Yeˬlaˬmiˇ 32:10 - Akha

¹⁰ deh yaˇ zeuˇ laꞈ mˇ-euˬ gaˇ kawˆ ngaˇ laꞈ ma dehˬ-awˇ jmˬ diˬ gʼaˬ ngeh, tsawˇ kaˬ deuˬ-euˬ mehˬ shi, jeˬ gaꞈ jeˬ ka mˇ-eu kaˇ-ahˇ tsaˬ ni pyuˇ gui nehˬ-euˬ ma.

Yeˬlaˬmiˇ 32:10 ပူးပေါင်းရင်းမြစ်များ

Aˇ dahˬ 23:16

Aˬbyaˬhaˬ-aˬ, tsawˇ haˬ kʼoeˇ myaˆ ni gʼeh-eu mehˬ shi Eˇpaˬloˬ neh ehˇ-euˬ aˇ poeˬ-ahˇ nui kʼahˇ shiˇ-awˇ, jeˬ gaꞈ jeˬ ka mˇ-eu kaˇ-ahˇ tsaˬ-eu pyuˇ maˇ byaˆ oeˬ yaˇ byaˆ gui nehˬ-euˬ meh.

Aˇ dahˬ 23:20

Kʼoeˇ miˇ neh, Heˬtaˆ tsawˇ haˬ-euˬ miˇ tsaˬ kʼoeˇ tsahˇ hawˇ-eu, kʼoeˇ gaˇ jaˆ-eu lo kʼahˬ kʼoeˇ kʼahˬ-aˬ, Aˬbyaˬhaˬ-euˬ lmˬ bymˇ miˇ tsaˬ pyeuꞈ laˇ-euˬ meh.

Yawˇbaˆ 14:17

Ngaˬ-euˬ iˬ baˇ-ahˇ nawˇ pyehˬ nehˬ laꞈ-awˇ, sha dzeh nehˬ laꞈ tehꞈ-a. Ngaˬ neh mˇ lehˬ-euˬ jeˬ dawˬ tawˆ luꞈ-ahˇ nawˇ shiˆ byoˆ tehꞈ-a.

Dawˬ caˇ 8:6

Ngaˬ-ahˇ maˬ ngeuˇ naˇ nui gʼaˬ-ahˇ taˬ gaˬ. Ngaˬ-ahˇ maˬ ngeuˇ naˇ nui gʼaˬ-ahˇ taˬ byaˇ tawꞈ. Gaˬ-euˬ jeˬ-aˬ, shiˇ-eu jeˬ loꞈ-ehˇ doꞈ kʼaˆ-awˇ, myaˆ naˆ-eu jeˬ lmˬ bymˇ nehˬ-ehˇ tiˬ mehˇ nmˇ meh. Nui gaˬ miˬ dzaˬ doꞈ doˆ laˇ ngeh, yaˇ saˬ miˬ dzaˬ puiˆ gaˇ duˇ tehꞈ-a.

Iˇsaˬyaˇ 30:8

Tsawˇ haˬ heu deuˬ haiˬ dui dui-eu gaˇ kawˆ, aˬ kaˇ kaˇ ziˇ keuˆ ni maˬ bi ngehˇ ni, sahˬ boꞈ laꞈ kʼoeˇ boꞈ ahˇ taˬ-eu gʼaˇ duˬ, Miˬyehˇ ngaˬ-ahˇ kʼehˇ le-euˬ meh.

Iˇsaˬyaˇ 44:5

“Ngaˇ Sahˬpaˬ Miˬyehˇ-euˬ tsawˇ haˬ ma lehˇ, tiˬ gʼaˬ saˇ-i tiˬ gʼaˬ ehˇ-awˇ, Iˇsaˬleˬlaˆ tsawˇ jeuˬ jawˇ gaˇ, aˬ yawꞈ maꞈ jawˇ ahˇ laˇ tehꞈ-a. Aˬ yawꞈ maꞈ yawˬ gʼaˬ yawˬ na luꞈ-euˬ laꞈ du-ahˇ, Sahˬpaˬ Miˬyehˇ-euˬ tsawˇ myahˇ boꞈ taˬ-awˇ, Miˬyehˇ-euˬ tsawˇ haˬ ma lehˇ yawˬ haˇ yawˬ ha myahˇ tehꞈ-a.”

