Yeˬlaˬmiˇ 30:2 - Akha

² Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ neh nawˬ-ahˇ kʼaˇ ehˇ nehˬ-euˬ jeˬ, sahˬ boꞈ laꞈ kʼoeˇ boꞈ ahˇ taˬ-awˬ.

Yeˬlaˬmiˇ 30:2 ပူးပေါင်းရင်းမြစ်များ

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Iˇsaˬyaˇ 30:8

Tsawˇ haˬ heu deuˬ haiˬ dui dui-eu gaˇ kawˆ, aˬ kaˇ kaˇ ziˇ keuˆ ni maˬ bi ngehˇ ni, sahˬ boꞈ laꞈ kʼoeˇ boꞈ ahˇ taˬ-eu gʼaˇ duˬ, Miˬyehˇ ngaˬ-ahˇ kʼehˇ le-euˬ meh.

Iˇsaˬyaˇ 8:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Huiˬ-eu kʼaˬ lo teˇ byaꞈ tiˬ byaꞈ yuˇ-awˇ, maˬhaˬsaˬlaˇhaˬsaˬbaˆ lehˇ yaw huiˬ huiˬ-ehˇ boꞈ taˬ-awˬ.

Yeˬlaˬmiˇ 25:13

Yeˬlaˬmiˇ-ahˇ gʼoe-awˇ ngaˬ neh ehˇ taˬ-euˬ jeˬ pyeuꞈ-eu, sahˬ boꞈ heu dmˬ laꞈ kʼoeˇ kʼaˇ boꞈ ahˇ taˬ-euˬ shaˬ-eu zahˬ-euˬ guˆ-eu gaˆ-eu jeˬ dawˬ tawˆ luꞈ, Baˬbuˇloˬ miˇ kʼahˬ kʼoeˇ taˆ ngaˇ bi keuˆ le-eu laꞈ kʼoeˇ, kʼehˬ nehˬ kʼaˆ nehˬ ma.

Yeˬlaˬmiˇ 30:1

Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 36:28

“Shaˬ kʼoˆ paˇ yoˆ yawˬ yoˆ yawˬ yuˇ-awˇ, yaw beh poˆ kʼaˇ boꞈ-euˬ yawˬ jeˬ na luꞈ boꞈ ahˇ jiˇ-awˬ.

Yeˬlaˬmiˇ 36:32

Kʼoeˇ naˇ, ngaˬ neh ehˇ-euˬ dawˬ boꞈ doˆ-eu gʼaˬ pyeuꞈ-eu Baˬluˆ-ahˇ shaˬ kʼoˆ paˇ yoˆ tiˬ yoˆ ngaˇ paˇ biꞈ nehˬ-awˇ, ngaˬ neh gui ka kʼaˇ ka nehˬ-euˬ loꞈ-ehˇ aˬ yawꞈ boꞈ ahˇ-euˬ meh. Yaw beh sahˬ paˬ Yeˬhawˇyaˬkmˬ neh miˬ dzaˬ-ahˇ dawˆ puiˆ-euˬ shaˬ kʼoˆ paˇ yoˆ-ahˇ ahˇ-eu dawˬ kʼoeˇ deuˬ dawˬ tawˆ luꞈ boꞈ ahˇ-euˬ uˬ taꞈ, kʼoeˇ gaˇ duˇ-eu dawˬ yaw shuiꞈ deuˬ kʼawꞈ, ngaˬ neh gui ka ka nehˬ-awˇ paˇ bi boꞈ lahˬ-euˬ ma.

Daˬyeˬlaˇ 12:4

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”

Lormav 15:4

Jaˇliꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ, aˬ dui-ahˇ bi mehˬ bi tsoˆ-eu gʼaˇ duˬ boꞈ taˬ-euˬ meh. Aˬ dui nui ma gʼawˬ mahˇ ni taˬ nya laˇ-eu gʼaˇ duˬ mehˬ nehˬ tsoˆ nehˬ laꞈ-awˇ, aˬ dui-euˬ nui ma-ahˇ gʼaˬ biꞈ lahˬ nehˬ laꞈ-eu laꞈ kʼoeˇ noeˬ tmˬ kʼaˇ za laˇ ni boꞈ taˬ-euˬ jeˬ pyeuꞈ-eu meh.

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

Dawˬmehˬ 31:19

“Caˇ dawˬ heu bymˇ nymˬ-mˇ boꞈ-awˬ. Iˇsaˬleˬlaˆ tsawˇ haˬ deuˬ-euˬ mehˬ shi saˇ kiˇ pyeuꞈ ni, caˇ dawˬ heu bymˇ aˬ yawꞈ maꞈ-ahˇ mehˬ nehˬ-awˬ.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

Panmaeq 1:19

Kʼoeˇ miˇ neh, nymˬ-mˇ-euˬ gaˇ kawˆ maˬ ehˇ, mehˬ hu paw-euˬ gaˇ kawˆ maˬ ehˇ, nawˬ neh kʼaˇ ya mawˇ-euˬ loꞈ-ehˇ boꞈ taˬ-awˬ.