Yeˬlaˬmiˇ 26:23 - Akha

²³ Aˬ yawꞈ maꞈ aˬ yawꞈ-ahˇ sahˬ paˬ Yeˬhawˇyaˬkmˬ jawˇ gaˇ nyehꞈ kʼoꞈ laꞈ-awˇ, Yeˬhawˇyaˬkmˬ neh aˬ yawꞈ-ahˇ sehꞈ-awˇ, miˇ kʼahˬ zaˬ-euˬ lmˬ bymˇ-ahˇ baꞈ dzeh nehˬ-euˬ meh.)

Yeˬlaˬmiˇ 26:23 ပူးပေါင်းရင်းမြစ်များ

2 Sahˬpaˬ 23:37

Yeˬhawˇyaˬkmˬ-aˬ, aˬ yawꞈ-euˬ aˬ poeˬ aˬ bawˇ deuˬ-ahˇ dzaw geuꞈ-awˇ, Sahˬpaˬ Miˬyehˇ mehˬ shi iˬ baˇ mˇ-euˬ meh.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 22:19

Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yeˬlaˬmiˇ 36:30

Kʼoeˇ miˇ neh, sahˬ paˬ Yeˬhawˇyaˬkmˬ-oˇ, Sahˬpaˬ Miˬyehˇ pyeuꞈ-eu ngaˇ nymˬ-mˇ heu loꞈ-ehˇ ehˇ-eu ma. Nawˬ-euˬ zaˬ nawˬ-euˬ uˆ deuˬ laꞈ kʼoeˇ, Daˬbiˇ-euˬ miˇ kʼahˬ heu kʼoeˇ taˆ uˆ lahˇ-eu tiˬ gʼaˬ-iˬ maˬ paˇ bi doˆ laˇ ma. Nah gʼahˇ paw nahˇ tsaˇ kʼaˆ-awˇ uˬ ciꞈ paw ceuˬ ga gaˇ, nawˬ-ahˇ yaw shiˇ-ehˇ baꞈ dzeh-awˇ bi ga tehꞈ-a.

Yeˬsaˬgeˬlaˇ 19:6

Aˬ yawꞈ huiˬ loꞈ loˆ loꞈ laˇ ngeh, jaˬ shiˇ baˬ maꞈ nehˬ-ehˇ gaˆ-awˇ, jeˬ zaˬ kawꞈ sehꞈ-eu dzaw bym ngeh, tsawˇ haˬ paˇ kawꞈ sehꞈ dzaˬ-euˬ meh.

Maꞈtehˬ 14:10

Aˬ yawꞈ tsawˇ haˬ kʼehˇ gʼeh-awˇ, tawˬ laꞈ kʼoeˇ uˇ luꞈ-eu Yoˇhaˬ-euˬ uˬ duˬ bi deuˆ tsehˆ laˬ-iˇ-euˬ meh.

1 Teˇsaˬloˇni 2:15

Yuˇdaˆ tsawˇ haˬ kʼoeˇ deuˬ-aˬ, Sahˬpaˬ Yeˬsuˇ hawˇ-eu Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ sehꞈ-awˇ, nga maꞈ-ahˇ kʼawꞈ kʼehˬ nehˬ kʼaˆ nehˬ laꞈ-euˬ meh. Aˬ yawꞈ maꞈ-aˬ, Miˬyehˇ nui ma pehˇ dui dui-eu jeˬ mˇ-awˇ, tsawˇ haˬ yawˬ gʼaˬ na luꞈ-ahˇ muiˇ-eu meh.

HeˬByehˇ 11:37

Kʼaˬ lo neh bi biˬ sehꞈ-euˬ meh. Yehˬ ma neh bi yehˬ tsehˆ-euˬ meh. Mi cehˇ neh bi deuˆ sehꞈ-euˬ meh. Yawˇ baˆ kʼoˆ hawˇ-eu ciꞈ myehꞈ baˆ kʼoˆ dm dm-ehˇ cah-euˬ meh. Shaˬ dui dui-awˇ, kʼehˬ dui kʼaˆ dui bi dui-euˬ uˬ taꞈ, kʼaˇ gʼeh mawꞈ-eu jeˬ bi gʼeh-euˬ meh.

Panmaeq 11:7

Aˬ yawꞈ nyaꞈ Miˬyehˇ dawˬ kawˬ mehˬ gʼaˬ ngeh, yaw li maˬ baw-eu duˬ kʼahˬ-ahˇ doˆ laˇ-euˬ haiˬ-eu jeˬ zaˬ kʼoeˇ mawˇ aˬ yawꞈ nyaꞈ-ahˇ guiˇ deuˆ tehꞈ-a.