Yeˬlaˬmiˇ 38:27 - Akha

²⁷ Kʼoeˇ naˇ, yaw huiˬ yaw mahˇ dawˬ tawˆ luꞈ ngaˬ-ahˇ naˇ haˬ laˇ-awˇ, sahˬ paˬ neh kʼaˇ ehˇ nehˬ laꞈ-euˬ loꞈ-ehˇ ngaˇ ehˇ kʼoꞈ nehˬ-euˬ ma. Sahˬ paˬ nga nyaꞈ dawˬ ngehˬ cawˬ-euˬ gaˇ, tsawˇ haˬ tiˬ gʼaˬ-iˬ maˬ ya gaˬ-euˬ miˇ neh, aˬ yawꞈ maꞈ tiˬ jeˬ-iˬ maˬ ehˇ nya-a.

Yeˬlaˬmiˇ 38:27 ပူးပေါင်းရင်းမြစ်များ

2 Sahˬpaˬ 6:19

Kʼoeˇ naˇ, aˬ yawꞈ maꞈ jawˇ gaˇ Eˇliˇshehˇ le-awˇ, “Naw maꞈ gaˇ ma oe bahˬ-euˬ nga. Naw maꞈ poˆ le-euˬ meuˬ-aˬ, heu meuˬ maˬ ngeuˇ-a. Ngaˬ-euˬ mehˬ nah caw teh laˇ-awˬ. Naw maꞈ shaˇ caw luꞈ-eu tsawˇ haˬ kʼoeˇ gʼaˬ jawˇ gaˇ naw maꞈ-ahˇ ngaˇ sheuˬ gʼeh nehˬ nyaˇ” lehˇ ehˇ neh-euˬ meh. Kʼoeˇ naˇ, aˬ yawꞈ maꞈ-ahˇ Saˬmaˬliˆ meuˬ laꞈ kʼoeˇ aˬ yawꞈ sheuˬ uˇ gʼeh-euˬ meh.

Yeˬlaˬmiˇ 38:25

Ngaˇ nawˬ nehˬ-awˇ ngehˬ cawˬ-euˬ gaˇ kawˆ yaw huiˬ yaw mahˇ deuˬ ya gaˬ naˇ, aˬ jeˬ gaˇ kawˆ ngehˬ cawˬ-euˬ nga lehˇ siˬ mawꞈ-eu miˇ neh, nawˬ-ahˇ naˇ haˬ laˇ tehꞈ-a. Kʼaˇ ngeuˇ-eu loꞈ-ehˇ dawˇ coe ni ehˇ doˆ nehˬ jiˇ naˇ, nawˬ-ahˇ maˬ sehꞈ ni bi dzeuˇ-iˇ ma lehˇ aˬ yawꞈ maꞈ ehˇ laˇ tehꞈ-a.

Yeˬlaˬmiˇ 38:26

Kʼoeˇ loꞈ-ehˇ ehˇ laˇ naˇ, paꞈ kuˆ-ahˇ paˇ dawˆ-awˇ taˬ bi shiˇ nehˬ laꞈ lehˇ, ngaˬ-ahˇ nawˇ shaˇ-euˬ tehꞈ ma lehˇ ehˇ kʼoꞈ nehˬ naˇ gʼaˬ tehꞈ-a.”

Yeˬlaˬmiˇ 38:28

Kʼoeˇ naˇ, Yeˬluˇsaˬlehˬ meuˬ-ahˇ aˬ cawˬ deuˆ gʼaˬ ngeh nah keuˆ ni, sahˬ paˬ hawˇ nymˇ lahˇ laꞈ kʼoeˇ ngaˇ jawˇ-euˬ ma.

Gʼaˬkʼehˇ 23:6

Uiˬ laˇ taˬ-euˬ tsawˇ haˬ deuˬ laꞈ kʼoeˇ, tiˬ paˆ deuˬ Paˬliˬsehˇ deuˬ pyeuꞈ-awˇ tiˬ paˆ deuˬ Saˬduˬgehˇ deuˬ pyeuꞈ-eu Pawˇluˆ haw siˬ ngeh, Baꞈ dzah-ahˇ teˇ saˇ yaw kʼaˆ kʼaˆ-ehˇ guˇ-awˇ heu loꞈ-ehˇ ehˇ-eu meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ Paˬliˬsehˇ ma. Ngaˬ da kʼawꞈ Paˬliˬsehˇ meh. Shiˇ-euˬ tsawˇ haˬ deuˬ gʼoꞈ dehꞈ laˇ tehꞈ-a lehˇ ngaˇ noeˬ tmˬ-euˬ tiˬ jeˬ baˬ da neh, aˬ cawˬ neh bi nyehꞈ-awˇ heu loꞈ-ehˇ bi naˇ haˬ gaˇ ya daˬ luꞈ-eu ma.”