Yeˬlaˬmiˇ 32:17 - Akha

¹⁷ “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Yeˬlaˬmiˇ 32:17 ပူးပေါင်းရင်းမြစ်များ

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

2 Sahˬpaˬ 19:15

Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Jeˬluˇbeˬ mawˇ kawˇ kʼoeˇ taˆ jaˆ-eu dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ kʼahˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Mˬ hawˇ-eu miˇ, nawˬ neh beh-euˬ meh.

2 Sahˬpaˬ 3:18

Eˇliˇshehˇ paˇ ehˇ-eu, “Gaˇ heu-aˬ, Sahˬpaˬ Miˬyehˇ gʼaˇ duˬ awˬ dui dui-eu gaˇ meh. Mawˇbaˆ miˇ kʼahˬ kʼawꞈ, naw maꞈ-euˬ aˬ laꞈ laꞈ kʼoeˇ aˬ yawꞈ a nehˬ laꞈ tehꞈ-a.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Yawˇbaˆ 42:2

“Sahˬpaˬ Miˬyehˇ-oˇ, nawˇ baoˬ dawˬ tawˆ luꞈ jaˆ-awˇ, kʼaˇ mˇ mawꞈ-eu jeˬ mˇ nya meh lehˇ ngaˇ siˬ nya ma.

Jaceuq 102:25

Aˇ hu ba neh miˇ tsaˬ tahˬ kʼawˇ nawˇ beh-awˇ, nawˬ-euˬ aˬ laꞈ neh mˬ sawˆ pyeuꞈ taˬ-euˬ meh.

Jaceuq 136:12

Aˬ yawꞈ-euˬ gʼaˬ kʼaˆ-eu aˬ laꞈ hawˇ-eu baoˬ huiˬ-eu laꞈ du neh sheuˬ doˆ nehˬ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 20:11

Aˇ yamˬ koꞈ nah laꞈ kʼoeˇ, miˇ tsaˬ maˬ ehˇ, mˬ maˬ ehˇ, iˬ ma laˆ shaˆ maˬ ehˇ, heu deuˬ dawˬ tawˆ luꞈ laꞈ kʼoeˇ kʼaˇ jawˇ kʼaˇ jaˆ-eu yawˬ jeˬ na luꞈ maˬ ehˇ, ngaˇ beh-euˬ ma. Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ-aˬ, jawˇ nah pyeuꞈ-eu aˇ nah kʼoeˇ nah-ahˇ dawˬ ngehˬ gʼeh nehˬ-awˇ, muiˬ-eu shawˇ-eu aˇ nah bi pyeuꞈ laˇ-euˬ ma.

Iˇsaˬyaˇ 42:5

Mˬ-ahˇ Miˬyehˇ beh-awˇ sheu taw-euˬ meh. Miˇ tsaˬ hawˇ-eu miˇ kʼoeˇ taˆ kʼaˇ jawˇ-eu jeˬ, Beh kuꞈ nehˬ-awˇ pyehˬ byah-euˬ meh. Miˇ kʼoeˇ taˆ jawˇ-eu tsawˇ haˬ dehꞈ-eu saꞈ laˇ za-awˇ, saꞈ gʼawˇ nya ni aˬ yawꞈ beh taˬ-euˬ meh. Nymˬ-mˇ, Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ-euˬ zaˬ kʼaˆ-ahˇ heu loꞈ-ehˇ ehˇ-eu meh.

Iˇsaˬyaˇ 44:24

“Ngaˇ naw maꞈ-ahˇ ka kʼoꞈ-eu Sahˬpaˬ Miˬyehˇ ma. Naw maꞈ-ahˇ beh-euˬ gʼaˬ ngaˇ ma. Ngaˇ-aˬ, yawˬ jeˬ na luꞈ-ahˇ beh-euˬ Sahˬpaˬ Miˬyehˇ ma. Mˬ sheu taw ngeh ngaˇ tehꞈ-ehˇ sheu taw-awˇ, ngaˇ miˇ tsaˬ-ahˇ beh ngeh tiˬ gʼaˬ-iˬ maˬ caw ba le-aˬ.