Yeˬlaˬmiˇ 32:12

Haˬnaˬmeˬlaˇ hawˇ-eu zeuˇ laꞈ mˇ gaˇ laꞈ ma dehˬ-euˬ tsawˇ kaˬ deuˬ-euˬ mehˬ shi, sahˬ paˬ-euˬ hawˇ nymˇ lahˇ laꞈ kʼoeˇ kʼaˇ nuiˇ luꞈ-eu tsawˇ haˬ deuˬ-euˬ mehˬ shi, Neˬliˇyaˆ-euˬ aˬ li Baˬluˆ-euˬ laꞈ-ahˇ a nehˬ-euˬ ma.

Yeˬlaˬmiˇ 32:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Baˬbuˇloˬ tsawˇ haˬ deuˬ meuˬ heu meuˬ-ahˇ deuˆ gʼaˬ-eu keuˆ laˇ taˬ-euˬ kʼawꞈ, tsawˇ kaˬ heu deuˬ-euˬ mehˬ shi deh yaˇ zeuˇ-eu gʼaˇ duˬ nawˇ ngaˬ-ahˇ dawˬ biꞈ laꞈ-euˬ meh.”

Yeˬlaˬmiˇ 32:44

Miˇ kʼahˬ zaˬ deuˬ deh yaˇ zeuˇ-awˇ, tsawˇ kaˬ deuˬ-euˬ mehˬ shi laꞈ ma dehˬ dehˬ-ehˇ jmˬ diˬ tehꞈ-a. Beˬyaˬmiˬ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-euˬ tahˬ gʼoꞈ tahˬ jawˇ jaˆ-eu pu deuˬ laꞈ kʼoeˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ laꞈ kʼoeˇ maˬ ehˇ, gawˬ jawˬ dawˬ dahˬ-ahˇ maˬ ehˇ, Yuˇdaˆ miˇ kʼahˬ laꞈ oˆ dzaˬ-ahˇ maˬ ehˇ, kʼoeˇ loꞈ-ehˇ deh yaˇ zeuˇ tehꞈ-a. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ paˇ bi gʼoꞈ jawˇ laˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 8:26

Nawˬ neh yaw sahˇ laꞈ kʼoeˇ ya siˬ ya mawˇ-euˬ loꞈ-ehˇ, uˬ ciꞈ uˬ taw paw hawˇ-eu uˬ shawˬ paw lawˇ-eu shehˇ-eu jeˬ mˇ-eu gaˇ kawˆ-ahˇ taꞈ leˇ-awˇ nawˬ-ahˇ ja mehˬ-euˬ jeˬ aˬ diˇ pyeuꞈ laˇ tehꞈ-a. Ehˇ kʼawꞈ, gaˇ kawˆ heu maˬ ja ni jawˇ tawˬ siˬ. Aˬ jeˬ miˇ neh ehˇ naˇ, kʼoeˇ loꞈ-ehˇ pyeuꞈ laˇ-eu gʼaˇ duˬ aˇ yamˬ gʼawˬ myahˇ ni jaˆ-a siˬ.”

Maꞈtehˬ 27:66

Kʼoeˇ naˇ, aˬ yawꞈ maꞈ gʼoꞈ-iˇ-awˇ, lmˬ bymˇ-ahˇ ngawˬ tsoeˬ taˬ-euˬ kʼaˬ lo lo ma-ahˇ jmˬ diˬ-awˇ, yaw muiˬ-ehˇ bi loꞈ piˇ-euˬ meh.

