Yeˬlaˬmiˇ 30:7 - Akha

⁷ Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬlaˬmiˇ 30:7 ပူးပေါင်းရင်းမြစ်များ

Aˇ dahˬ 32:7

Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

Jaceuq 25:22

Miˬyehˇ-oˇ, guˆ-eu gaˆ-eu laꞈkʼoeˇshaˬ-eu, Iˇsaˬleˬlaˆ-ahˇ ka kʼoꞈ-awˬ.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Iˇsaˬyaˇ 20:6

Aˇ nah aˇ yamˬ kʼoeˇ keuˆ le ngeh, Piˇliˇtiˆ miˇ kʼahˬ iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ deuˬ heu loꞈ-ehˇ ehˇ tehꞈ-a. ‘Haw sheˇ. Aˬshuˇliˆ sahˬ paˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nya tehꞈ-a lehˇ, aˬ dui neh noeˬ tmˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ nga. Aˬ dui aˬ joˆ-ehˇ dzeuˇ-iˇ nya nmˇ.’ ”

Yeˬlaˬmiˇ 14:8

Iˇsaˬleˬlaˆ noeˬ tmˬ duˬ nawˇ tehꞈ meh. Guˆ-eu gaˆ-eu laꞈ kʼoeˇ ka kʼoꞈ nehˬ laꞈ-eu nawˇ tehꞈ meh. Aˬ jeˬ miˇ neh nga maꞈ miˇ kʼahˬ laꞈ kʼoeˇ, boeˇ miˬ siˬ kʼaˬ loꞈ-ehˇ gʼeh nehˬ laꞈ te. Uˬ ciꞈ tiˬ miˇ tehꞈ-ehˇ yaꞈ-eu daˬ yah loꞈ-ehˇ, aˬ jeˬ miˇ neh gʼeh nehˬ laꞈ te.

Yeˬlaˬmiˇ 2:27

Aˇ bawˇ-ahˇ aˬ da shaˇ kuˇ-awˇ, kʼaˬ lo-ahˇ aˬ ma shaˇ kuˇ-eu naw maꞈ, ngaˬ-ahˇ naˇ kʼah ciˬ pyawˇ nehˬ yaꞈ-euˬ baˬ da neh, daˬ ga-awˇ ya shaꞈ dawˇ tehꞈ-a. Ehˇ kʼawꞈ, shaˬ-eu zahˬ-eu jeˬ-ahˇ naw maꞈ ya tahˬ puˬ ngeh, ka kʼoꞈ nehˬ laꞈ lehˇ ngaˬ-ahˇ shaˇ-eu meh.

Yeˬlaˬmiˇ 2:28

Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Yeˬlaˬmiˇ 30:10

“Ngaˬ-euˬ tsawˇ haˬ deuˬ-oˇ, taˬ guˆ. Iˇsaˬleˬlaˆ tsawˇ haˬ deuˬ-oˇ, nui ma taˬ baˬ. Naw maꞈ-ahˇ nyehꞈ daˆ gʼeh-awˇ bi jawˇ-euˬ, gaˇ mahˇ kaˬ gaˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ ka kʼoꞈ doˆ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. naw maꞈ kʼahˬ lahˇ kʼaˇ maˬ za-ehˇ, noeˬ guˆ kʼaˇ maˬ za ni ya dehꞈ tehꞈ-a.

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Ngoeˇ dawˬ 4:6

Myaˆ nuiˆ kʼoˆ tehˆ tiˬ tehˆ laꞈ kʼoeˇ, Sawˇdoˬ meuˬ-ahˇ laˆ cawˆ nehˬ ngeh, caw ba miˇ le-eu maˬ dah-a. Ehˇ kʼawꞈ ngaˬ-euˬ tsawˇ haˬ deuˬ-aˬ, kʼoeˇ naˆ maˬ tseˇ ya daˬ-euˬ meh.

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Hawˇseˬ 1:11

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 1:2

Tsawˇ mawˬ tsawˇ kʼaˆ deuˬ naˇ haˬ-awˬ. Yuˇdaˆ miˇ kʼahˬ laꞈ kʼoeˇ jawˇ-eu, yawˬ gʼaˬ yawˬ na luꞈ naˇ haˬ-awˬ. Naw maꞈ-euˬ ziˇ laꞈ kʼoeˇ maˬ ehˇ, aˬ poeˬ aˬ bawˇ-euˬ ziˇ maˬ ehˇ, heu loꞈ-ehˇ gʼeh-eu gaˇ kawˆ heu, puˬ haw mawˇ haw-euˬ jaˆ meh loˇ.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Miˇkaˬ 4:9

Aˬ jeˬ miˇ neh nawˇ yaw kʼaˆ-ehˇ guˇ guˇ-ehˇ ngoeˇ te. Aˬ jeˬ miˇ neh zaˬ baw luꞈ-eu zaˬ miˬ zaˬ tiˬ gʼaˬ loꞈ-ehˇ nawˇ shaˬ zahˬ mˇ luꞈ te. Nawˬ-euˬ sahˬ paˬ hawˇ-eu nawˬ-ahˇ nui noeˬ nui duˇ biꞈ-eu deuˬ maˬ jawˇ-ehˇ pyeuꞈ-iˇ-euˬ miˇ neh te loˇ.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Zaˬkaˬliˇ 14:7

Yaw zahˇ tiˬ pawꞈ-iˬ maˬ paˇ jaˆ-ehˇ, uˬ ciꞈ paw kʼawꞈ nah gʼahˇ loꞈ-ehˇ yaw shehꞈ bya tehꞈ-a. Kʼoeˇ loꞈ-ehˇ pyeuꞈ laˇ-eu aˇ yamˬ Sahˬpaˬ Miˬyehˇ tehꞈ-ehˇ siˬ nya-eu meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maˬkuˆ 13:19

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, Miˬyehˇ mˬ beh miˇ beh beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Gʼaˬkʼehˇ 2:20

Yaw shehꞈ kʼahˬ sehˇ huiˬ dui dui-eu, SahˬpaˬMiˬyehˇ-euˬ aˇ nah kʼoeˇ, miˇ kʼoeˇ taˆ maˬ keuˆ le nmˇ kaˬ, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Lormav 11:26

Kʼoeˇ ngeh jawˇ, Iˇsaˬleˬlaˇ tsawˇ haˬ dawˬ tawˆ luꞈ ka kʼoꞈ-eu jeˬ za tehꞈ-a. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Ka kʼoꞈ le-eu yaw sahˇ kʼoeˇ gʼaˬ, Ziˇoˬ gawˬ jawˬ-ahˇ neh oe-awˇ, Yaˬkoˆ-euˬ zaˬ deuˬ uˆ deuˬ-euˬ, maˬ muiˬ maˬ jaˬ-eu yaw haiˬ jeˬ, dawˬ tawˆ luꞈ yuˇ dzeh nehˬ tehꞈ-a.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”