Yeˬlaˬmiˇ 27:21 - Akha

²¹ “Uˬ duˬ tahˬ nymˇ nymˇ ma laꞈ kʼoeˇ hawˇ-eu, Yeˬluˇsaˬlehˬ meuˬ laꞈ kʼoeˇ jaˆ-eu sahˬ paˬ-euˬ nymˇ laꞈ kʼoeˇ jaˆ yaꞈ-euˬ pyuˇ shuiˇ myawˬ gahˬ deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ naˇ haˬ-awˬ.

Yeˬlaˬmiˇ 27:21 ပူးပေါင်းရင်းမြစ်များ

2 Sahˬpaˬ 20:17

‘Nawˬ-euˬ nymˇ laꞈ kʼoeˇ kʼaˇ jaˆ-eu jeˬ hawˇ-eu, nawˬ poeˬ nawˬ bawˇ deuˬ neh kʼaˇ jeˬ hmˬ daˆ laꞈ-euˬ jeˬ dawˬ tawˆ luꞈ, tiˬ jeˬ-iˬ maˬ paˇ dzeˇ yaꞈ ni Baˬbuˇloˬ miˇ kʼahˬ-ahˇ bi yuˇ geuꞈ gʼeh jiˇ-eu aˇ nah keuˆ le tehꞈ-a.

2 Laˬsaˬbaˬ 36:18

Sahˬ paˬ kʼoeˇ gʼaˬ Uˬ duˬ tahˬ nymˇ nymˇ ma-ahˇ maˬ ehˇ, kʼoeˇ gaˇ jaˆ-eu pyuˇ shuiˇ myawˬ gahˬ deuˬ-ahˇ maˬ ehˇ, Yuˇdaˆ sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ pyuˇ shuiˇ myawˬ gahˬ deuˬ-ahˇ maˬ ehˇ, goˬ doe jiˇ-awˇ, yawˬ jeˬ na luꞈ Baˬbuˇloˬ miˇ kʼahˬ-ahˇ yuˇ kʼoꞈ gʼeh jiˇ-euˬ meh.

Eˇzaˬlaˬ 1:11

Sheˬshaˆbaˬzaˬ hawˇ-eu Yuˇdaˆ tsawˇ haˬ tiˬ paˆ na deuˬ Baˬbuˇloˬ meuˬ-ahˇ neh Yeˬluˇsaˬlehˬ meuˬ-ahˇ gʼoꞈ leˇ ngeh, aˬ yawꞈ neh yuˇ kʼoꞈ gʼeh-euˬ shuiˇ hawˇ-eu pyuˇ neh jahˇ taˬ-euˬ naˬ bo kʼmˬ maˬ deuˬ hawˇ-eu nui jeˬ dawˬ tawˆ luꞈ, ngaˬ heˇ oeˬ yaˇ hmˬ byah-eu meh.

Eˇzaˬlaˬ 1:7

Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ jaˆ luꞈ gaˇ sahˬ paˬ Neˬbuˬkaˬneˬzaˬ neh yuˇ kʼoꞈ laꞈ-awˇ, aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ laꞈ kʼoeˇ bi jaˆ-euˬ naˬ bo deuˬ hawˇ-eu kʼmˬ maˬ deuˬ, sahˬ paˬ Guˇluˆ neh aˬ yawꞈ maꞈ-ahˇ paˇ biꞈ kʼoꞈ nehˬ-euˬ meh.

Iˇsaˬyaˇ 39:6

“Sahˬpaˬ Miˬyehˇ heu loꞈ-ehˇ ehˇ-eu meh. Nawˇ jawˇ-eu sahˬ paˬ-euˬ nymˇ-ahˇ kʼaˇ jaˆ-eu jeˬ dawˬ tawˆ luꞈ, nawˬ-euˬ aˬ poeˬ aˬ bawˇ deuˬ neh iˬ nah keuˆ ni kʼaˇ jeˬ hmˬ taˬ-euˬ jeˬ dawˬ tawˆ luꞈ, tiˬ hmˬ-iˬ maˬ bi dzeˇ yaꞈ ni, Baˬbuˇloˬ miˇ kʼahˬ-ahˇ bi baꞈ gʼeh jiˇ-eu aˇ nah keuˆ le tehꞈ-a.

Yeˬlaˬmiˇ 20:5

Meuˬ heu meuˬ laꞈ kʼoeˇ kʼaˇ jaˆ-eu aˬ yawꞈ maꞈ-euˬ pyuˇ shuiˇ myawˬ gahˬ dawˬ tawˆ luꞈ hawˇ-eu, Yuˇdaˆ sahˬ paˬ deuˬ-euˬ pyuˇ shuiˇ dawˬ tawˆ luꞈ kʼawꞈ, muiˇ-eu deuˬ neh bi yuˇ geuꞈ jiˇ-awˇ, yawˬ jeˬ na luꞈ Baˬbuˇloˬ miˇ kʼahˬ-ahˇ bi yuˇ gʼeh jiˇ gaˇ keuˆ tehꞈ-a.

Yeˬlaˬmiˇ 27:22

Pyuˇ shuiˇ myawˬ gahˬ kʼoeˇ deuˬ Baˬbuˇloˬ miˇ kʼahˬ-ahˇ bi yuˇ daˆ leꞈ-awˇ, ngaˇ myaˆ maˬ haw cawˬ kʼoeˇ keuˆ ni, kʼoeˇ gaˇ jaˆ tehꞈ-a. Kʼoeˇ naˇ, pyuˇ shuiˇ myawˬ gahˬ kʼoeˇ deuˬ-ahˇ ngaˇ yuˇ kʼoꞈ leꞈ-awˇ, jawˇ duˬ heu tsahˇ-ahˇ paˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 1:10

Yawꞈ-euˬ pyuˇ shuiˇ myawˬ gahˬ kʼoeˇ taˆ, muiˇ-eu deuˬ aˬ laꞈ cawˬ leꞈ-awˇ, lawˇ ciꞈ zaˬ maˬ ya le-a lehˇ, Sahˬpaˬ Miˬyehˇ daˇ tsehˆ taˬ-euˬ, muiˬ-eu shawˇ-eu jawˇ duˬ laꞈ kʼoeˇ, aˬ cawˬ tsawˇ jeuˬ deuˬ le uˇ gaˇ, aˬ yawꞈ myaˆ nuiˆ ya mawˇ-euˬ meh.