Yeˬlaˬmiˇ 32:7 - Akha

⁷ “Ngaˬ-euˬ aˬ zawˇ Shaˬlmˬ-euˬ aˬ li Haˬnaˬmeˬlaˇ ngaˇ jawˇ gaˇ laˇ-awˇ, ngaˇ-aˬ, aˬ yawꞈ-ahˇ mehˇ nmˇ peh dzehˬ-eu gʼaˬ pyeuꞈ-eu miˇ neh, aˬ yawꞈ-euˬ deh yaˇ zeuˇ geuꞈ kʼmˬ-eu loꞈ-ehˇ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jaˆ-eu aˬ yawꞈ-euˬ deh yaˇ zeuˇ nehˬ laꞈ lehˇ ehˇ le tehꞈ-a lehˇ ehˇ-eu meh.

Yeˬlaˬmiˇ 32:7 ပူးပေါင်းရင်းမြစ်များ

1 Sahˬpaˬ 14:5

“Yeˬyawˇbamˬ-euˬ miˬ zaˬ oe-awˇ, pyaˬ luꞈ-eu aˬ yawꞈ-euˬ aˬ li gaˇ kawˆ naˇ haˬ le tehꞈ-a” lehˇ, Sahˬpaˬ Miˬyehˇ aˬ yawꞈ-ahˇ ehˇ nehˬ taˬ-euˬ meh. Aˬ joˆ-ehˇ ya ehˇ kʼoꞈ nehˬ-eu gaˇ kawˆ kʼawꞈ, Aˬhiˇyaˬ-ahˇ Sahˬpaˬ Miˬyehˇ ehˇ gʼaˬ taˬ-euˬ meh. Yeˬyawˇbamˬ-euˬ miˬ zaˬ-aˬ, aˬ cawˬ neh maˬ bi haw siˬ-eu gʼaˇ duˬ, yawˬ gʼaˬ yawˬ geuꞈ-awˇ oe keuˆ-euˬ meh.

Yeˬlaˬmiˇ 1:1

Sahˬ boꞈ heu taꞈ-aˬ, Hiˇlaˬkiˇ-euˬ aˬ li Yeˬlaˬmiˇ-euˬ dawˬ boꞈ taˬ-euˬ sahˬ boꞈ tiˬ taꞈ pyeuꞈ-eu meh. Hiˇlaˬkiˇ-aˬ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jawˇ-eu piˇ ma tiˬ gʼaˬ pyeuꞈ-eu meh.

Yeˬlaˬmiˇ 11:21

Aˬnaˬtawˇ meuˬ-ahˇ jawˇ-eu deuˬ ngaˬ-ahˇ bi shiˇ mawꞈ-awˇ, Sahˬpaˬ Miˬyehˇ neh bi ngehˬ bi tmˇ-euˬ jeˬ-ahˇ ngaˇ dzawˇ gaˬ dzawˇ gaˬ-ehˇ cah naˇ, aˬ yawꞈ maꞈ ngaˬ-ahˇ sehꞈ ma lehˇ ehˇ-eu meh.

Yeˬlaˬmiˇ 32:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 32:8

Kʼoeˇ naˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ ngaˇ jawˇ-eu paꞈ kuˆ-ahˇ Haˬnaˬmeˬlaˇ oe-awˇ, aˬ yawꞈ-euˬ deh yaˇ zeuˇ nehˬ laꞈ lehˇ ehˇ le-euˬ meh. Kʼoeˇ miˇ neh, Sahˬpaˬ Miˬyehˇ ngaˬ-ahˇ aˬ diˇ aˬ maˇ dawˬ ngehˬ cawˬ le-euˬ nga lehˇ ngaˇ siˬ duˬ -euˬ ma.

Uˬ duˬ 25:23

Yawˬ ha-euˬ miˇ tsaˬ maˬ ya ahˬ dzaˬ tsehˆ-a. Aˬ jeˬ miˇ neh ehˇ naˇ, Miˬyehˇ-aˬ, miˇ tsaˬ-euˬ yaw sahˇ gʼaˬ pyeuꞈ-awˇ, naw maꞈ-aˬ, miˇ tsaˬ kʼoeˇ-ahˇ tiˬ kʼehˬ tiˬ yamˬ laꞈ kʼoeˇ ya mˇ dzaˬ tawˬ luꞈ-eu boeˇ miˬ siˬ kʼaˬ deuˬ-ahˇ duˇ-eu meh.

Uˬ duˬ 25:24

Miˇ tsaˬ tiˬ tsahˇ na ahˬ ngeh, ahˬ sahˇ gʼaˬ paˇ zeuˇ kʼoꞈ geuꞈ nya ni ya jahˇ tsehˆ meh.

Uˬ duˬ 25:25

Iˇsaˬleˬlaˆ tsawˇ haˬ tiˬ gʼaˬ na shaˬ le zahˬ le-awˇ, miˇ tsaˬ ya ahˬ dzaˬ naˇ, aˬ yawꞈ-ahˇ aˬ yuiꞈ aˬ nyiˇ peh dzehˬ-eu gʼaˬ ya zeuˇ kʼoꞈ geuꞈ meh.

Uˬ duˬ 25:34

Ehˇ kʼawꞈ, Leˬbiˇ tsawˇ haˬ deuˬ-euˬ meuˬ jawˬ jawˬ-ehˇ jaˆ-eu jeˬ zaˬ gaˆ kʼahˬ pyeuꞈ-eu miˇ tsaˬ deuˬ-ahˇ, tiˬ jawˇ-iˬ maˬ ya ahˬ dzaˬ-a. Kʼoeˇ-aˬ, mˬ maˬ maˬ byaˆ zaˇ ziˇ aˬ yawꞈ maꞈ-euˬ miˇ tsaˬ pyeuꞈ-eu meh.

Uˬ duˬ 25:49

Aˬ yawꞈ-euˬ aˬ uiˬ, aˬ zawˇ hawˇ-eu aˬ gʼoe deuˬ maˬ ehˇ, aˬ yawꞈ-euˬ mehˇ nmˇ hawˇ-eu aˬ cah deuˬ maˬ ehˇ, aˬ yawꞈ-ahˇ aˬ yuiꞈ aˬ nyiˇ peh-eu tsawˇ haˬ tiˬ gʼaˬ na maˬ ehˇ, aˬ yawꞈ-ahˇ zeuˇ kʼoꞈ geuꞈ nya meh. Pyuˇ jaˆ loꞈ laˇ naˇ, yawˬ haˇ yawˬ ha kʼawꞈ zeuˇ tsehˆ kʼoꞈ nya meh.

Bawˇtsahˬ 35:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Iˇsaˬleˬlaˆ tsawˇ haˬ deuˬ neh za-euˬ miˇ kʼahˬ laꞈ kʼoeˇ, meuˬ tiˬ paˆ na deuˬ hawˇ-eu meuˬ-euˬ tahˬ gʼoꞈ tahˬ jawˇ jaˆ-eu jeˬ zaˬ gaˆ kʼahˬ deuˬ Leˬbiˇ tsawˇ ha deuˬ-ahˇ ya biꞈ meh.