Yeˬlaˬmiˇ 28:4 - Akha

⁴ Yeˬhawˇyaˬkmˬ-euˬ aˬ li Yuˇdaˆ sahˬ paˬ Yeˬhawˇyaˬciˬ hawˇ-eu aˬ yawꞈ nehˬ-ehˇ Baˬbuˇloˬ miˇ kʼahˬ-ahˇ bi nyehꞈ daˆ leꞈ-euˬ Yuˇdaˆ miˇ kʼahˬ zaˬ deuˬ dawˬ tawˆ luꞈ-ahˇ kʼawꞈ, ngaˇ sheuˬ kʼoꞈ leꞈ ma. Ngeuˇ ma. Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 28:4 ပူးပေါင်းရင်းမြစ်များ

Aˇ dahˬ 27:40

Nawˇ-aˬ, mi cehˇ-ahˇ gʼoe-awˇ yaw dehꞈ ya dehꞈ tehꞈ-a. Nawˇ nawˬ-euˬ aˬ nyiˇ-euˬ zaˬ kʼaˆ ya geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ puiˬ-awˇ, aˬ yawꞈ uˆ lahˇ-eu uˬ moˆ ya buˬ-iˇ-eu aˇ nah aˇ yamˬ jaˆ tehꞈ-a.”

2 Sahˬpaˬ 24:14

Sahˬ paˬ-euˬ aˬ li dawˬ tawˆ luꞈ hawˇ-eu, aˬ yuiꞈ aˬ tsu dawˬ tawˆ luꞈ ahˇ leˇ-ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ tiˬ muiˇ gʼaˬ-ahˇ, Neˬbuˬkaˬneˬzaˬ nyehꞈ gʼeh-euˬ meh. Ba jiˬ hawˇ-eu laꞈ myawˬ laꞈ sawˆ kʼaˇ nya-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ neh nyehꞈ gʼeh-awˇ, yaw shaˬ zaˬ deuˬ tehꞈ-ehˇ Yuˇdaˆ miˇ kʼahˬ laꞈ kʼoeˇ bi jawˇ yaꞈ-euˬ meh.

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Yeˬlaˬmiˇ 13:19

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu meuˬ deuˬ, aˬ cawˬ loꞈ jawˬ jiˇ-euˬ miˇ neh, tiˬ gʼaˬ-iˬ maˬ uˇ leˇ nya-a. Yuˇdaˆ miˇ kʼahˬ-ahˇ kʼaˇ jawˇ-eu deuˬ dawˬ tawˆ luꞈ, aˬ cawˬ neh bi nyehꞈ byoˆ jiˇ gʼeh tehꞈ-a.”

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 22:24

Yuˇdaˆ sahˬ paˬ Yeˬhawˇyaˬkmˬ-euˬ aˬ li sahˬ paˬ Yeˬhawˇyaˬciˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-euˬ aˇ maˇ laꞈ-ahˇ behˬ luꞈ-eu ngaˬ-euˬ jmˬ ahˇ-eu laꞈ behˬ pyeuꞈ-eu kʼawꞈ, nawˬ-ahˇ ngaˇ gʼeu lehˆ doˆ ma.

Yeˬlaˬmiˇ 24:1

Uˬ duˬ tahˬ nymˇ nymˇ ma mehˬ shi ciˬ taˬ-euˬ siˬ guˬ aˇ siˬ kʼaˆ puˬ nyiˬ puˬ, Sahˬpaˬ Miˬyehˇ ngaˬ-ahˇ mehˬ nehˬ laꞈ-euˬ meh. (Heu-aˬ, Yeˬhawˇyaˬkmˬ-euˬ aˬ li pyeuꞈ-eu Yuˇdaˆ sahˬ paˬ Yeˬhawˇyaˬciˬ-ahˇ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ luꞈ-eu deuˬ hawˇ-eu, ba jiˬ deuˬ, laꞈ saˇ maˇ deuˬ, laꞈ myawˬ laꞈ muˆ nya-eu deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ sahˬ paˬ Neˬbuˬkaˬneˬzaˬ neh bi nyehꞈ daˆ leꞈ gʼaˬ miˇ tsa meh.)

