Yeˬlaˬmiˇ 27:5 - Akha

⁵ “Huiˬ dui dui-eu ngaˬ-euˬ baoˬ hawˇ-eu gʼaˬ-ahˇ gʼoe-awˇ, miˇ tsaˬ tahˬ kʼawˇ maˬ ehˇ, kʼoeˇ-euˬ kʼoeˇ taˆ jawˇ-eu tsawˇ haˬ zaˬ hawˇ-eu jeˬ zaˬ deuˬ maˬ ehˇ, ngaˇ beh-awˇ, ngaˇ nui ma kʼaˇ tsaˬ-eu gʼaˬ-ahˇ miˇ tsaˬ heu ngaˇ biꞈ-eu ma.

Yeˬlaˬmiˇ 27:5 ပူးပေါင်းရင်းမြစ်များ

Aˇ dahˬ 1:25

Kʼoeˇ loꞈ-ehˇ, jeˬ zaˬ kʼaˇ ngeuˇ-eu dawˬ tawˆ luꞈ-ahˇ aˬ yawꞈ beh gʼaˬ jiˇ-euˬ meh. Kʼoeˇ gaˇ ya mawˇ ngeh, aˬ yawꞈ nui kʼahˇ shiˇ-euˬ meh.

Aˇ dahˬ 9:6

Tsawˇ haˬ zaˬ-ahˇ, Miˬyehˇ-ahˇ duˇ ni beh taˬ-euˬ meh. Kʼoeˇ miˇ neh, tsawˇ haˬ-ahˇ sehꞈ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ sehꞈ gaˇ paˇ ya daˬ tehꞈ-a.

Eˇzaˬlaˬ 1:2

“Heu-aˬ, Paˇshaˇ sahˬ paˬ Guˇluˆ-euˬ dawˬ pyeuꞈ-eu meh. Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, miˇ tsaˬ dawˬ tawˆ luꞈ kʼoeˇ taˆ ngaˬ-ahˇ bi uˆ lahˇ laꞈ-awˇ, Yuˇdaˆ miˇ kʼahˬ Yeˬluˇsaˬlehˬ meuˬ-ahˇ aˬ yawꞈ gʼaˇ duˬ uˬ duˬ tahˬ nymˇ tiˬ nymˇ tsoˆ-awˬ lehˇ ngaˬ-ahˇ kʼehˇ-eu meh.

Neˬhaˬmiˇ 9:22

Aˬ yawꞈ maꞈ-euˬ dawˬ peh jaˆ-eu miˇ kʼahˬ hawˇ-eu, dawˬ peh jawˇ-eu tsawˇ jeuˬ deuˬ-ahˇ, aˬ yawꞈ maꞈ gʼaˬ leˇ ni nawˇ caw ba nehˬ-euˬ meh. Siˇhoˬ uˆ lahˇ-euˬ Heˬshaˬboˬ miˇ kʼahˬ hawˇ-eu, Awˇgaˆ sahˬ paˬ geuꞈ-awˇ dzoeˬ-eu Baˬshaˬ miˇ kʼahˬ, aˬ yawꞈ maꞈ neh deuˆ gʼaˬ-euˬ meh.

Jaceuq 102:25

Aˇ hu ba neh miˇ tsaˬ tahˬ kʼawˇ nawˇ beh-awˇ, nawˬ-euˬ aˬ laꞈ neh mˬ sawˆ pyeuꞈ taˬ-euˬ meh.

Jaceuq 96:5

Aˬ cawˬ tsawˇ jeuˬ-euˬ miˬyehˇ deuˬ-aˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui-euˬ Sahˬpaˬ Miˬyehˇ-aˬ, mˬ beh-euˬ yaw sahˇ gʼaˬ meh.

