Yeˬlaˬmiˇ 31:4 - Akha

⁴ Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yeˬlaˬmiˇ 31:4 ပူးပေါင်းရင်းမြစ်များ

2 Sahˬpaˬ 19:21

Sahˬpaˬ Miˬyehˇ heu loꞈ-ehˇ ehˇ-eu meh. ‘Saˬneˬkaˬliˇ-oˇ, Yeˬluˇsaˬlehˬ meuˬ nawˬ ahˇ uiˇ-awˇ naˬ gʼaˬ luꞈ meh.

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Jaceuq 69:35

Yeˬluˇsaˬlehˬ meuˬ-ahˇ aˬ yawꞈ maꞈ ka kʼoꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ aˬ yawꞈ tsoˆ muiˬ tehꞈ-a. Aˬ yawꞈ-euˬ tsawˇ haˬ deuˬ kʼoeˇ gaˇ ya jawˇ-awˇ, miˇ kʼahˬ kʼoeˇ aˬ yawꞈ maꞈ-ahˇ oꞈ tehꞈ-a.

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Iˇsaˬyaˇ 30:32

Aˬshuˇliˆ tsawˇ haˬ deuˬ-ahˇ Sahˬpaˬ Miˬyehˇ tiˬ poˆ saˇ-iˬ tiˬ poˆ kʼehˬ nehˬ ngeh, aˬ yawꞈ-euˬ tsawˇ haˬ deuˬ tahˬ hawˇ-eu deuˇ-mˬ tiˬ poˆ saˇ-iˬ tiˬ poˆ diˬ caw tehꞈ-a. Miˬyehˇ-euˬ gʼawˇ mawˇ Aˬshuˇliˆ tsawˇ haˬ deuˬ-ahˇ guiˇ deuˆ tehꞈ-a.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 18:13

Sahˬpaˬ Miˬyehˇ ehˇ-eu, “Heu loꞈ-ehˇ gʼeh-eu gaˇ kawˆ gaˬ haw maˬ loˇ lehˇ, tsawˇ jeuˬ yawˬ jeuˬ na luꞈ-ahˇ naˇ haˬ sheˇ. Iˇsaˬleˬlaˆ tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu jeˬ mˇ-euˬ meh.

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬlaˬmiˇ 31:13

Kʼoeˇ ngeh aˬ buˇ miˬ daꞈ deuˬ gaˇ nyeh nyeh tehꞈ-a. Zaˬ guˬ tsawˇ mawˬ maˬ ehˇ laˬ kʼaˬ ya cehˇ tehꞈ-a. Aˬ yawꞈ maꞈ-euˬ nui ma-ahˇ ngaˇ laˆ saˆ nehˬ-eu miˇ neh, myaˆ biˇ yoeˇ-eu dah zaˇ laˬ kʼaˬ cehˇ-awˇ, shaˬ zahˬ dah zaˇ nui saˇ oꞈ le tehꞈ-a.

Yeˬlaˬmiˇ 31:21

Gaˇ ma-ahˇ tsaˬ tsoˆ taˬ yaꞈ-awˬ. Nawˬ neh iˇ-euˬ gaˇ ma paˇ noeˬ doˆ-awˬ. Iˇsaˬleˬlaˆ-oˇ, gʼoꞈ laˇ-awˬ. Nawˬ neh byehˇ-euˬ meuˬ-ahˇ gʼoꞈ jawˇ laˇ-awˬ.

Yeˬlaˬmiˇ 31:38

Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma ga kʼehˬ paw jaˆ-eu meuˬ-ahˇ loꞈ piˇ-eu Haˬnaˬneˬlaˇ nymˇ goˇ ahˇ neh laꞈ coeˇ lahˇ kʼehˬ-ahˇ doˆ ni, Yeˬluˇsaˬlehˬ meuˬ meuˬ lah-ehˇ, paˇ gawˬ ziꞈ-eu aˇ yamˬ keuˆ le luꞈ meh.

Yeˬlaˬmiˇ 33:7

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-ahˇ ngaˇ bi baw bi za le-awˇ, dzeuˇ laˇ ngeh loꞈ-ehˇ paˇ bi dehꞈ dzaˬ laˇ ma.

Yeˬlaˬmiˇ 46:11

Iˇjiˇtuˆ tsawˇ haˬ-oˇ, Giˇlaˆ miˇ kʼahˬ-ahˇ jaˆ gʼaˬ poˆ leˇ sheˇ. Naw maꞈ-euˬ jaˆ gʼaˬ deuˬ gaˇ dahˇ maˬ paˇ tsoeˬ-ehˇ, naw maꞈ naˇ gawˇ maˬ paˇ yaˇ taˬ nya meh.

Ngoeˇ dawˬ 1:15

“Gʼaˬ kʼaˆ-eu ngaˬ-euˬ yehˇ deuˬ-ahˇ, Sahˬpaˬ Miˬyehˇ naˬ gʼa haw-awˇ, guiˇ maꞈ tiˬ maꞈ pyehˬ gʼeh leꞈ-awˇ, zaˬ guˬ deuˬ-ahˇ bi sehꞈ-euˬ meh. Aˬ gaꞈ dzaˇ uiˇ nawˬ-eu loꞈ-ehˇ, Yuˇdaˆ miˇ kʼahˬ-euˬ miˬ daꞈ-ahˇ, Sahˬpaˬ Miˬyehˇ kʼehˬ nehˬ-euˬ meh.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Aˬmoˆ 5:2

Miˬ daꞈ daꞈ shuiꞈ Iˇsaˬleˬlaˆ, miˇ tsa ja bah ni coˬ dzeh-awˇ, tiˬ jawˇ-iˬ maˬ tuˇ laˇ nya-a. Miˇ tsa byehˇ dzeh-awˇ bi ga-euˬ, baꞈ tuˇ nehˬ-eu gʼaˬ maˬ jawˇ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Luˇkaꞈ 15:23

Kʼoeˇ naˇ, aˬ cawˬ naˆ maˬ tseˇ tsuˇ-eu mawˇ neˇ mawˇ gaw zaˬ tsahˇ leꞈ-awˇ sehꞈ-awˬ. Aˬ dui maꞈ laˬ kʼaˬ tiˬ cehˇ dzaˬ taꞈ dawˇ taꞈ kaˇ-euˇ.

Gʼaˬkʼehˇ 15:16

‘Gaˇ kawˆ heu deuˬ pyeuꞈ laˇ gʼaˬ ngeh, ngaˬ-euˬ gʼawˇ mawˇ paˇ gʼoꞈ le-awˇ, Daˬbiˇ-euˬ miˇ kʼahˬ laˆ ziꞈ ma. Yaw cawˆ deuˬ-ahˇ paˇ gawˬ muiˬ-awˇ, ziꞈ dah ni paˇ bi pyeuꞈ laˇ ma.

Yaˇ kʼaˬ daˇ 11:34

Miˇzaˬpaˬ meuˬ-ahˇ jaˆ-eu aˬ yawꞈ-euˬ nymˇ-ahˇ Yeˬpaˬtaˆ gʼoꞈ le ngeh, aˬ yawꞈ-euˬ aˬ buˇ cehˇ lehˇ ciˆ-awˇ, gaˇ nyeh nyeh nyeh-ehˇ aˬ yawꞈ-ahˇ ha laˬ le-euˬ meh. Aˬ yawꞈ-aˬ, aˬ buˇ kʼoeˇ tiˬ buˇ tehꞈ-ehˇ jawˇ-eu meh.