Iˇsaˬyaˇ 45:12

Miˇ tsaˬ tahˬ kʼawˇ heu-ahˇ beh-awˇ, tsawˇ haˬ beh-awˇ bi jawˇ-euˬ gʼaˬ ngaˇ ma. Ngaˬ-euˬ baoˬ-ahˇ gʼoe-awˇ, mˬ toˆ pyeh taˬ-euˬ gʼaˬ ngaˇ ma. Nahˇ ma, ba la, aˬ guiˇ dawˬ tawˆ luꞈ-ahˇ, ngaˇ nyehꞈ tehˬ taˬ-euˬ ma.

Iˇsaˬyaˇ 59:1

Naw maꞈ-ahˇ ka kʼoꞈ-eu gʼaˇ duˬ, Sahˬpaˬ Miˬyehˇ aˬ laꞈ nymˇ-awˇ, naw maꞈ kuˇ gaˇ naˇ haˬ nehˬ-eu gʼaˇ duˬ, aˬ yawꞈ naˬ bawˬ nga lehˇ taˬ noeˬ.

Yeˬlaˬmiˇ 1:6

Kʼoeˇ ngeh ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ dawˬ ngehˬ tsaˬ maˬ siˬ-ehˇ, aˇ kʼoꞈ kʼawꞈ maˬ zeh laˇ nyaˬ siˬ.”

Yeˬlaˬmiˇ 14:13

Kʼoeˇ naˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu miˇ neh, miˇ kʼahˬ heu kʼahˬ laꞈ kʼoeˇ guiˇ deuˆ-eu jeˬ hawˇ-eu mehꞈ-eu shuꞈ-eu jeˬ maˬ keuˆ le-ehˇ, nui saˇ oꞈ-eu jeˬ tehꞈ-ehˇ keuˆ le tehꞈ-a lehˇ, Miˬyehˇ gʼaˇ duˬ ngehˬ dah-eu deuˬ ehˇ luꞈ-eu nawˇ siˬ nya meh.”

Yeˬlaˬmiˇ 21:2

“Baˬbuˇloˬ sahˬ paˬ Neˬbuˬkaˬneˬzaˬ nga maꞈ-ahˇ guiˇ deuˆ le-euˬ miˇ neh, nga maꞈ-euˬ gʼaˇ duˬ Sahˬpaˬ Miˬyehˇ-ahˇ tiˬ poˆ ngehˬ cawˬ nehˬ laꞈ-awˬ. Sahˬpaˬ Miˬyehˇ kʼaˆ jeˬ-ehˇ gʼeh-eu jeˬ jahˇ-awˇ, Neˬbuˬkaˬneˬzaˬ-ahˇ teh gʼoꞈ nehˬ laꞈ-eu baw le.”

Yeˬlaˬmiˇ 27:5

“Huiˬ dui dui-eu ngaˬ-euˬ baoˬ hawˇ-eu gʼaˬ-ahˇ gʼoe-awˇ, miˇ tsaˬ tahˬ kʼawˇ maˬ ehˇ, kʼoeˇ-euˬ kʼoeˇ taˆ jawˇ-eu tsawˇ haˬ zaˬ hawˇ-eu jeˬ zaˬ deuˬ maˬ ehˇ, ngaˇ beh-awˇ, ngaˇ nui ma kʼaˇ tsaˬ-eu gʼaˬ-ahˇ miˇ tsaˬ heu ngaˇ biꞈ-eu ma.

Yeˬlaˬmiˇ 32:27

“Ngaˇ-aˬ, miˇ tsaˬ zaˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ maˬ mˇ nya-eu tiˬ jeˬ-iˬ maˬ jaˆ.

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Yeˬlaˬmiˇ 51:15

Sahˬpaˬ Miˬyehˇ aˬ yawꞈ-euˬ baoˬ hawˇ-eu, aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ, miˇ tsaˬ tahˬ kʼawˇ beh-awˇ mˬ sheu taw taˬ-euˬ meh.