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

2 Gawˇliˬtu 1:22

Aˬ dui-ahˇ aˬ yawꞈ-euˬ tsawˇ haˬ bi pyeuꞈ-eu gʼaˇ duˬ jmˬ diˬ nehˬ laꞈ-awˇ, aˬ duiˬ-euˬ nui ma laꞈ kʼoeˇ Muiˬ-eu Shawˇ-eu Yaw sahˇ Miˬyehˇ bi jawˇ le-eu laꞈ kʼoeˇ, aˬ yawꞈ-euˬ tsawˇ haˬ ma lehˇ kamˬ tsehˆ taˬ-euˬ meh.

Eˇpeˇsu 1:13

Naw maꞈ kʼawꞈ, naw maꞈ jawˇ gaˇ ka kʼoꞈ-eu jeˬ bi keuˆ le-euˬ Laˬ kʼaˬ cehˇ-eu Guiˬ lahˬ dawˬ pyeuꞈ-eu yaw tsaˬ yaw dawˇ dawˬ-ahˇ ya gaˬ-awˇ, Miˬyehˇ-euˬ tsawˇ haˬ pyeuꞈ laˇ-euˬ meh. Naw maꞈ Ka li-ahˇ jah-awˇ, Miˬyehˇ neh saˇ jaˇ dzaˬ taˬ-euˬ loꞈ-ehˇ Muiˬ-eu Shawˇ-eu Yaw sahˇ Miˬyehˇ bi oe-eu laꞈ kʼoeˇ, aˬ yawꞈ-euˬ tsawˇ haˬ bi pyeuꞈ tsehˆ-eu gʼaˇ duˬ naw maꞈ-ahˇ jmˬ diˬ taˬ-euˬ meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Dawˬmehˬ 32:34

“Muiˇ-eu deuˬ yawꞈ maꞈ-ahˇ zuiˆ-euˬ, Sahˬpaˬ Miˬyehˇ maˬ ngehˇ byoˆ-a.

Yawˇshuˆ 18:9

Tsawˇ haˬ kʼoeˇ deuˬ miˇ kʼahˬ kʼahˬ lah ni cah doe-awˇ, meuˬ deuˬ-euˬ tsawˇ myahˇ boꞈ ahˇ jiˇ-awˇ, miˇ kʼahˬ aˬ joˆ-ehˇ biˇ paˆ-eu gaˇ kawˆ boꞈ doˆ-euˬ meh. Kʼoeˇ naˇ, Shiˇloˬ taˆ-ahˇ Yawˇshuˆ jawˇ gaˇ gʼoꞈ le-euˬ meh.

Panmaeq 7:2

Kʼoeˇ naˇ, mˬ taˆ gʼaˬ kʼehˇ yawˬ gʼaˬ yawˬ dehꞈ luꞈ-eu Miˬyehˇ-euˬ jmˬ yuˇ-awˇ nahˇ ma doˆ kʼehˬ paw neh laˇ luꞈ gaˇ ngaˇ ya mawˇ-euˬ ma. Miˇ tsaˬ hawˇ-eu iˬ ma laˆ shaˆ-ahˇ laˆ luˬ laˆ seˇ-eu gʼaˇ duˬ Miˬyehˇ neh baoˬ biꞈ taˬ-euˬ mˬ taˆ gʼaˬ kʼehˇ kʼoeˇ oeˬ gʼaˬ-ahˇ aˬ yawꞈ teˇ saˇ yaw kʼaˆ-ehˇ guˇ gaˬ-euˬ meh.

Panmaeq 9:4

Sahˬ lahˬ aˇ bawˇ deuˬ-ahˇ maˬ laˆ cawˆ-eu gʼaˇ duˬ, aˬ yawꞈ maꞈ-ahˇ ehˇ nehˬ taˬ-euˬ meh. Naˇ kʼawˇ-ahˇ Miˬyehˇ-euˬ jmˬ maˬ diˬ taˬ-euˬ tsawˇ haˬ deuˬ-ahˇ tehꞈ-ehˇ bi laˆ cawˆ-eu gʼaˇ duˬ pyeuꞈ-eu meh.

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.