Yeˬlaˬmiˇ 38:21 - Akha

²¹ Ehˇ kʼawꞈ, nawˇ laꞈ oꞈ maˬ awꞈ ma lehˇ ngeuˇ naˇ, aˬ joˆ-ehˇ pyeuꞈ laˇ-eu gaˇ kawˆ Sahˬpaˬ Miˬyehˇ ngaˬ-ahˇ yaw sahˇ laꞈ kʼoeˇ heu loꞈ-ehˇ bi siˬ bi mawˇ laꞈ-euˬ meh.

Yeˬlaˬmiˇ 38:21 ပူးပေါင်းရင်းမြစ်များ

2 Laˬsaˬbaˬ 36:12

Sahˬpaˬ Miˬyehˇ mehˬ shi aˬ yawꞈ iˬ baˇ mˇ-awˇ nui ma nahˬ yu ni maˬ taˬ-ehˇ, Sahˬpaˬ Miˬyehˇ gʼaˇ duˬ ngehˬ dah-eu Yeˬlaˬmiˇ-euˬ ehˇ dawˬ-ahˇ maˬ naˇ haˬ geuꞈ-a.

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Yawˇbaˆ 34:33

Miˬyehˇ neh mˇ-euˬ jeˬ-ahˇ nawˇ maˬ geuꞈ mawꞈ-eu-aˬ, nawˇ nui ma tsaˬ-eu jeˬ aˬ yawꞈ mˇ nehˬ laꞈ gaˇ, nawˇ noeˬ tmˬ nya te loˇ. Nymˬ-mˇ noeˬ tsehˆ paˬ-ehˇ gʼeh-eu gʼaˬ ngaˇ maˬ ngeuˇ. Nawˇ meh. Nawˇ aˬ joˆ-ehˇ noeˬ luꞈ-eu nga maꞈ-ahˇ ehˇ nehˬ laꞈ sheˇ.

Doˆ-iˇ 16:28

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ ngaˬ-euˬ ehˇ dawˬ-ahˇ maˬ naˇ haˬ ni aˇ myah keuˆ ni jawˇ-eu lehˇ gʼeh ta.

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬlaˬmiˇ 38:22

Yuˇdaˆ sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu zaˬ miˬ zaˬ deuˬ-ahˇ, Baˬbuˇloˬ tsawˇ haˬ yaw huiˬ yaw mahˇ deuˬ jawˇ gaˇ sheuˬ doˆ gʼeh nehˬ-eu ngaˇ ya mawˇ-euˬ ma. Aˬ yawꞈ maꞈ heu loꞈ-ehˇ ehˇ-awˇ doˆ-iˇ luꞈ-eu meh. ‘Sahˬ paˬ-ahˇ gʼoeˇ dui dui-eu cawˬ deuˬ, sahˬ paˬ-ahˇ tsawˇ gahˇ gahˇ gʼaˬ-euˬ meh. Sahˬ paˬ aˬ kuiˇ lah yaˬ-ahˇ nawˬ pahˬ-awˇ, cawˬ deuˬ byehˇ dzeh nehˬ yaꞈ-euˬ meh’ lehˇ ehˇ-eu meh.”

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Bawˇtsahˬ 24:13

Nawˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ law hawˇ kʼawꞈ, Sahˬpaˬ Miˬyehˇ-euˬ ehˇ dawˬ leuˇ-awˇ, yawˬ ha-euˬ nui noeˬ ngaˇ maˬ mˇ nya-a. Sahˬpaˬ Miˬyehˇ neh bi ngehˬ bi tmˇ laꞈ-euˬ loꞈ-ehˇ tehꞈ-ehˇ ngaˇ ngehˬ ma tmˇ ma lehˇ ehˇ nehˬ-euˬ ma tawˇ.”

Gʼaˬkʼehˇ 18:6

Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.