Yeˬlaˬmiˇ 51:19

Yaˬkoˆ-euˬ Miˬyehˇ kʼoeˇ loꞈ-ehˇ maˬ ngeuˇ-a. Yawˬ jeˬ na luꞈ aˬ yawꞈ beh-awˇ, Iˇsaˬleˬlaˆ aˬ yawꞈ-euˬ tsawˇ jeuˬ pyeuꞈ laˇ ni, aˬ yawꞈ tseˇ doˆ-euˬ meh. Aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Yeˬsaˬgeˬlaˇ 11:13

Ngaˇ Miˬyehˇ gʼaˇ duˬ ngehˬ dah luꞈ ngeh, Baˬnaˇyaˬ-euˬ aˬ li Peˬlaˬtiˇ shiˇ-euˬ meh. Ngaˇ miˇ tsa moꞈ tsahˬ-ehˇ coˬ lah-awˇ, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Iˇsaˬleˬlaˆ miˇ kʼahˬ laꞈ kʼoeˇ kʼaˇ dzeˇ-eu tsawˇ haˬ yawˬ gʼaˬ na luꞈ sehꞈ jiˇ-eu gʼeh te loˇ” lehˇ guˇ-euˬ ma.

Yeˬsaˬgeˬlaˇ 9:8

Tsawˇ haˬ sehꞈ dui dui luꞈ ngeh, ngaˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu ma. Ngaˇ moꞈ tsahˬ-ehˇ miˇ tsa coˬ lah-awˇ “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ cawˬ miˇ kʼahˬ-ahˇ maˬ bi nyehꞈ byoˆ gʼeh ni, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ yaꞈ-euˬ tsawˇ haˬ dawˬ tawˆ luꞈ-ahˇ sehꞈ jiˇ paˬ-ehˇ, Yeˬluˇsaˬlehˬ meuˬ-ahˇ nawˇ teuˆ naˆ naˆ-ehˇ nui ma pehˇ te loˇ” lehˇ guˇ-euˬ ma.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Daˬyeˬlaˇ 6:20

Kʼoeˇ gaˇ cehˆ keuˆ ngeh, kʼahˬ lahˇ dui dui-eu laꞈ kʼoeˇ, “Dehꞈ luꞈ-eu Miˬyehˇ-euˬ zaˬ kʼaˆ Daˬyeˬlaˇ-oˇ, nawˇ saˇ jaˇ ziꞈ-awˇ gʼoe-eu nawˬ-euˬ Miˬyehˇ nawˬ-ahˇ aˇ laˬ jaˬ shiˇ neh maˬ bi kawꞈ sehꞈ ni ka kʼoꞈ nehˬ laꞈ mehˬ loˇ” lehˇ guˇ-euˬ meh.

Zaˬkaˬliˇ 12:1

Heu-aˬ, mˬ toˆ pyeh-awˇ, miˇ tsaˬ tahˬ kʼawˇ beh-awˇ, tsawˇ haˬ zaˬ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-euˬ dawˬ meh. Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Zaˬkaˬliˇ 8:6

“Kʼoeˇ loꞈ-ehˇ maˬ paˇ pyeuꞈ laˇ nya-aˇ lehˇ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ noeˬ tehꞈ-a. Ehˇ kʼawꞈ, ngaˬ-euˬ gʼaˇ duˬ maˬ pyeuꞈ laˇ nya-eu jeˬ maˬ jaˆ.

Bawˇtsahˬ 11:23

Sahˬpaˬ Miˬyehˇ ehˇ-eu, “Ngaˬ-euˬ baoˬ neh maˬ mˇ pyeuꞈ nya-eu jeˬ jaˆ ta loˇ. Maˬ pyeuꞈ laˇ nya nga loˇ lehˇ nymˬ-mˇ naw maꞈ ya mawˇ tehꞈ-a.”

Maꞈtehˬ 19:26

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Maˬkuˆ 10:27

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ nehˬ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ jahˇ nya meh. Miˬyehˇ maˬ jahˇ nya-eu tiˬ jeˬ-iˬ maˬ baw-a.”

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Luˇkaꞈ 18:27

Yeˬsuˇ ehˇ-eu, “Tsawˇ haˬ zaˬ maˬ jahˇ nya-eu jeˬ-ahˇ Miˬyehˇ jahˇ nya meh.”

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Gʼaˬkʼehˇ 17:24

Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ beh-euˬ yaw sahˇ Miˬyehˇ-aˬ, Mˬsahˇ Sahˬpaˬ Miˇsahˇ Sahˬma pyeuꞈ-awˇ, tsawˇ haˬ zaˬ-euˬ aˬ laꞈ neh tsoˆ-euˬ uˬ duˬ tahˬ nymˇ-ahˇ uˇ-eu maˬ ngeuˇ-a.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”