Yeˬlaˬmiˇ 3:2 - Akha

² Gawˬ duˇ aˬ yawꞈ duˇ yawꞈ-ahˇ haw gʼeh sheˇ. Nawˬ neh kʼaˬ miˬ maˬ sheu doe-euˬ aˬ gaˇ jaˆ ta. Aˬlaˆ tsawˇ haˬ bawˇ tsahˬ-ahˇ tahˇ joe deh-eu loꞈ luꞈ-eu loꞈ-ehˇ, nawˬ nehˬ-ehˇ kʼaˬ miˬ sheu taꞈ-euˬ tsawˇ haˬ deuˬ-ahˇ, gaˇ ma gaˇ dzeˇ doe ni nawˇ loꞈ-eu meh. Nawˇ meh maˬ laˇ geuꞈ-awˇ dehꞈ doeˇ-eu baˬ da neh, miˇ tsaˬ tahˬ kʼawˇ jawꞈ dui dui-iˇ-euˬ meh.

Yeˬlaˬmiˇ 3:2 ပူးပေါင်းရင်းမြစ်များ

Aˇ dahˬ 38:14

Kʼoeˇ ngeh, Taˬmaˬ-aˬ, aˬ yawꞈ dm luꞈ-eu miˬ coeˬ miˬ ma deuˬ dm-eu mehˬ tsoeˬ lehˆ dzeh-awˇ, aˬ yawꞈ-euˬ myaˆ pyawˬ-ahˇ paˇ jeh dehˬ kaˬ-awˇ, Tmˇnahˬ meuˬ-ahˇ iˇ-eu gaˇ ma-ahˇ jaˆ-eu Eˬneˬ meuˬ-euˬ lahˇ kʼehˬ-ahˇ nuiˇ-awˇ loꞈ-euˬ meh. Aˬ jeˬ miˇ neh ehˇ naˇ, Sheˬlahˬ huiˬ loˆ laˇ-awˇ, zaˬ daꞈ daꞈ laˇ-euˬ gaˇ aˬ yawꞈ ya mawˇ-euˬ kʼawꞈ, aˬ yawꞈ-ahˇ maˬ bi sheuˬ le-eu miˇ neh, aˬ yawꞈ kʼoeˇ loꞈ-ehˇ jahˇ-euˬ meh.

1 Sahˬpaˬ 11:3

Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

2 Sahˬpaˬ 23:13

Siˇdoˬ miˬ yehˇ ma Aˬshaˇtaˬteˬ, Mawˇbaˆ miˬ yehˇ Sheˬmoˇshaˆ hawˇ-eu, Aˬmoˬ miˬ yehˇ Moˇlehˆ heu deuˬ-ahˇ uˬ duˬ tahˬ-eu gʼaˇ duˬ, Yeˬluˇsaˬlehˬ meuˬ-euˬ nahˇ ma doˆ kʼehˬ paw, Saˬloˬ gawˬ jawˬ-euˬ laꞈ oˆ sahˬ paˬ Sawˇlaˬmoˬ neh tehˆ taˬ yaꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, Yawˇshiˆ laˆ cawˆ-euˬ meh.

Jaceuq 106:38

Iˬ baˇ maˬ ahˇ-eu aˬ buˇ aˬ li kʼoeˇ deuˬ-ahˇ sehꞈ-euˬ miˇ neh, miˇ kʼahˬ kʼoeˇ kʼahˬ-ahˇ aˬ yawꞈ maꞈ laˆ jawꞈ-euˬ meh.

Dawqdaq 23:28

Tahˇ joe loꞈ-ehˇ aˬ yawꞈ maꞈ nawˬ-ahˇ loꞈ-awˇ, kʼaˬ dzeˇ zaˬ gʼawˬ mya gʼaˬ-ahˇ laˆ cawˆ-eu meh. -18-

Dawqdaq 7:11

Myaˆ pyawˬ pyuˇ dui dui-awˇ, shaꞈ dawˇ-eu maˬ siˬ nya-eu iˇ kahˇ tiˬ jawˇ-iˬ maˬ jawˇ-eu zaˬ miˬ zaˬ meh.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Yeˬlaˬmiˇ 2:23

