Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.
Yeˬlaˬmiˇ 27:3 - Akha3 Kʼoeˇ naˇ, “Eˬdoˬ sahˬ paˬ Mawˇbaˆ sahˬ paˬ, Aˬmoˬ sahˬ paˬ, Duˇlu sahˬ paˬ hawˇ-eu , Siˇdoˬ sahˬ paˬ kʼoeˇ deuˬ-ahˇ, aˬ yawꞈ maꞈ neh Yeˬluˇsaˬlehˬ meuˬ-ahˇ Zeˬdaˬkiˇ jawˇ gaˇ pyehˬ gʼeh laꞈ-euˬ tsawˇ haˬ deuˬ-ahˇ gʼoe-awˇ, dawˬ tsaꞈ tsaꞈ ahˇ nehˬ-awˬ” lehˇ, aˬ yawꞈ ngaˬ-ahˇ ehˇ-eu meh. အခန်းကိုကြည့်ပါ။ |
Yeˬlaˬmiˇ 27:3
12 ပူးပေါင်းရင်းမြစ်များ
Zeˬdaˬkiˇ sahˬ paˬ geuꞈ luꞈ-eu oeˬ kʼoꞈ aˬ yawꞈ kʼoꞈ, ba la yaw beh siˬ-ahˇ, Giˇbyoˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu, Aˬzuˆ-euˬ aˬ li Haˬnaˬniˇyaˆ-aˬ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ dawˬ ngehˬ cawˬ laˇ-euˬ meh. Piˇ ma deuˬ hawˇ-eu tsawˇ haˬ gʼawˬ mya ni jawˇ-eu mehˬ shi aˬ yawꞈ ngaˬ-ahˇ heu loꞈ-ehˇ ehˇ-eu meh.
“Tsawˇ haˬ zaˬ-oˇ, Baˬbuˇloˬ sahˬ paˬ Neˬbuˬkaˬneˬzaˬ Duˇlu meuˬ-ahˇ guiˇ deuˆ le-euˬ meh. Aˬ yawꞈ-euˬ yehˇ deuˬ pi-euˬ myawˬ kah dui dui-eu miˇ neh, uˬ duˬ pi deˬ-awˇ, baꞈ pu yawˆ-iˇ jiˇ-euˬ meh. Kʼoeˇ naˆ naˆ-ehˇ shaˬ-euˬ kawꞈ, sahˬ paˬ hawˇ-eu aˬ yawꞈ-euˬ guiˇ maꞈ gʼaˇ duˬ jiˇ jeuˬ tiˬ jeˬ-iˬ maˬ ahˇ-a.
Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.
ကြော်ငြာတွေ