Yeˬlaˬmiˇ 36:8 - Akha

⁸ Kʼoeˇ ngeh, Baˬluˆ-aˬ, ngaˬ neh kʼaˇ ehˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ Sahˬpaˬ Miˬyehˇ-euˬ dawˬ kʼoeˇ deuˬ gui gaˬ nehˬ-euˬ meh.

Yeˬlaˬmiˇ 36:8 ပူးပေါင်းရင်းမြစ်များ

Neˬhaˬmiˇ 8:3

Meuˬ lahˇ gʼoˆ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ, gʼoˆ shaw nya laˇ-euˬ deuˬ pyeuꞈ-eu kʼaˬ dzeˇ zaˬ, zaˬ miˬ zaˬ hawˇ-eu zaˬ deuˬ-ahˇ, uˬ bya bya laˇ ngeh neh nah loˆ ceh laˇ ngeh keuˆ ni aˬ yawꞈ gui mehˬ ngeh, aˬ yawꞈ maꞈ nui ma keuˆ-eu laꞈ kʼoeˇ naˇ haˬ luꞈ-eu meh.

Yeˬlaˬmiˇ 1:17

Yeˬlaˬmiˇ-oˇ, lehˬ hmˬ-awˬ. Ngaˬ neh kʼaˇ bi ehˇ-euˬ yawˬ jeˬ na luꞈ, aˬ yawꞈ maꞈ-ahˇ ehˇ nehˬ-iˇ-awˬ. Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˇ guˆ naˇ, aˬ yawꞈ maꞈ-euˬ mehˬ shi kʼoeˇ naˆ maˬ tseˇ nawˬ-ahˇ ngaˇ paˇ laˆ guˆ nehˬ ma.

Yeˬlaˬmiˇ 32:12

Haˬnaˬmeˬlaˇ hawˇ-eu zeuˇ laꞈ mˇ gaˇ laꞈ ma dehˬ-euˬ tsawˇ kaˬ deuˬ-euˬ mehˬ shi, sahˬ paˬ-euˬ hawˇ nymˇ lahˇ laꞈ kʼoeˇ kʼaˇ nuiˇ luꞈ-eu tsawˇ haˬ deuˬ-euˬ mehˬ shi, Neˬliˇyaˆ-euˬ aˬ li Baˬluˆ-euˬ laꞈ-ahˇ a nehˬ-euˬ ma.

Yeˬlaˬmiˇ 36:4

Kʼoeˇ naˇ, Neˬliˇyaˆ-euˬ aˬ li Baˬluˆ-ahˇ ngaˇ kuˇ-awˇ, Sahˬpaˬ Miˬyehˇ neh ngaˬ-ahˇ kʼaˇ ehˇ nehˬ laꞈ-euˬ jeˬ dawˬ tawˆ luꞈ gui ka ka nehˬ-awˇ, shaˬ kʼoˆ paˇ yoˆ laꞈ kʼoeˇ bi boꞈ ahˇ jiˇ-euˬ ma.

Yeˬlaˬmiˇ 36:6

Ehˇ kʼawꞈ, miˇ kʼahˬ zaˬ deuˬ maˬ dzaˬ maˬ dawˇ ni lah-eu aˇ nah paˇ keuˆ laˇ ngeh, nawˬ-ahˇ kʼoeˇ gaˇ bi uˇ leˇ-awˇ, ngaˬ neh nawˬ-ahˇ gui ka ka nehˬ-awˇ bi boꞈ-euˬ, Sahˬpaˬ Miˬyehˇ neh ehˇ taˬ-euˬ dawˬ kʼoeˇ deuˬ dawˬ tawˆ luꞈ-ahˇ, yawˬ gʼaˬ na luꞈ ya gaˬ ni, sahˬ boꞈ paˇ yoˆ kʼoeˇ bi gui nehˬ leˇ mawꞈ-eu ma. Yawˬ ha kʼaˇ jawˇ-eu meuˬ-ahˇ neh laˇ uiˬ taˬ-euˬ Yuˇdaˆ tsawˇ haˬ deuˬ ahˇ leˇ-ehˇ, tsawˇ haˬ yawˬ gʼaˬ na luꞈ gaˬ nya-eu tsahˇ-ahˇ jawˇ-awˇ, yaw kʼaˆ kʼaˆ-ehˇ guˇ-awˇ gui mehˬ nehˬ-awˬ.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

1 Gawˇliˬtu 16:10

Tiˆmoˇseˬ naw maꞈ jawˇ gaˇ oe doˆ lawˬ naˇ, yaw muiˬ paˬ-ehˇ ha nehˬ-awˬ. Aˬ jeˬ miˇ neh ehˇ naˇ, aˬ yawꞈ kʼawꞈ ngaˬ loꞈ-ehˇ Sahˬpaˬ Yeˬsuˇ-euˬ gaˇ mˇ luꞈ-eu tsawˇ haˬ meh.