Baˬlaˇ miˬ yehˇ-ahˇ nawˇ uˬ duˬ tahˬ-eu laꞈ kʼoeˇ, yawˬ haˇ yawˬ ha maˬ laˆ jawꞈ-aˬ lehˇ nawˇ aˬ joˆ-ehˇ ehˇ nya nmˇ. Deh kʼawꞈ-ahˇ nawˇ iˬ baˇ mˇ taˬ-euˬ gaˇ haw sheˇ. Nawˬ neh mˇ-euˬ gaˇ deuˬ shaˇ noeˬ haw sheˇ. Nawˇ-aˬ, aˇ caˆ behˇ tsehˆ-awˇ cehˆ luꞈ-eu, law taw aˬ ma-ahˇ duˇ-eu nga.

Yeˬlaˬmiˇ 2:7

Dzaˬ la gʼo cehˇ mˇ za-awˇ baw le za le ni, miˇ tsaˬ miˇ muiˬ muiˬ-eu miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ uˇ nehˬ-euˬ kʼawꞈ, ngaˬ-euˬ miˇ kʼahˬ aˬ yawꞈ maꞈ laˆ cawˆ-awˇ, ngaˬ neh biꞈ-euˬ jeˬ biˇ laˆ jawꞈ-euˬ meh.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 3:21

Gawˬ duˇ uˬ du teˇ saˇ gaˬ laˇ-eu meh. Iˇsaˬleˬlaˆ tsawˇ haˬ deuˬ ngoeˇ-awˇ shaˇ-eu teˇ saˇ meh. Aˬ jeˬ miˇ neh ehˇ naˇ aˬ yawꞈ maꞈ dehꞈ lehˬ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-euˬ meh.

Yeˬlaˬmiˇ 3:9

Aˬ yawꞈ shaꞈ dawˇ-eu nui ma tiˬ pawꞈ-iˬ maˬ ahˇ ni, kʼaˬ lo hawˇ-eu daˇ kawˬ-ahˇ uˬ duˬ tahˬ-eu laꞈ kʼoeˇ, aˬ cawˬ nehˬ-ehˇ dehꞈ bahˬ-euˬ meh.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Yeˬsaˬgeˬlaˇ 16:16

Nawˬ-euˬ mehˬ tsoeˬ tiˬ paˆ na deuˬ nawˇ yuˇ-awˇ, nawˇ uˬ duˬ tahˬ-eu jawˇ duˬ-ahˇ laˆ muiˬ-awˇ, meh maˬ laˇ loꞈ-ehˇ kʼaˇ mawˇ le-eu gʼaˬ nehˬ-ehˇ joe-euˬ meh.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Luˇkaꞈ 16:23

Shiˇ-eu miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ aˬ yawꞈ ya daˬ-awˇ, naˇ dui gawˇ dui dui-eu laꞈ kʼoeˇ gʼawˇ leuˇ haw leꞈ ngeh, gaˇ mahˇ kaˬ gaˇ Aˬbyaˬhaˬ-ahˇ haw mawˇ-awˇ, Aˬbyaˬhaˬ-euˬ bawˇ kʼahˇ-ahˇ Laˬzaˬluˇ nuiˇ luꞈ gaˇ ya mawˇ-euˬ meh.

Dawˬmehˬ 12:2

Naw maꞈ jawˇ leˇ-eu miˇ kʼahˬ laꞈ kʼoeˇ, kʼoeˇ gaˇ jawˇ-eu tsawˇ haˬ deuˬ aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-euˬ jawˇ duˬ pyeuꞈ-eu gawˬ jawˬ yaw goˇ-ahˇ maˬ ehˇ, gawˬ duˇ pu lu-ahˇ maˬ ehˇ, nyoeˇ jawꞈ ni gʼeh-eu aˇ bawˇ dawˬ pehˬ-ahˇ maˬ ehˇ, kʼaˇ jaˆ-eu uˬ duˬ tahˬ-eu jawˇ duˬ-ahˇ naw maꞈ laˆ cawˆ nehˬ jiˇ-awˬ.