Yeˬlaˬmiˇ 34:2 - Akha

² Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yuˇdaˆ sahˬ paˬ Zeˬdaˬkiˇ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-awˬ. Sahˬpaˬ Miˬyehˇ pyeuꞈ-eu ngaˇ-aˬ, Yeˬluˇsaˬlehˬ meuˬ heu-ahˇ Baˬbuˇloˬ sahˬ paˬ-euˬ aˬ laꞈ laꞈ kʼoeˇ a nehˬ-awˇ, miˬ dzaˬ bi dzah puiˆ dzeh ma.

Yeˬlaˬmiˇ 34:2 ပူးပေါင်းရင်းမြစ်များ

2 Sahˬpaˬ 25:1

Baˬbuˇloˬ sahˬ paˬ Neˬbuˬkaˬneˬzaˬ-ahˇ Zeˬdaˬkiˇ puiˬ-awˇ, Neˬbuˬkaˬneˬzaˬ gʼaˬ aˬ yawꞈ-euˬ guiˇ maꞈ dawˬ tawˆ luꞈ sheuˬ-awˇ, Zeˬdaˬkiˇ sahˬ paˬ geuꞈ luꞈ-eu gʼoeˬ kʼoꞈ tiˬ kʼoꞈ, ba la tseˇ siˬ tiˬ siˬ, tseˇ nah tiˬ nah-ahˇ, Yeˬluˇsaˬlehˬ meuˬ-ahˇ guiˇ deuˆ le-euˬ meh. Meuˬ-euˬ laꞈ nyiˇ paw aˬ yawꞈ maꞈ taˆ tsoˆ-awˇ jawˇ-awˇ, meuˬ meuˬ lahˇ jawˬ jawˬ-ehˇ miˇ tsaˬ ciˬ goˇ-euˬ meh.

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Yeˬlaˬmiˇ 21:10

Meuˬ heu meuˬ-ahˇ maˬ laˆ cawˆ-ehˇ maˬ taˬ lehˇ, ngaˇ noeˬ tsehˆ taˬ-euˬ ma. Meuˬ heu meuˬ Baˬbuˇloˬ sahˬ paˬ-euˬ laꞈ-ahˇ ahˇ leˇ-awˇ, miˇ tsa tuˆ ni bi keuˬ puiˆ byoˆ leꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 21:4

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Zeˬdaˬkiˇ-ahˇ bi tsaꞈ kʼoꞈ leˇ-euˬ ma. “Zeˬdaˬkiˇ-oˇ, Baˬbuˇloˬ sahˬ paˬ hawˇ-eu aˬ yawꞈ-euˬ guiˇ maꞈ nehˬ-ehˇ guiˇ deuˆ luꞈ-eu nawˬ-euˬ guiˇ maꞈ-ahˇ ngaˇ bi smˬ-iˇ ma. Nawˬ-euˬ yehˇ deuˬ-euˬ guiˇ deuˆ-eu keu ka deuˬ-ahˇ, meuˬ-euˬ gʼahˇ ceh ngaˇ gʼoˆ bymˇ ma.

Yeˬlaˬmiˇ 27:22

Pyuˇ shuiˇ myawˬ gahˬ kʼoeˇ deuˬ Baˬbuˇloˬ miˇ kʼahˬ-ahˇ bi yuˇ daˆ leꞈ-awˇ, ngaˇ myaˆ maˬ haw cawˬ kʼoeˇ keuˆ ni, kʼoeˇ gaˇ jaˆ tehꞈ-a. Kʼoeˇ naˇ, pyuˇ shuiˇ myawˬ gahˬ kʼoeˇ deuˬ-ahˇ ngaˇ yuˇ kʼoꞈ leꞈ-awˇ, jawˇ duˬ heu tsahˇ-ahˇ paˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.

Yeˬlaˬmiˇ 34:22

Ngaˇ dawˬ biꞈ nehˬ ngeh, meuˬ heu meuˬ-ahˇ aˬ yawꞈ maꞈ guiˇ paˇ deuˆ poˆ le-awˇ, miˬ dzaˬ dzah puiˆ dzeh tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ, tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh ga loꞈ-ehˇ bi pyeuꞈ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 38:23

Kʼoeˇ naˇ, ngaˇ heu loꞈ-ehˇ paˇ ehˇ nehˬ-euˬ ma. “Nawˬ-euˬ zaˬ miˬ zaˬ deuˬ hawˇ-eu aˬ buˇ aˬ li dawˬ tawˆ luꞈ Baˬbuˇloˬ tsawˇ haˬ deuˬ jawˇ gaˇ bi sheuˬ gʼeh jiˇ-awˇ, nawˇ kʼawꞈ, aˬ yawꞈ maꞈ-euˬ laꞈ-ahˇ maˬ dzeuˇ-iˇ-aˇ. Baˬbuˇloˬ sahˬ paˬ nawˬ-ahˇ nyehꞈ-awˇ, meuˬ heu meuˬ-ahˇ miˬ dzaˬ keuˬ byoˆ dzeh tehꞈ-a.”

Yeˬlaˬmiˇ 39:8

Kʼoeˇ ngeh, Baˬbuˇloˬ tsawˇ haˬ deuˬ sahˬ paˬ-euˬ hawˇ nymˇ hawˇ-eu miˇ kʼahˬ zaˬ-euˬ nymˇ deuˬ keuˬ dzeh-awˇ, Yeˬluˇsaˬlehˬ meuˬ-euˬ meuˬ meuˬ lahˇ deh byaˆ-euˬ meh.