Yeˬlaˬmiˇ 3:3 - Akha

³ Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Yeˬlaˬmiˇ 3:3 ပူးပေါင်းရင်းမြစ်များ

Aˇ dahˬ 19:34

Yawˬ nah yawˬ keuˆ laˇ ngeh, aˬ buˇ aˬ yuiꞈ gʼaˬ aˬ nyiˇ gʼaˬ-ahˇ heu loꞈ-ehˇ ehˇ nehˬ-euˬ meh. “Ngaˇ miˇ ciꞈ aˬ da nehˬ-ehˇ yuꞈ leˇ gʼaˬ-euˬ ma. Nymˇ ciꞈ gʼeh aˬ yawꞈ-ahˇ aˬ gaꞈ dzaˇ uiˇ paˇ bi dawˇ yehꞈ-awˇ, nawˇ paˇ yuꞈ leˇ-awˬ. Aˇ nyaꞈ nyiˬ mehˇ nmˇ luꞈ, aˬ da baˇ neh zaˬ jawˇ le luꞈ-uˇ.”

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Dawqdaq 21:29

Yaw tsaˬ yaw dawˇ deuˬ ziꞈ dah ni gʼeh-awˇ, yaw haiˬ deuˬ aˬ cawˬ jah laˇ ni ya jahˇ gʼeh-eu meh.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Yeˬlaˬmiˇ 14:1

Mˬ gʼmˇ gʼmˇ-eu gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ ngaˬ-ahˇ ehˇ-eu,

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 14:3

Smˇ muiˬ aˬ da deuˬ zaˬ kʼaˆ deuˬ-ahˇ kʼehˇ gʼeh-awˇ, iˇ cuꞈ bi kʼawꞈ laˬ-iˇ-euˬ kʼawꞈ, lah duˬ-ahˇ iˇ cuꞈ maˬ dahˬ-eu miˇ neh, iˇ puˬ yawꞈ ngehꞈ-ehˇ gʼoꞈ laˇ-euˬ meh. Aˬ yawꞈ maꞈ nui ma cawˆ-awˇ zahˬ leˇ-euˬ miˇ neh, myaˆ pyawˬ ciˬ zaꞈ-eu meh.

Yeˬlaˬmiˇ 14:4

Uˬ yehˇ maˬ jaˆ-ehˇ miˇ tsaˬ koˆ-iˇ-euˬ miˇ neh, mˇ dzaˬ-eu tsawˇ haˬ deuˬ nui ma cawˆ dui dui-awˇ, myaˆ pyawˬ ciꞈ zaꞈ-euˬ meh.

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Yeˬlaˬmiˇ 5:25

Naw maꞈ mˇ-euˬ yaw lehˬ hawˇ-eu iˬ baˇ baˬ da, muiˬ-eu guiˬ lahˬ naw maꞈ-ahˇ maˬ oꞈ-a.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 8:12

Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 9:12

Ngaˇ heu loꞈ-ehˇ naˇ haˬ-euˬ ma. “Sahˬpaˬ Miˬyehˇ-oˇ, aˬ jeˬ miˇ neh miˇ kʼahˬ heu kʼahˬ kʼaˇ shuiꞈ deh ga loꞈ-ehˇ gui coˇ ni pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ cah tsehˆ ni pyeuꞈ-iˇ taˬ ta. Gaˇ kawˆ heu deuˬ-ahˇ siˬ nya-awˇ gʼoˆ shaw nya paˬ-ehˇ zaˬ siˬ tsawˇ gahˇ byah-eu aˬ suˇ gʼaˬ jawˇ ta. Gaˇ kawˆ heu deuˬ aˬ cawˬ-ahˇ dzawˇ mehˬ nehˬ nya paˬ-ehˇ, aˬ suˇ gʼaˬ-ahˇ nawˇ mehˬ duˬ nehˬ-euˬ te.”

