Yeˬlaˬmiˇ 3:6 - Akha

⁶ Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Yeˬlaˬmiˇ 3:6 ပူးပေါင်းရင်းမြစ်များ

1 Sahˬpaˬ 14:23

Gawˬ jawˬ gawˬ duˇ doe ni hawˇ-eu naˇ shmˇ shmˇ-eu aˇ bawˇ dawˬ pehˬ doe ni, maˬ ngeuˇ-eu miˬ yehˇ deuˬ-ahˇ uˬ duˬ tahˬ-eu jawˇ duˬ tsoˆ-awˇ, Aˬsheˇlaˬ miˬ yehˇ ma-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ hawˇ-eu kʼaˬ lo kʼawˇ zeuˇ deuˬ ka tuˇ-euˬ meh.

2 Laˬsaˬbaˬ 34:1

Yawˇshiˆ-aˬ, yehꞈ kʼoꞈ kʼawˆ ngeh Yuˇdaˆ miˇ kʼahˬ-ahˇ uˆ lahˇ-eu sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ smˬ tseˇ tiꞈ kʼoꞈ uˆ lahˇ-euˬ meh.

Jaceuq 106:39

Aˬ yawꞈ maꞈ maˬ muiˬ-eu jeˬ mˇ-euˬ baˬ da neh, yawˬ haˇ yawˬ ha maˬ shawˇ ni laˆ pyeuꞈ-awˇ, Miˬyehˇ-ahˇ saˇ jaˇ puiˬ-euˬ meh.

Iˇsaˬyaˇ 57:3

Ehˇ kʼawꞈ, jaˬ nehꞈ hawˇ-eu meh maˬ laˇ-euˬ zaˬ-ahˇ duˇ-awˇ, aˬ cawˬ miˬ zaˬ gʼawˇ-eu deuˬ-euˬ zaˬ-ahˇ duˇ-eu, iˬ baˇ mˇ-eu naw maꞈ heu gaˇ laˇ sheˇ.

Iˇsaˬyaˇ 57:7

Lawˇ-eu shehˇ-eu gʼaˇ duˬ hawˇ-eu kʼaˬ miˬ sheu-eu gʼaˇ duˬ, gawˬ jawˬ yaw goˇ-ahˇ naw maꞈ le-euˬ meh.

Yeˬlaˬmiˇ 1:2

Aˬmo-euˬ aˬ li Yawˇshiˆ gʼaˬ, Yuˇdaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ tseˇ smˇ kʼoꞈ tiˬ kʼoꞈ-ahˇ, Yeˬlaˬmiˇ kʼoeˇ taˆ Sahˬpaˬ Miˬyehˇ-euˬ dawˬ keuˆ le-euˬ meh.

Yeˬlaˬmiˇ 11:10

Ngaˬ-euˬ ehˇ dawˬ maˬ naˇ haˬ geuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ neh mˇ-euˬ iˬ baˇ-ahˇ, aˬ yawꞈ maꞈ paˇ mˇ poˆ-euˬ meh. Aˬ yawꞈ maꞈ miˬ yehˇ nui deuˬ-ahˇ uˬ duˬ tahˬ-euˬ meh. Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-euˬ dawˬ ma saˇ jaˇ-ahˇ puiˬ-euˬ meh.

Yeˬlaˬmiˇ 17:2

Aˬsheˇlaˬ miˬ yehˇ ma gʼaˇ duˬ kʼahˬ tuˇ taˬ-euˬ lawˇ duˬ deuˬ hawˇ-eu mawˇ kawˇ deuˬ-ahˇ, naw maꞈ-euˬ tsawˇ haˬ deuˬ uˬ duˬ tahˬ-eu meh. Mawˇ kawˇ kʼoeˇ deuˬ-ahˇ, aˇ paꞈ sahˇ-awˇ aˬ myah luꞈ nyoeˇ jawꞈ ni jaˆ-eu aˇ bawˇ dawˬ pehˬ kʼaˇ ngeuˇ gaˇ maˬ ehˇ, gawˬ duˇ uˬ du doe ni maˬ ehˇ,

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Yeˬlaˬmiˇ 31:22

Saˇ jaˇ maˬ ziꞈ-eu tsawˇ jeuˬ-oˇ, aˇ myah keuˆ ni nyi naˬ-eu lehˇ gʼeh te. Miˇ tsaˬ kʼoeˇ taˆ yaw shuiꞈ tiˬ jeˬ ngaˇ beh paˇ taˬ-euˬ ma. Kʼaˬ dzeˇ zaˬ-ahˇ zaˬ miˬ zaˬ ya haw piˇ paˬ-ehˇ, tahˬ poˆ-ehˇ beh paˇ taˬ-euˬ ma.”

