Yeˬlaˬmiˇ 36:2 - Akha

² “Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Yeˬlaˬmiˇ 36:2 ပူးပေါင်းရင်းမြစ်များ

Yeˬlaˬmiˇ 30:2

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ neh nawˬ-ahˇ kʼaˇ ehˇ nehˬ-euˬ jeˬ, sahˬ boꞈ laꞈ kʼoeˇ boꞈ ahˇ taˬ-awˬ.

Yeˬlaˬmiˇ 25:3

“Aˬmo-euˬ aˬ li Yawˇshiˆ sahˬ paˬ geuꞈ-eu tseˇ smˇ kʼoꞈ tiˬ kʼoꞈ pyeuꞈ-eu, dzeuˇ laˇ-euˬ nyiˬ tseˇ smˇ kʼoꞈ-ahˇ neh iˬ nah keuˆ ni, Sahˬpaˬ Miˬyehˇ ngaˬ-ahˇ dawˬ ngehˬ cawˬ luꞈ-awˇ, aˬ yawꞈ neh kʼaˇ ehˇ-euˬ jeˬ, naw maꞈ-ahˇ ngaˇ maˬ byehˇ ni ehˇ nehˬ luꞈ-eu ma. Ehˇ kʼawꞈ, naw maꞈ naˬ bawˇ gaˬ leˇ gaˇ maˬ duˇ-a.

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Yeˬsaˬgeˬlaˇ 2:9

Ngaˇ jawˇ gaˇ aˬ laꞈ cawˬ ja leꞈ-eu ya mawˇ-awˇ, aˬ laꞈ kʼoeˇ laꞈ-ahˇ sahˬ boꞈ paˇ yoˆ tiˬ yoˆ tuˆ tehˬ taˬ-euˬ meh.

Yeˬlaˬmiˇ 51:60

Baˬbuˇloˬ miˇ kʼahˬ kʼoeˇ taˆ keuˆ le-eu lehˇ gʼeh-eu yaw cawˆ jeˬ dawˬ tawˆ luꞈ hawˇ-eu, Baˬbuˇloˬ miˇ kʼahˬ gaˇ kawˆ nui jeˬ dawˬ tawˆ luꞈ sahˬ boꞈ tiˬ dmˬ laꞈ kʼoeˇ ngaˇ boꞈ-euˬ ma.

Yeˬlaˬmiˇ 36:23

Yeˬhuˇdi sahˬ boꞈ smˬ bymˇ oeˬ bymˇ kʼaˇ gui gʼaˬ ngeh, gui gʼaˬ-eu deuˬ-ahˇ mi cehˇ jiˇ baˆ neh sahˬ paˬ yehˬ tsehˆ doˆ-awˇ, miˬ dzaˬ-ahˇ dawˆ puiˆ-euˬ meh. Sahˬ boꞈ paˇ yoˆ yoˆ lah-ehˇ puiˆ dzaˬ jiˇ ngeh keuˆ ni, tiˬ poˆ saˇ-i tiˬ poˆ aˬ yawꞈ kʼoeˇ loꞈ-ehˇ jahˇ-euˬ meh.

Yeˬlaˬmiˇ 36:6

Ehˇ kʼawꞈ, miˇ kʼahˬ zaˬ deuˬ maˬ dzaˬ maˬ dawˇ ni lah-eu aˇ nah paˇ keuˆ laˇ ngeh, nawˬ-ahˇ kʼoeˇ gaˇ bi uˇ leˇ-awˇ, ngaˬ neh nawˬ-ahˇ gui ka ka nehˬ-awˇ bi boꞈ-euˬ, Sahˬpaˬ Miˬyehˇ neh ehˇ taˬ-euˬ dawˬ kʼoeˇ deuˬ dawˬ tawˆ luꞈ-ahˇ, yawˬ gʼaˬ na luꞈ ya gaˬ ni, sahˬ boꞈ paˇ yoˆ kʼoeˇ bi gui nehˬ leˇ mawꞈ-eu ma. Yawˬ ha kʼaˇ jawˇ-eu meuˬ-ahˇ neh laˇ uiˬ taˬ-euˬ Yuˇdaˆ tsawˇ haˬ deuˬ ahˇ leˇ-ehˇ, tsawˇ haˬ yawˬ gʼaˬ na luꞈ gaˬ nya-eu tsahˇ-ahˇ jawˇ-awˇ, yaw kʼaˆ kʼaˆ-ehˇ guˇ-awˇ gui mehˬ nehˬ-awˬ.