Yeˬsaˬgeˬlaˇ 3:7

Ehˇ kʼawꞈ, Iˇsaˬleˬlaˆ tsawˇ haˬ tiˬ gʼaˬ-iˬ nawˬ-euˬ dawˬ-ahˇ maˬ naˇ haˬ mawꞈ-aˇ. Ngaˬ-euˬ dawˬ-ahˇ kʼawꞈ aˬ yawꞈ maꞈ maˬ naˇ haˬ mawꞈ-a. Aˬ yawꞈ maꞈ dawˬ tawˆ luꞈ nui ma gʼahˇ-awˇ, naˬ bawˇ yaw tuˇ meh.

Uˬ duˬ 26:19

Naw maꞈ-euˬ nui ma huiˬ-eu gʼahˇ-eu jeˬ-ahˇ ngaˇ laˆ cawˆ ma. Uˬ yehˇ maˬ jaˆ-eu uˬ taꞈ, naw maꞈ-euˬ miˇ kʼahˬ gui coˇ ni pyeuꞈ-iˇ-awˇ, shmˇ loꞈ-ehˇ gʼahˇ tehꞈ-a.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Aˬmoˆ 4:8

Meuˬ gʼawˬ mya meuˬ-ahˇ jawˇ-eu tsawˇ haˬ deuˬ iˇ cuꞈ mehꞈ-eu laꞈ kʼoeˇ gʼaˬ baˬ laˇ taˬ-awˇ, iˇ cuꞈ ya mawˇ tehꞈ-a lehˇ noeˬ-eu meuˬ tiˬ meuˬ-ahˇ aˬ yawꞈ maꞈ le-eu meh. Ehˇ kʼawꞈ, kʼoeˇ gaˇ iˇ cuꞈ tiˬ dehˆ maˬ ya dawˇ-a. Kʼoeˇ naˆ naˆ-ehˇ pyeuꞈ laˇ taˬ-euˬ kʼawꞈ, ngaˇ jawˇ gaˇ naw maꞈ maˬ gʼoꞈ poˆ laˇ-a.

Zeˬpaˬniˇ 2:1

Shaꞈ dawˇ maˬ baw-eu tsawˇ jeuˬ-oˇ, tiˬ gaˇ uiˬ laˇ bymˇ laˇ jiˇ-awˇ,

Zeˬpaˬniˇ 3:5

Kʼoeˇ gaˇ jawˇ-eu Sahˬpaˬ Miˬyehˇ, maˬ tsaˬ maˬ dawˇ-eu maˬ mˇ-ehˇ, yaw tsaˬ yawˬ dawˇ jeˬ mˇ luꞈ-awˇ, aˬ yawꞈ-euˬ yaw tsaˬ yaw dawˇ jeˬ, yawˬ shawˬ na luꞈ mehˬ nehˬ luˬ kʼawꞈ, maˬ tsaˬ maˬ dawˇ-eu tsawˇ haˬ deuˬ, shaꞈ dawˇ-eu myaˆ pyawˬ maˬ baw ni, maˬ tsaˬ-eu jeˬ mˇ luꞈ-eu meh.

Haˬgaiˇ 1:11

Deh ga hawˇ-eu gawˬ jawˬ-ahˇ maˬ ehˇ, cehˇ yaˇ hawˇ-eu aˬ gaꞈ yaˇ-ahˇ maˬ ehˇ, saˬ loˬ tsiˇ aˇ bawˇ bawˇ yaˇ hawˇ-eu sahˬ lahˬ dawˬ tawˆ luꞈ kʼoeˇ taˆ maˬ ehˇ, tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, naw maꞈ neh kʼaˇ ka-euˬ yawˬ jeˬ na luꞈ kʼoeˇ taˆ maˬ ehˇ, uˬ yehˇ maˬ bi yehˇ le ni ngaˇ jahˇ-euˬ ma.”

Dawˬmehˬ 28:23

Uˬ yehˇ maˬ yehˇ le-eu miˇ neh, nawˬ-euˬ miˇ tsaˬ shmˇ loꞈ-ehˇ gʼahˇ dui dui-iˇ tehꞈ-a.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.