Yeˬlaˬmiˇ 26:9 - Akha

⁹ “Nawˇ-aˬ, ya bi diˬ sehꞈ gaˇ keuˆ-eu ngaˇ. Uˬ duˬ tahˬ nymˇ nymˇ ma heu Shiˇloˬ meuˬ loꞈ-ehˇ ya pyeuꞈ-iˇ-awˇ, meuˬ heu meuˬ tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ gaˇ keuˆ ni bi laˆ cawˆ tehꞈ-a lehˇ, Sahˬpaˬ Miˬyehˇ -euˬ tsawˇ myahˇ uˬ moˆ aˬ jeˬ miˇ neh nawˇ dawˬ ngehˬ te” lehˇ guˇ-eu meh. Kʼoeˇ naˇ, tsawˇ haˬ dawˬ tawˆ luꞈ, ngaˬ-euˬ dawˬ peh ga uiˬ laˇ-euˬ meh.

Yeˬlaˬmiˇ 26:9 ပူးပေါင်းရင်းမြစ်များ

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

Iˇsaˬyaˇ 29:21

Yaw haiˬ deuˬ buˬ-iˇ ni ja piˇ-awˇ, tsawˇ muiˬ yaw doeˇ oꞈ ni ngehˬ-eu tsawˇ haˬ, Miˬyehˇ laˆ cawˆ nehˬ gaˇ ya daˬ tehꞈ-a.

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.

Yeˬlaˬmiˇ 33:10

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-aˬ, kʼaˇ shuiꞈ deh ga-ahˇ duˇ-awˇ, tsawˇ haˬ hawˇ-eu jeˬ zaˬ jawˇ zaˇ maˬ mawˇ nga lehˇ aˬ cawˬ ehˇ tehꞈ-a. Aˬ yawꞈ maꞈ ehˇ-eu tsaˬ meh. Yuˇdaˆ miˇ kʼahˬ-ahˇ jaˆ-eu meuˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ, tsawˇ haˬ hawˇ-eu jeˬ zaˬ maˬ jawˇ ni ciˬ cuˇ ni jaˆ-eu meh. Ehˇ kʼawꞈ, jawˇ duˬ heu tsahˇ laꞈ kʼoeˇ lawꞈ gʼa luꞈ-eu teˇ saˇ-ahˇ nawˇ paˇ ya gaˬ poˆ tehꞈ-a.

Yeˬlaˬmiˇ 36:29

Yuˇdaˆ sahˬ paˬ Yeˬhawˇyaˬkmˬ-ahˇ kʼawꞈ heu loꞈ-ehˇ ehˇ nehˬ-awˬ. “Sahˬ boꞈ paˇ yoˆ kʼoeˇ yoˆ-ahˇ nawˇ miˬ dzaˬ-ahˇ dawˆ puiˆ-awˇ, ‘Baˬbuˇloˬ sahˬ paˬ miˇ kʼahˬ heu kʼahˬ-ahˇ laˆ cawˆ le-awˇ, tsawˇ haˬ hawˇ-eu jeˬ zaˬ-ahˇ sehꞈ tehꞈ-a’ lehˇ aˬ jeˬ miˇ neh boꞈ te lehˇ, Yeˬlaˬmiˇ-ahˇ nawˇ naˇ haˬ-euˬ meh.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Ngoeˇ dawˬ 4:13

Kʼoeˇ gaˇ uˇ keuˆ leˇ nya-euˬ-aˬ, bawˇ lawˇ peh hawˇ-eu piˇ ma deuˬ, tsawˇ muiˬ deuˬ-ahˇ sehꞈ-eu laꞈ kʼoeˇ, iˬ baˇ mˇ-euˬ baˬ da neh meh.

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Miˇkaˬ 2:6

Ngaˬ neh ehˇ-euˬ dawˬ-ahˇ gaˬ-euˬ deuˬ ngaˬ-ahˇ dawˬ mehˬ mehˬ laˇ-awˇ ehˇ-eu, “Nga maꞈ-ahˇ dawˬ mehˬ taˬ mehˬ. Gaˇ kawˆ heu deuˬ maˬ mehˬ ni jawˇ-awˬ. Nga maꞈ daˬ ga ni Miˬyehˇ maˬ mˇ-aˇ.

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Maꞈtehˬ 27:20

Baˬlaˬbaˇ-ahˇ pyehˬ-awˇ Yeˬsuˇ-ahˇ sehꞈ ni sahˬ paˬ Piˇlaˆ-ahˇ shaˇ-eu gʼaˇ duˬ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ neh tsawˇ haˬ aˇ maꞈ-ahˇ mehˬ gahˇ taˬ-euˬ meh.

Maˬkuˆ 15:11

Ehˇ kʼawꞈ, Baˬlaˬbaˇ-ahˇ bi pyehˬ ni sahˬ paˬ Piˇlaˆ-ahˇ shaˇ-eu gʼaˇ duˬ, tsawˇ haˬ aˇ maꞈ-ahˇ piˇ ma aˬ yuiꞈ deuˬ neh mehˬ gahˇ taˬ-euˬ meh.

Yoˇhaˬ 8:20

Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 21:30

Meuˬ meuˬ lah-ehˇ luiˬ gʼa laˇ-awˇ, baˬ maꞈ puˇ jeˬ-ehˇ cehˆ gʼeh laꞈ-awˇ, Pawˇluˆ-ahˇ tsuˆ tehˬ-awˇ Uˬ duˬ tahˬ nymˇ nymˇ ma laꞈ nyiˇ gʼeu doˆ leꞈ-euˬ meh. Uˬ duˬ tahˬ nymˇ nymˇ ma-euˬ laˇ gʼoˆ deuˬ tiˬ poˆ tehꞈ-ehˇ piˬ tehˬ-euˬ meh.

Gʼaˬkʼehˇ 22:22

Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Gʼaˬkʼehˇ 3:11

Sawˇlaˬmoˬ-euˬ guiˇ ga ceuˬ lehˇ kuˇ-eu tsahˇ-ahˇ, tsawˇ haˬ kʼoeˇ gʼaˬ Beˬtuˆluˆ hawˇ-eu Yoˇhaˬ-ahˇ gʼeu tehˬ-awˇ jawˇ ngeh, aˬ cawˬ zahˬ leˇ-awˇ cehˆ gʼeh laꞈ-euˬ meh.

Gʼaˬkʼehˇ 5:12

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ, tsawˇ haˬ gʼawˬ mya ni-ahˇ gʼaˬ kʼehˇ deuˬ mˇ mehˬ-euˬ meh. Jah-eu tsawˇ haˬ dawˬ tawˆ luꞈ, Sawˇlaˬmoˬ-euˬ Guiˇ ga ceuˬ lehˇ kuˇ-eu jawˇ duˬ-ahˇ uiˬ leˇ-euˬ meh.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Gʼaˬkʼehˇ 6:14

Naˬzaˬlehˇ tsawˇ haˬ Yeˬsuˇ heu gʼaˬ, Uˬ duˬ tahˬ nymˇ nymˇ ma heu laˆ cawˆ-awˇ, Moˇseˬ neh biꞈ laꞈ-awˇ tawˬ ka leꞈ-euˬ zahˇ sahˇ kʼoꞈ dawˬ tawˆ luꞈ laˆ paˇ jiˇ tehꞈ-a lehˇ, tsawˇ haˬ heu gʼaˬ ehˇ-eu nga maꞈ gaˬ-euˬ ma.”

Yawˇshuˆ 18:1

Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh.