈ kʼoeˇ ngaˇ ga nuiꞈ-iˇ luꞈ-awˇ, aˬ kuiˇ nawˬ tehˬ duˬ miˇ tsaˬ yaw gʼahˇ maˬ jaˆ nya. Naꞈ dui dui-eu iˇ cuꞈ kʼoeˇ taˆ ngaˇ jawˇ luꞈ-awˇ, iˇ cuꞈ iˇ luˆ dzeh-eu miˇ neh ga nuiꞈ byoˆ shaw-iˬ miˇ-a.

Yeˬlaˬmiˇ 32:2

Aˇ yamˬ kʼoeˇ yamˬ laꞈ kʼoeˇ, Baˬbuˇloˬ sahˬ paˬ-euˬ guiˇ maꞈ deuˬ Yeˬluˇsaˬlehˬ meuˬ-ahˇ guiˇ deuˆ luꞈ-awˇ, sahˬ paˬ-euˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˇ uˇ luꞈ-eu ma.

Yeˬlaˬmiˇ 36:26

Kʼoeˇ naˇ, ngaˇ hawˇ-eu ngaˬ neh ehˇ-euˬ dawˬ boꞈ doˆ-euˬ gʼaˬ pyeuꞈ-eu Baˬluˆ nga nyaꞈ-ahˇ bi nyehꞈ-eu gʼaˇ duˬ, sahˬ paˬ zaˬ yo Yeˬlaˬmeˬlaˇ, Aˬzaˬleˬlaˇ-euˬ aˬ li Seˬlehˇyaˬ hawˇ-eu Aˬbaˬdeˬlaˇ-euˬ aˬ li Sheˬleˬmiˇ aˬ ha smˇ gʼaˬ-ahˇ, sahˬ paˬ dawˬ biꞈ-euˬ meh. Ehˇ kʼawꞈ, Sahˬpaˬ Miˬyehˇ neh ngaˬ-ahˇ sheuˬ zaꞈ nehˬ laꞈ-euˬ meh.

Yeˬlaˬmiˇ 37:16

Miˇ tsaˬ dawˬ dah jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ, gʼawˬ myahˇ ni bi jawˇ nehˬ laꞈ-euˬ meh.

Yeˬlaˬmiˇ 37:21

Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Yeˬlaˬmiˇ 38:13

Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.

Yeˬlaˬmiˇ 38:22

Yuˇdaˆ sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu zaˬ miˬ zaˬ deuˬ-ahˇ, Baˬbuˇloˬ tsawˇ haˬ yaw huiˬ yaw mahˇ deuˬ jawˇ gaˇ sheuˬ doˆ gʼeh nehˬ-eu ngaˇ ya mawˇ-euˬ ma. Aˬ yawꞈ maꞈ heu loꞈ-ehˇ ehˇ-awˇ doˆ-iˇ luꞈ-eu meh. ‘Sahˬ paˬ-ahˇ gʼoeˇ dui dui-eu cawˬ deuˬ, sahˬ paˬ-ahˇ tsawˇ gahˇ gahˇ gʼaˬ-euˬ meh. Sahˬ paˬ aˬ kuiˇ lah yaˬ-ahˇ nawˬ pahˬ-awˇ, cawˬ deuˬ byehˇ dzeh nehˬ yaꞈ-euˬ meh’ lehˇ ehˇ-eu meh.”

Daˬyeˬlaˇ 6:16

Kʼoeˇ ngeh jawˇ, Daˬyeˬlaˇ-ahˇ nyehꞈ-awˇ aˇ laˬ jaˬ shiˇ kuˆ-ahˇ biꞈ ahˇ-eu gʼaˇ duˬ sahˬ paˬ dawˬ biꞈ-euˬ meh. “Nawˇ saˇ jaˇ ziꞈ-awˇ gʼoe luꞈ-eu nawˬ-euˬ Miˬyehˇ nawˬ-ahˇ ka kʼoꞈ luꞈ-uˇ” lehˇ, Daˬyeˬlaˇ-ahˇ aˬ yawꞈ ehˇ nehˬ-euˬ meh.

Zaˬkaˬliˇ 9:11

Sahˬpaˬ Miˬyehˇ ehˇ-eu, “Ngaˬ neh naw maꞈ-ahˇ dzaˬ taˬ-euˬ, dawˬ ma saˇ jaˇ shiˬ baˬ da neh, duˬ kʼahˬ naꞈ gaˇ bi paꞈ taˬ-euˬ, naw maꞈ tsawˇ haˬ ngaˇ puiˇ pyehˬ ma.

Gʼaˬkʼehˇ 16:24

Yaw huiˬ yaw mahˇ deuˬ neh dawˬ biꞈ yaꞈ-euˬ loꞈ-ehˇ, tawˬ-ahˇ haw-eu kʼoeˇ gʼaˬ aˬ yawꞈ nyaꞈ-ahˇ laꞈ kʼoeˇ paw jaˆ-eu paꞈ kuˆ-ahˇ nyehꞈ uˇ-awˇ, diˬ tm tm ma neh kuiˇ tawꞈ tawꞈ-awˇ bi jawˇ-euˬ meh.

HeˬByehˇ 10:36

Miˬyehˇ-euˬ nui kʼahˇ mˇ byah-awˇ aˬ yawꞈ neh saˇ jaˇ dzaˬ taˬ-euˬ jeˬ-ahˇ za nya ni, nui ma gʼawˬ mahˇ ni ya taˬ meh.