Yeˬlaˬmiˇ 24:5

“Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ heu loꞈ-ehˇ sawˇ taˬ-euˬ ma. Baˬbuˇloˬ miˇ kʼahˬ-ahˇ bi nyehꞈ doˆ gʼeh-euˬ tsawˇ haˬ deuˬ-aˬ, muiˬ-eu siˬ guˬ aˇ siˬ kʼoeˇ deuˬ-ahˇ duˇ-awˇ, aˬ yawꞈ maꞈ-ahˇ ngaˇ gʼawˬ shaˬ gaˬ-eu laꞈ kʼoeˇ ngehˬ gʼeh nehˬ ma.

Yeˬlaˬmiˇ 27:8

“Ehˇ kʼawꞈ, tsawˇ jeuˬ tiˬ jeuˬ na maˬ ehˇ, miˇ kʼahˬ tiˬ kʼahˬ na maˬ ehˇ, aˬ yawꞈ uˆ lahˇ-eu uˬ moˆ maˬ jawˇ naˇ, Neˬbuˬkaˬneˬzaˬ neh maˬ bi laˆ byoˆ leꞈ kʼoeˇ keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ-ahˇ gʼoe-awˇ, ngaˇ kʼehˬ nehˬ kʼaˆ nehˬ ma.

Yeˬlaˬmiˇ 28:10

Kʼoeˇ ngeh, ngaˬ-euˬ kawˬ lahˇ-ahˇ tawˬ luꞈ-eu kʼaˆ daˬ-ahˇ, Haˬnaˬniˇyaˆ neh yuˇ ka-awˇ, ngawˬ kʼehꞈ ngawˬ kʼoeˆ-euˬ meh.

Yeˬlaˬmiˇ 28:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, aˬ yawꞈ ehˇ-eu meh. “Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ gʼaˬ-euˬ ma.

Yeˬlaˬmiˇ 29:1

Piˇ ma deuˬ, Miˬyehˇ gʼaˇ duˬ ngehˬ dah-eu deuˬ, miˇ kʼahˬ zaˬ kʼoeˇ taˆ aˬ yuiꞈ aˬ tsu geuꞈ-euˬ deuˬ hawˇ-eu, Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ Neˬbuˬkaˬneˬzaˬ neh kʼaˇ bi nyehꞈ daˆ gʼeh-euˬ tsawˇ haˬ dawˬ tawˆ luꞈ-ahˇ, ngaˇ sahˬ boꞈ tiˬ taꞈ boꞈ ahˇ gʼeh-euˬ ma.

Yeˬlaˬmiˇ 29:2

Sahˬ paˬ Yeˬhawˇyaˬciˬ maˬ ehˇ, aˬ yawꞈ-euˬ aˬ ma maˬ ehˇ, sahˬ paˬ-euˬ hawˇ nymˇ laꞈ kʼoeˇ gaˇ mˇ-eu yaw huiˬ yaw mahˇ deuˬ maˬ ehˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ sahˬ paˬ sahˬ ma geuꞈ-eu deuˬ maˬ ehˇ, Baˬbuˇloˬ miˇ kʼahˬ-ahˇ bi nyehꞈ daˆ leꞈ gʼaˬ jiˇ miˇ tsa, sahˬ boꞈ heu taꞈ ngaˇ boꞈ ahˇ gʼeh-euˬ ma.

Yeˬlaˬmiˇ 30:8

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, aˬ yawꞈ maꞈ-euˬ kawˬ lahˇ-ahˇ daˬ luꞈ-eu laꞈ gʼahˬ ngaˇ lehˆ nehˬ-awˇ, aˬ yawꞈ maꞈ-euˬ aˬ kuiˇ-ahˇ daˬ luꞈ-eu shmˇ caˆ ngaˇ puiˇ nehˬ ma. Aˬ yawꞈ maꞈ-ahˇ aˬ cawˬ tsawˇ jeuˬ-euˬ zaˬ kʼaˆ maˬ paˇ bi geuꞈ ma.

Uˬ duˬ 26:13

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Naˬhmˬ 1:13

Aˬ yawꞈ neh nawˬ-ahˇ ciˬ pi-euˬ, kʼaˆ behˆ kʼoeˇ ngaˇ lehˆ dzeh nehˬ-awˇ, nawˬ-ahˇ paꞈ tawꞈ taˬ-euˬ aˇ caˆ, ngaˇ puiˇ dzeh ma” lehˇ ehˇ-eu meh.