Yeˬlaˬmiˇ 3:5 - Akha

⁵ Nawˇ nui ma pehˇ gʼaˬ-eu baw-awˇ, nui pehˇ shuꞈ-iˇ-eu baw tehꞈ-a.’ Iˇsaˬleˬlaˆ-oˇ, nawˇ kʼoeˇ loꞈ-ehˇ ehˇ kʼawꞈ, yaw haiˬ jeˬ-ahˇ nui kʼahˇ tiˬ shiˇ nawˇ mˇ-eu meh.”

Yeˬlaˬmiˇ 3:5 ပူးပေါင်းရင်းမြစ်များ

2 Laˬsaˬbaˬ 29:10

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ nui ma pehˇ-eu jeˬ byoˆ-iˇ ni, aˬ yawꞈ nehˬ-ehˇ dawˬ ma saˇ jaˇ dzaˬ-eu gʼaˇ duˬ nymˬ-mˇ ngaˇ noeˬ tsehˆ taˬ-euˬ ma.

Jaceuq 85:5

Nawˇ nga maꞈ-ahˇ aˬ myah luꞈ nui ma pehˇ-eu gʼeh te loˇ. Nawˬ-euˬ nui pehˇ maˬ paˇ shuꞈ-iˇ nya meh loˇ.

Jaceuq 85:6

Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Iˇsaˬyaˇ 64:9

Kʼoeˇ baˬ da neh nui ma pehˇ-eu aˇ dzehˬ taˬ dzeuˇ nehˬ laꞈ. Nga maꞈ-euˬ iˬ baˇ-ahˇ mˬ maˬ maˬ byaˆ zaˇ ziˇ taˬ paꞈ tawꞈ laꞈ. Nga maꞈ nawˬ-euˬ tsawˇ haˬ pyeuꞈ-eu miˇ neh, nga maꞈ-ahˇ gʼawˬ shaˬ gaˬ nehˬ laꞈ.

Yeˬlaˬmiˇ 3:12

Iˇsaˬleˬlaˆ-ahˇ heu loꞈ-ehˇ ehˇ nehˬ leˇ-awˬ lehˇ aˬ yawꞈ ngaˬ-ahˇ ehˇ-eu meh. “Saˇ jaˇ maˬ ziꞈ-eu Iˇsaˬleˬlaˆ-oˇ, ngaˇ jawˇ gaˇ gʼoꞈ laˇ-awˬ. Ngaˇ gʼawˬ shaˬ gaˬ nya-awˇ nui ma maˬ pehˇ. Mˬ maˬ maˬ byaˆ zaˇ ziˇ nawˬ-ahˇ nui ma maˬ paˇ pehˇ ma.

Yeˬlaˬmiˇ 8:5

Toˆ-ehˇ ngeuˇ naˇ aˬ jeˬ miˇ neh naw maꞈ mehˬ shiˬ ciˬ pyawˇ-awˇ doˆ-iˇ-euˬ, maˬ gʼoꞈ kʼoꞈ laˇ ni iˇ byoˆ te. Naw maꞈ tahˬ pahˬ aˬ ma mawˇ kawˇ maˬ byehˇ coeˇ-ehˇ, ngaˇ jawˇ gaˇ maˬ gʼoꞈ poˆ laˇ-a.

Yeˬlaˬmiˇ 8:6

Ngaˇ yaw muiˬ-ehˇ naˇ haˬ duˬ ngeh, naw maꞈ ngehˬ-eu tmˇ-eu laꞈ kʼoeˇ, yaw tsaˬ yaw dawˇ jeˬ maˬ ahˇ nya. Yawˬ ha mˇ-euˬ yaw haiˬ jeˬ-ahˇ, nui ma laꞈ kʼoeˇ maˬ noeˬ shaˬ-ehˇ, yawˬ ha mˇ-euˬ lehˬ nga loˇ lehˇ, naˇ haˬ-eu tsawˇ haˬ maˬ jawˇ-a. Guiˇ deuˆ gaˇ coeˬ gʼeh-eu dziˬ mahˬ loꞈ-ehˇ, yawˬ gʼaˬ na luꞈ yawˬ ha nui kʼahˇ-ahˇ poˆ-eu meh.

Yeˬsaˬgeˬlaˇ 22:6

Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ yawˬ ha-euˬ baoˬ-ahˇ nui ma huiˬ-awˇ, tsawˇ haˬ sehꞈ luꞈ meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.