Doˆ-iˇ 20:11

Aˇ yamˬ koꞈ nah laꞈ kʼoeˇ, miˇ tsaˬ maˬ ehˇ, mˬ maˬ ehˇ, iˬ ma laˆ shaˆ maˬ ehˇ, heu deuˬ dawˬ tawˆ luꞈ laꞈ kʼoeˇ kʼaˇ jawˇ kʼaˇ jaˆ-eu yawˬ jeˬ na luꞈ maˬ ehˇ, ngaˇ beh-euˬ ma. Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ-aˬ, jawˇ nah pyeuꞈ-eu aˇ nah kʼoeˇ nah-ahˇ dawˬ ngehˬ gʼeh nehˬ-awˇ, muiˬ-eu shawˇ-eu aˇ nah bi pyeuꞈ laˇ-euˬ ma.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Iˇsaˬyaˇ 42:5

Mˬ-ahˇ Miˬyehˇ beh-awˇ sheu taw-euˬ meh. Miˇ tsaˬ hawˇ-eu miˇ kʼoeˇ taˆ kʼaˇ jawˇ-eu jeˬ, Beh kuꞈ nehˬ-awˇ pyehˬ byah-euˬ meh. Miˇ kʼoeˇ taˆ jawˇ-eu tsawˇ haˬ dehꞈ-eu saꞈ laˇ za-awˇ, saꞈ gʼawˇ nya ni aˬ yawꞈ beh taˬ-euˬ meh. Nymˬ-mˇ, Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ-euˬ zaˬ kʼaˆ-ahˇ heu loꞈ-ehˇ ehˇ-eu meh.

Iˇsaˬyaˇ 44:24

“Ngaˇ naw maꞈ-ahˇ ka kʼoꞈ-eu Sahˬpaˬ Miˬyehˇ ma. Naw maꞈ-ahˇ beh-euˬ gʼaˬ ngaˇ ma. Ngaˇ-aˬ, yawˬ jeˬ na luꞈ-ahˇ beh-euˬ Sahˬpaˬ Miˬyehˇ ma. Mˬ sheu taw ngeh ngaˇ tehꞈ-ehˇ sheu taw-awˇ, ngaˇ miˇ tsaˬ-ahˇ beh ngeh tiˬ gʼaˬ-iˬ maˬ caw ba le-aˬ.

Iˇsaˬyaˇ 45:12

Miˇ tsaˬ tahˬ kʼawˇ heu-ahˇ beh-awˇ, tsawˇ haˬ beh-awˇ bi jawˇ-euˬ gʼaˬ ngaˇ ma. Ngaˬ-euˬ baoˬ-ahˇ gʼoe-awˇ, mˬ toˆ pyeh taˬ-euˬ gʼaˬ ngaˇ ma. Nahˇ ma, ba la, aˬ guiˇ dawˬ tawˆ luꞈ-ahˇ, ngaˇ nyehꞈ tehˬ taˬ-euˬ ma.

Iˇsaˬyaˇ 48:13

Miˇ tsaˬ dawˬ pehˬ-ahˇ ngaˬ-euˬ aˬ laꞈ neh tehˆ-awˇ, mˬ-ahˇ aˇ maˇ laꞈ neh toˆ pyeh-euˬ ma. Mˬ hawˇ-eu miˇ-ahˇ ngaˇ dawˬ biꞈ ngeh, tiˬ poˆ tehꞈ-ehˇ jaˆ le-euˬ meh.

Iˇsaˬyaˇ 51:13

Mˬ toˆ pyeh-awˇ miˇ tsaˬ dawˬ pehˬ pehˬ-euˬ yaw sahˇ, Sahˬpaˬ Miˬyehˇ-ahˇ naw maꞈ ngehˇ teˬ loˇ. Naw maꞈ-ahˇ laˆ cawˆ-eu gʼaˇ duˬ lehˬ hmˬ luꞈ-eu, naw maꞈ-ahˇ kʼehˬ-eu deuˬ-euˬ nui pehˇ-ahˇ, aˬ jeˬ miˇ neh maˬ tsehˆ leˇ ni guˆ te. Aˬ yawꞈ maꞈ-euˬ nui pehˇ naw maꞈ-ahˇ maˬ laˆ deuˬ nya-a.

Yeˬlaˬmiˇ 27:4

Sahˬpaˬ Miˬyehˇ-euˬ dawˬ heu deuˬ, aˬ yawꞈ maꞈ-euˬ sahˬ paˬ deuˬ-ahˇ bi dzawˇ nehˬ-iˇ-awˬ lehˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Yeˬlaˬmiˇ 51:15

Sahˬpaˬ Miˬyehˇ aˬ yawꞈ-euˬ baoˬ hawˇ-eu, aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ, miˇ tsaˬ tahˬ kʼawˇ beh-awˇ mˬ sheu taw taˬ-euˬ meh.