Iˇsaˬyaˇ 8:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Huiˬ-eu kʼaˬ lo teˇ byaꞈ tiˬ byaꞈ yuˇ-awˇ, maˬhaˬsaˬlaˇhaˬsaˬbaˆ lehˇ yaw huiˬ huiˬ-ehˇ boꞈ taˬ-awˬ.

Jaceuq 40:7

Kʼoeˇbaˬda neh ngaˇoˬtoˬ-awˇ, nawˬ-ahˇheu loꞈ-ehˇ ehˇ-eu ma. “Nawˬneh biꞈ-euˬdawˬmehˬdawˬtsoˆ, Zahˇdawˬpaˇyoˆ laꞈkʼoeˇ ahˇma.”

Eˇzaˬlaˬ 6:2

Ehˇ kʼawꞈ, Meˬdiˇ miˇ kʼahˬ Eˇbaˬtaˬnaˬ meuˬ-ahˇ sahˬ boꞈ tiˬ yoˆ mawˇ-euˬ meh. Sahˬ boꞈ kʼoeˇ yoˆ laꞈ kʼoeˇ heu loꞈ-ehˇ boꞈ taˬ-euˬ meh.

Hawˇseˬ 8:12

Zahˇ dawˬ kʼoꞈ dawˬ aˇ muiˇ aˇ seh, aˬ yawꞈ maꞈ-ahˇ boꞈ mehˬ nehˬ kʼawꞈ, maˬ gaˬ maˬ mawˇ haw-euˬ loꞈ-ehˇ, myaˆ haw maˬ cawˬ ni byehˇ tehꞈ-a.

Yeˬlaˬmiˇ 45:1

Yawˇshiˆ-euˬ aˬ li Yeˬhawˇyaˬkmˬ Yuˇdaˆ sahˬ paˬ geuꞈ-euˬ oeˬ kʼoꞈ tiˬ kʼoꞈ-ahˇ, ngaˬ neh gui ka nehˬ-euˬ dawˬ-ahˇ Baˬluˆ boꞈ doˆ-euˬ meh. Kʼoeˇ naˇ aˬ yawꞈ-ahˇ ngaˇ heu loꞈ-ehˇ ehˇ nehˬ-euˬ ma.

Yeˬlaˬmiˇ 36:29

Yuˇdaˆ sahˬ paˬ Yeˬhawˇyaˬkmˬ-ahˇ kʼawꞈ heu loꞈ-ehˇ ehˇ nehˬ-awˬ. “Sahˬ boꞈ paˇ yoˆ kʼoeˇ yoˆ-ahˇ nawˇ miˬ dzaˬ-ahˇ dawˆ puiˆ-awˇ, ‘Baˬbuˇloˬ sahˬ paˬ miˇ kʼahˬ heu kʼahˬ-ahˇ laˆ cawˆ le-awˇ, tsawˇ haˬ hawˇ-eu jeˬ zaˬ-ahˇ sehꞈ tehꞈ-a’ lehˇ aˬ jeˬ miˇ neh boꞈ te lehˇ, Yeˬlaˬmiˇ-ahˇ nawˇ naˇ haˬ-euˬ meh.

