Yeˬlaˬmiˇ 26:14 - Akha

¹⁴ Ngaˇ tehꞈ law nmˇ-aˬ, naw maꞈ-euˬ aˬ laꞈ laꞈ kʼoeˇ jaˆ-eu ngaˇ. Naw maꞈ kʼaˇ jahˇ mawꞈ-eu jeˬ ngaˬ-ahˇ jahˇ nya tehꞈ-a.

Yeˬlaˬmiˇ 26:14 ပူးပေါင်းရင်းမြစ်များ

2 Saˬmeuˬlaˆ 15:26

Ehˇ kʼawꞈ, aˬ yawꞈ ngaˬ-ahˇ nui ma maˬ tsaˬ naˇ, aˬ yawꞈ kʼaˇ jahˇ mawꞈ-eu jeˬ jahˇ nehˬ laꞈ luꞈ-uˇ.”

2 Laˬsaˬbaˬ 24:22

Sahˬ paˬ Yawˇshaˆ-aˬ, Zaˬkaˬliˇ-euˬ aˬ da Yeˬhawˇyaˬdaˬ neh aˬ yawꞈ-ahˇ ngehˬ gʼeh caw ba nehˬ-euˬ deuˬ-ahˇ maˬ noeˬ keuˆ-ehˇ Zaˬkaˬliˇ-ahˇ bi sehꞈ-euˬ meh. Zaˬkaˬliˇ shiˇ leˇ ngeh, “Naw maꞈ neh mˇ-euˬ jeˬ-ahˇ Sahˬpaˬ Miˬyehˇ mawˇ-awˇ, naw maꞈ-ahˇ kʼehˬ nehˬ kʼaˆ nehˬ luꞈ-uˇ” lehˇ ehˇ-awˇ shiˇ-euˬ meh.

Iˇsaˬtaˆ 3:11

Haˬmaˬ-ahˇ aˬ yawꞈ ehˇ nehˬ-eu. “Tsawˇ haˬ kʼoeˇ deuˬ hawˇ-eu aˬ yawꞈ maꞈ-euˬ pyuˇ-aˬ, nawˬ-euˬ meh. Aˬ yawꞈ maꞈ-ahˇ nawˇ kʼaˇ jahˇ nehˬ mawꞈ-eu loꞈ-ehˇ jahˇ nehˬ-awˬ.”

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yeˬlaˬmiˇ 38:5

Kʼoeˇ ngeh, sahˬ paˬ Zeˬdaˬkiˇ ehˇ-eu, “Muiˬ tehꞈ-a. Naw maꞈ aˬ yawꞈ-ahˇ kʼaˇ jahˇ nehˬ mawꞈ-eu loꞈ-ehˇ jahˇ nehˬ-awˬ. Ngaˇ naw maꞈ-ahˇ aˬ joˆ-ehˇ paˇ laˆ tsoeˬ nya nmˇ.”

Daˬyeˬlaˇ 3:16

Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ heu loꞈ-ehˇ ehˇ-eu meh. “Sahˬ paˬ-oˇ, gaˇ kawˆ heu-ahˇ taꞈ leˇ-awˇ, nawˬ-ahˇ nga maꞈ dawˬ poˆ maˬ paˇ poˆ ma.

Yawˇshuˆ 9:25

Nymˬ-mˇ naw maꞈ-euˬ baoˬ uˬ moˆ nga maꞈ jawˇ luꞈ-eu ma. Naw maꞈ neh tsaˬ meh lehˇ kʼaˇ noeˬ-euˬ loꞈ-ehˇ nga maꞈ-ahˇ jahˇ nehˬ laꞈ-awˬ.”