Yeˬlaˬmiˇ 32:34 - Akha34 Ngaˬ-ahˇ uˬ duˬ tahˬ-eu gʼaˇ duˬ tsoˆ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ baꞈ ahˇ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ gaˇ keuˆ ni aˬ yawꞈ maꞈ jahˇ keuˆ-euˬ meh. အခန်းကိုကြည့်ပါ။ |
Uˬ duˬ tahˬ nymˇ nymˇ ma laꞈ kʼoeˇ jaˆ-eu aˬ cawˬ tsawˇ jeuˬ-euˬ miˬ yehˇ deuˬ hawˇ-eu aˬ yawꞈ neh bi jaˆ-euˬ tahˬ pahˬ aˬ ma mawˇ kawˇ maˬ ehˇ, Uˬ duˬ tahˬ nymˇ nymˇ ma tsoˆ taˬ-euˬ gawˬ duˇ-ahˇ hawˇ-eu Yeˬluˇsaˬlehˬ meuˬ doe ni jaˆ-eu lawˇ ciꞈ zaˬ deuˬ-euˬ lawˇ duˬ deuˬ maˬ ehˇ, dawˬ tawˆ luꞈ aˬ yawꞈ yuˇ-awˇ, meuˬ-euˬ laꞈ nyiˇ baꞈ dzeh-iˇ-euˬ meh.
Kʼoeˇ uˬ taꞈ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ-eu deuˬ maˬ ehˇ, piˇ ma deuˬ maˬ ehˇ, miˇ kʼahˬ zaˬ deuˬ maˬ ehˇ, aˬ yawꞈ maꞈ-euˬ jawˬ jawˬ-ehˇ jawˇ-eu aˬ cawˬ tsawˇ jeuˬ deuˬ mˇ luꞈ-eu maˬ muiˬ maˬ jaˬ-eu jeˬ-ahˇ dzaw geuꞈ-awˇ, tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu laꞈ kʼoeˇ, Sahˬpaˬ Miˬyehˇ neh laˆ muiˬ laˆ shawˇ taˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.
Miˇ kʼahˬ zaˬ deuˬ ngaˬ-ahˇ byehˇ dzeh-awˇ, aˬ yawꞈ maꞈ maˬ ehˇ, aˬ yawꞈ maꞈ-euˬ aˬ poeˬ aˬ bawˇ deuˬ maˬ ehˇ, Yuˇdaˆ sahˬ paˬ deuˬ maˬ ehˇ, tiˬ jawˇ-iˬ maˬ gaˬ haw-euˬ miˬ yehˇ nui deuˬ-ahˇ lawˇ nehˬ shehˇ nehˬ-eu laꞈ kʼoeˇ, jawˇ duˬ heu tsahˇ-ahˇ laˆ jawꞈ-euˬ meh. Jawˇ duˬ heu tsahˇ-ahˇ, iˬ baˇ maˬ ahˇ-eu tsawˇ haˬ deuˬ-euˬ shiˬ aˬ yawꞈ maꞈ bi yoeˇ byah-euˬ meh.
Dzeuˇ laˇ-euˬ heu myaˆ nah laꞈ kʼoeˇ, naw maꞈ nui ma noeˬ paˇ-awˇ, ngaˇ nui ma tsaˬ-eu jeˬ mˇ-euˬ meh. Yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ zaˬ kʼaˆ deuˬ-ahˇ pyehˬ nehˬ ma lehˇ naw maꞈ nui ma tsaˬ-awˇ, ngaˬ-ahˇ uˬ duˬ tahˬ-eu Uˬ duˬ tahˬ nymˇ nymˇ ma laꞈ kʼoeˇ, ngaˬ-euˬ mehˬ shi naw maꞈ saˇ jaˇ dzaˬ-euˬ meh.