Yeˬlaˬmiˇ 2:4

Yaˬkoˆ-euˬ zaˬ Yaˬkoˆ-euˬ uˆ, Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

Yawˇbaˆ 31:35

Ngaˇ dawˬ ngehˬ gaˇ tiˬ gʼaˬ-iˬ maˬ naˇ haˬ-a loˇ. Yawˬ dawˬ na luꞈ tsaˬ ma lehˇ ngaˇ kamˬ peuˬ ma. Baoˬ huiˬ-eu Miˬyehˇ ngaˬ-ahˇ ngehˬ cawˬ le luꞈ-uˇ. Ngaˬ-euˬ yaw lehˬ jeˬ-ahˇ toeˬ mehˬ-eu deuˬ neh ngehˬ-euˬ dawˬ-ahˇ ngaˇ mawˇ nya ni boꞈ doˆ taˬ law nmˇ-aˬ,

Dawˬmehˬ 31:24

Miˬyehˇ-euˬ zahˇ dawˬ kʼoꞈ dawˬ-ahˇ, sahˬ boꞈ tiˬ taꞈ laꞈ kʼoeˇ Moˇseˬ boꞈ-euˬ meh. Dawˬ tiˬ dawˬ tehꞈ-ehˇ kʼawꞈ maˬ ya ngehˇ yaꞈ-eu gʼaˇ duˬ, yahˇ dui dui-eu laꞈ kʼoeˇ boꞈ-euˬ meh.

HeˬByehˇ 10:7

Kʼoeˇ naˇ, ngaˇ heu dawˬ ngehˬ-euˬ ma. ‘Zahˇ dawˬ kʼoꞈ dawˬ sahˬ boꞈ laꞈ kʼoeˇ, ngaˬ-euˬ gaˇ kawˆ ehˇ-euˬ loꞈ-ehˇ, nawˬ-euˬ nui kʼahˇ mˇ byah-eu lehˇ, Miˬyehˇ-oˇ ngaˇ oe taˬ-euˬ ma.”’

Yeˬlaˬmiˇ 1:9

Kʼoeˇ naˇ, Sahˬpaˬ Miˬyehˇ aˬ laꞈ cawˬ ja-awˇ, ngaˬ-euˬ mehˬ luˬ-ahˇ toeˬ-awˇ, heu loꞈ-ehˇ ehˇ-eu meh. “Naˇ haˬ-awˬ. Nawˇ ya ngehˬ-eu dawˬ nawˬ-ahˇ ngaˇ biꞈ-eu ma.

Yeˬlaˬmiˇ 36:14

Kʼoeˇ naˇ, yaw huiˬ yaw mahˇ kʼoeˇ deuˬ Yeˬhuˇdi-ahˇ Baˬluˆ jawˇ gaˇ pyehˬ gʼeh-awˇ, aˬ yawꞈ gui mehˬ luꞈ-eu sahˬ boꞈ paˇ yoˆ kʼoeˇ yuˇ laꞈ-awˬ lehˇ bi ehˇ gaˬ-iˇ-euˬ meh. (Yeˬhuˇdi-euˬ aˬ da-aˬ, Neˬdaˬniˇ meh. Neˬdaˬniˇ-euˬ aˬ da-aˬ, Sheˬleˬmiˇ meh. Sheˬleˬmiˇ-euˬ aˬ da-aˬ, Kuˇshi meh.) Kʼoeˇ naˇ, Baˬluˆ sahˬ boꞈ paˇ yoˆ kʼoeˇ yuˇ-awˇ, aˬ yawꞈ maꞈ jawˇ gaˇ laˇ-euˬ meh.

Yeˬlaˬmiˇ 36:18

Baˬluˆ gʼeh, “Dawˬ aˬ yawꞈ dawˬ yawꞈ Yeˬlaˬmiˇ neh gui ka ka nehˬ laꞈ-euˬ loꞈ-ehˇ, sahˬ boꞈ paˇ yoˆ heu yoˆ laꞈ kʼoeˇ, sahˬ sahˬ uiˇ neh ngaˇ boꞈ-euˬ ma” lehˇ ehˇ kʼoꞈ nehˬ-euˬ meh.