Yeˬlaˬmiˇ 28:9 - Akha

⁹ Ehˇ kʼawꞈ, nui saˇ oꞈ-eu jeˬ keuˆ le tehꞈ-a lehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ diˇ aˬ maˇ Sahˬpaˬ Miˬyehˇ neh pyehˬ gʼeh leꞈ-euˬ Miˬyehˇ gʼaˇ duˬ ngehˬ dah-eu tsawˇ haˬ ngeuˇ-eu maˬ ngeuˇ-eu-aˬ, aˬ yawꞈ neh ngehˬ dah-euˬ loꞈ-ehˇ pyeuꞈ laˇ gʼaˬ miˇ tsa maˬ ngeuˇ naˇ maˬ ehˇ nya-aˇ.”

Yeˬlaˬmiˇ 28:9 ပူးပေါင်းရင်းမြစ်များ

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Yeˬlaˬmiˇ 14:13

Kʼoeˇ naˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu miˇ neh, miˇ kʼahˬ heu kʼahˬ laꞈ kʼoeˇ guiˇ deuˆ-eu jeˬ hawˇ-eu mehꞈ-eu shuꞈ-eu jeˬ maˬ keuˆ le-ehˇ, nui saˇ oꞈ-eu jeˬ tehꞈ-ehˇ keuˆ le tehꞈ-a lehˇ, Miˬyehˇ gʼaˇ duˬ ngehˬ dah-eu deuˬ ehˇ luꞈ-eu nawˇ siˬ nya meh.”

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Yeˬlaˬmiˇ 8:11

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ, aˬ gah heu-euˬ naˆ tehꞈ-ehˇ sawˇ-awˇ, maˬ taˬ leˇ-euˬ gaˇ taˬ leˇ gʼaˬ-euˬ meh lehˇ ehˇ-eu meh.

Yeˬsaˬgeˬlaˇ 33:33

Ehˇ kʼawꞈ, tiˬ dawˬ-iˬ caw teh-awˇ maˬ mˇ-a. Nawˬ neh kʼaˇ ehˇ taˬ-euˬ jeˬ aˬ diˇ aˬ maˇ ya keuˆ le-eu loꞈ-ehˇ, naw neh kʼaˇ ehˇ taˬ-euˬ jeˬ byah laˇ ngeh nah, Miˬyehˇ gʼaˇ duˬ ngehˬ dah-eu tsawˇ haˬ aˬ yawꞈ maꞈ nehˬ-ehˇ jawˇ law hawˇ ngaˬ lehˇ, aˬ yawꞈ maꞈ-ahˇ siˬ leˇ tehꞈ-a.”

Dawˬmehˬ 18:21

“Miˬyehˇ gʼaˇ duˬ ngehˬ dah-eu gʼaˬ neh ehˇ-euˬ jeˬ-aˬ, Sahˬpaˬ Miˬyehˇ neh bi ngehˬ-euˬ dawˬ ngeuˇ-eu maˬ ngeuˇ-eu aˬ joˆ-ehˇ ehˇ tsehˆ nya nmˇ lehˇ naw maꞈ zahˬ leˇ kʼaˇ za tehꞈ-a.

Dawˬmehˬ 18:22

Miˬyehˇ gʼaˇ duˬ ngehˬ dah-eu gʼaˬ, Sahˬpaˬ Miˬyehˇ-euˬ tsawˇ myahˇ uˬ moˆ tiˬ jeˬ paˇ ehˇ ngeh, aˬ yawꞈ neh ehˇ-euˬ loꞈ-ehˇ maˬ pyeuꞈ laˇ naˇ, Sahˬpaˬ Miˬyehˇ neh bi ehˇ-euˬ dawˬ maˬ ngeuˇ-a. Miˬyehˇ gʼaˇ duˬ ngehˬ dah-euˬ kʼoeˇ gʼaˬ yawˬ ha-euˬ baoˬ-ahˇ gʼoe-awˇ ngehˬ-eu tmˇ-eu jeˬ pyeuꞈ-awˇ, aˬ yawꞈ-ahˇ nawˇ maˬ ya guˆ-a.