Daˬyeˬlaˇ 2:38

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ maˬ ehˇ, jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼoeˇ taˆ maˬ ehˇ, nawˇ bi uˆ lahˇ-euˬ meh. Nawˇ-aˬ, shuiˇ uˬ duˬ kʼoeˇ siˬ meh.

Daˬyeˬlaˇ 4:14

Aˬ yawꞈ yaw kʼaˆ-ehˇ guˇ-awˇ heu loꞈ-ehˇ ehˇ-eu meh. Aˇ bawˇ heu bawˇ tuˇ lawˇ-awˇ uˬ laꞈ deuˆ tsehˆ dzeh jiˇ-awˬ. Aˇ paꞈ juˆ dzeh jiˇ-awˇ, aˇ siˬ byaˆ byoˆ jiˇ-awˬ. Aˇ bawˇ dawˬ pehˬ-ahˇ jawˇ-eu jeˬ zaˬ deuˬ teh dzeh jiˇ-awˇ, uˬ laꞈ-ahˇ dawꞈ-eu aˇ jiˇ deuˬ teh zaw jiˇ-awˬ.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 4:22

“Sahˬ paˬ-oˇ, nawˇ-aˬ, huiˬ dui goˇ dui dui-eu aˇ bawˇ kʼoeˇ bawˇ meh. Nawˇ huiˬ dui mahˇ dui dui laˇ-euˬ miˇ neh, mˬ-ahˇ tuˆ leˇ-awˇ, nawˬ-euˬ baoˬ miˇ tsaˬ dawˬ tawˆ luꞈ kʼoeˇ taˆ uˆ tehˬ taˬ-euˬ meh.

Daˬyeˬlaˇ 4:25

Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Gʼaˬkʼehˇ 17:24

Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ beh-euˬ yaw sahˇ Miˬyehˇ-aˬ, Mˬsahˇ Sahˬpaˬ Miˇsahˇ Sahˬma pyeuꞈ-awˇ, tsawˇ haˬ zaˬ-euˬ aˬ laꞈ neh tsoˆ-euˬ uˬ duˬ tahˬ nymˇ-ahˇ uˇ-eu maˬ ngeuˇ-a.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Dawˬmehˬ 2:19

Kʼoeˇ naˇ, Lawˇtaˬ-euˬ zaˬ deuˬ uˆ deuˬ pyeuꞈ-eu Aˬmoˬ tsawˇ jeuˬ jawˇ-eu miˇ kʼahˬ dawˬ peh naw maꞈ le keuˆ tehꞈ-a. Aˬ yawꞈ maꞈ-ahˇ naw maꞈ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ naw maꞈ-ahˇ ngaˇ maˬ biꞈ’ lehˇ ehˇ-eu meh.”

Dawˬmehˬ 2:21

Aˬ yawꞈ maꞈ-aˬ, Aˬnaˬkaˆ tsawˇ haˬ deuˬ loꞈ-ehˇ goˇ-eu meh. Tsawˇ haˬ behˇ-awˇ baoˬ huiˬ-eu tsawˇ jeuˬ pyeuꞈ-eu meh. Ehˇ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ Aˬmoˬ tsawˇ haˬ deuˬ bi jawˇ-eu gʼaˇ duˬ, aˬ yawꞈ maꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ-euˬ meh.

Dawˬmehˬ 2:7

“Naw maꞈ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ aˬ joˆ-ehˇ guiˬ lahˬ biꞈ laꞈ-euˬ gaˇ kawˆ-ahˇ noeˬ keuˆ-awˬ. Jeˇ dui dui-eu bawˇ tsahˬ bawˇ dahˇ heu laꞈ kʼoeˇ naw maꞈ cah luꞈ ngeh, naw maꞈ-ahˇ aˬ yawꞈ haw piˇ-euˬ meh. Aˇ yamˬ heu oeˬ tseˇ kʼoꞈ laꞈ kʼoeˇ, aˬ yawꞈ naw maꞈ nehˬ-ehˇ jawˇ-awˇ, kʼaˇ loˬ-eu jeˬ naw maꞈ za-euˬ meh.