Yeˬlaˬmiˇ 5:11

Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ, nui kʼahˇ tiˬ shiˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 7:24

Ehˇ kʼawꞈ, aˬ yawꞈ maꞈ naˬ bawˇ maˬ gaˬ leˇ-ehˇ, aˬ yawꞈ maꞈ-euˬ gʼahˇ-eu nui ma hawˇ-eu haiˬ-eu nui ma laꞈ kʼoeˇ kʼaˇ noeˬ doˆ laˇ-euˬ jeˬ mˇ-awˇ, muiˬ laˇ jaˬ laˇ-eu jeˬ maˬ jaˆ-eu uˬ taꞈ, tiˬ jawˇ saˇ-i tiˬ jawˇ doeˇ dzehˬ laˇ-euˬ meh.

Yeˬsaˬgeˬlaˇ 16:31

Gaˇ ma yawˬ kahˇ na luꞈ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ nawˇ tsoˆ doe-awˇ, meh maˬ laˇ geuꞈ doe jiˇ-euˬ meh. Ehˇ kʼawꞈ, meh maˬ laˇ nui deuˬ loꞈ-ehˇ, pyuˇ za laˇ ni nawˇ meh maˬ laˇ geuꞈ-euˬ maˬ ngeuˇ-a.

Yeˬsaˬgeˬlaˇ 16:35

Nymˬ-mˇ poˆ jawˇ, Yeˬluˇsaˬlehˬ meh maˬ laˇ-oˇ, Sahˬpaˬ Miˬyehˇ ehˇ gaˇ naˇ haˬ sheˇ.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Yeˬsaˬgeˬlaˇ 23:11

“Aˬ nyiˇ gʼaˬ pyeuꞈ-eu Oˬhoˬliˇbaˬ-aˬ, aˬ yawꞈ-euˬ aˬ yuiꞈ kʼoeˇ loꞈ-ehˇ gʼeh-eu mawˇ-euˬ kʼawꞈ, kʼoeˇ naˆ maˬ tseˇ doeˇ dzehˬ-eu meh maˬ laˇ paˇ geuꞈ-euˬ meh.

Yeˬsaˬgeˬlaˇ 23:4

Aˬ yuiꞈ gʼaˬ Oˬhoˬlaˬ lehˇ myahˇ-awˇ, aˬ nyiˇ gʼaˬ Oˬhoˬliˇbaˬ lehˇ myahˇ-euˬ meh. Aˬ yawꞈ nyaꞈ nyiˬ mehˇ nmˇ luꞈ-ahˇ ngaˇ sheuˬ-awˇ, aˬ buˇ aˬ li jawˇ le-euˬ ma. Oˬhoˬlaˬ gʼaˬ Saˬmaˬliˆ meuˬ pyeuꞈ-awˇ Oˬhoˬliˇbaˬ-aˬ, Yeˬluˇsaˬlehˬ meuˬ meh.

Hawˇseˬ 11:7

Ngaˬ-ahˇ byehˇ-awˇ cehˆ-eu gʼaˇ duˬ, ngaˬ-euˬ tsawˇ haˬ zeuˆ pyawˇ-euˬ meh. Kʼaˆ baꞈ kah dui dui-eu miˇ neh, aˬ yawꞈ maꞈ guˇ guˇ-ehˇ ngoeˇ kʼawꞈ, baꞈ ka nehˬ-eu gʼaˬ maˬ jawˇ-aˇ.

Hawˇseˬ 4:13

Gawˬ jawˬ uˬ du doe ni lawˇ-awˇ, gawˬ duˇ uˬ du doe bi damˬ-awˇ, naˇ shmˇ muiˬ-eu aˇ bawˇ pyeuꞈ-eu, tsuiꞈ kaˆ, pawˇpaˬlaˬ, teˬleˬbiˇ, heu deuˬ dawˬ pehˬ-ahˇ lawˇ-euˬ meh. “Kʼoeˇ loꞈ-ehˇ dehꞈ-euˬ baˬ da neh, zaˬ miˬ meh maˬ laˇ pyeuꞈ-iˇ-awˇ, kuiˬ ma aˬ cawˬ-ahˇ bahˬ-euˬ meh.

Yaˇ kʼaˬ daˇ 2:17

Ehˇ kʼawꞈ, aˬ yawꞈ maꞈ-euˬ aˬ yuiꞈ aˬ tsu kʼoeˇ deuˬ-euˬ ehˇ dawˬ-ahˇ aˬ yawꞈ maꞈ maˬ naˇ haˬ geuꞈ-a. Iˇsaˬleˬlaˆ tsawˇ jeuˬ Sahˬpaˬ Miˬyehˇ-ahˇ saˇ jaˇ maˬ ziꞈ-ehˇ, miˬyehˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ-euˬ aˬ da deuˬ Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-euˬ kʼawꞈ, yawˬ ziˇ yawˬ-ahˇ dehꞈ le-euˬ tsawˇ haˬ kʼoeˇ deuˬ kʼoeˇ loꞈ-ehˇ maˬ mˇ ni byehˇ-euˬ meh.