Dawˬmehˬ 2:9

Sahˬpaˬ Miˬyehˇ ngaˬ-ahˇ ehˇ-eu, ‘Lawˇtaˬ-euˬ zaˬ deuˬ uˆ deuˬ pyeuꞈ-eu Mawˇbaˆ tsawˇ haˬ deuˬ-ahˇ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, ngaˇ aˬ yawꞈ maꞈ-ahˇ Aˇlaˆ meuˬ biꞈ taˬ-euˬ ma. Aˬ yawꞈ maꞈ-euˬ miˇ kʼahˬ tiˬ pyehˬ tehˬ-ehˇ kʼawꞈ, naw maꞈ-ahˇ ngaˇ maˬ biꞈ’ lehˇ ehˇ-eu meh.”

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Dawˬmehˬ 4:25

“Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni jawˇ keuˆ laꞈ-awˇ, zaˬ deuˬ hawˇ-eu oeˬ paˬ oeˬ ma deuˬ jawˇ le-euˬ kʼawꞈ, aˬ joˆ-ehˇ gʼeh-eu tahˬ pahˬ aˬ ma mawˇ kawˇ maˬ kaˬ, naw maꞈ tehˆ-eu laꞈ kʼoeˇ iˬ baˇ taˬ mˇ. Kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ mehˬ shi maˬ muiˬ maˬ jaˬ-eu jeˬ pyeuꞈ-awˇ, aˬ yawꞈ-ahˇ nui ma bi pehˇ tehꞈ-a.

Dawˬmehˬ 4:32

“Naw maꞈ maˬ dehꞈ le mi naˆ-ehˇ pyeuꞈ dzeuˇ yaꞈ-euˬ gaˇ kawˆ-ahˇ, miˇ tsaˬ kʼoeˇ taˆ tsawˇ haˬ zaˬ-ahˇ Miˬyehˇ beh-euˬ aˇ yamˬ-ahˇ keuˆ ni poˆ tseˇ haw sheˇ. Heu loꞈ-ehˇ huiˬ-eu gaˇ kawˆ pyeuꞈ laˇ haw mehˬ loˇ.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.

Dawˬmehˬ 5:16

“Nawˇ yaw muiˬ paˬ-ehˇ ya dehꞈ ya jawˇ daˆ leꞈ-eu gʼaˇ duˬ maˬ ehˇ, ngaˇ nawˬ-ahˇ biꞈ-euˬ miˇ kʼahˬ laꞈ kʼoeˇ nawˇ ziˇ baw ni maˬ ehˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ nawˬ-ahˇ dawˬ biꞈ taˬ-euˬ loꞈ-ehˇ, nawˬ-euˬ aˬ da aˬ ma-ahˇ nawˇ yaw zeu ya baw meh.

Dawˬmehˬ 9:29

Yaw muiˬ paˬ-ehˇ ehˇ leꞈ naˇ, tsawˇ haˬ heu deuˬ-ahˇ nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ nawˇ tseˇ doˆ-awˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ aˬ laꞈ cawˬ ja-awˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ meh’ lehˇ shaˇ-euˬ ma.

Gawˇlawˇsehˇ 1:16

Aˬ jeˬ miˇ neh ehˇ naˇ, mˬ hawˇ-eu miˇ kʼoeˇ taˆ kʼaˇ jaˆ kʼaˇ jawˇ-eu jeˬ dawˬ tawˆ luꞈ maˬ ehˇ, mawˇ nya-eu jeˬ hawˇ-eu maˬ mawˇ nya-eu jeˬ maˬ ehˇ, mˬ hawˇ-eu miˇ yawˬ kaˬ-ahˇ uˆ lahˇ-eu yaw sahˇ deuˬ pyeuꞈ-eu baoˬ deuˬ hawˇ-eu sahˬ paˬ sahˬ ma dawˬ tawˆ luꞈ maˬ ehˇ, Ka li-ahˇ gʼoe-awˇ Miˬyehˇ neh beh taˬ-euˬ meh. kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ-ahˇ gʼoe-eu laꞈ kʼoeˇ beh taˬ-awˇ, aˬ yawꞈ-euˬ gʼaˇ duˬ beh taˬ-euˬ meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”