Yeˬlaˬmiˇ 25:9 - Akha

⁹ Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 25:9 ပူးပေါင်းရင်းမြစ်များ

2 Sahˬpaˬ 24:2

Sahˬpaˬ Miˬyehˇ neh aˬ yawꞈ-euˬ zaˬ kʼaˆ pyeuꞈ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-awˇ ehˇ taˬ-euˬ loꞈ-ehˇ, Yuˇdaˆ miˇ kʼahˬ-ahˇ bi laˆ cawˆ-eu gʼaˇ duˬ, Baˬbuˇloˬ guiˇ maꞈ, Suˇliˆ guiˇ maꞈ, Mawˇbaˆ guiˇ maꞈ, Aˬmoˬ guiˇ maꞈ heu deuˬ-ahˇ, Yeˬhawˇyaˬkmˬ jawˇ gaˇ pyehˬ gʼeh leꞈ-euˬ meh.

2 Laˬsaˬbaˬ 29:8

Kʼoeˇ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ Sahˬpaˬ Miˬyehˇ nui ma pehˇ laˇ-awˇ, aˬ yawꞈ neh aˬ yawꞈ maꞈ-ahˇ jahˇ nehˬ-euˬ jeˬ-ahˇ tsawˇ haˬ yawˬ gʼaˬ na luꞈ tsawˬ guˆ-iˇ-euˬ meh. Gaˇ kawˆ heu naw maꞈ yaw muiˬ paˬ-ehˇ siˬ duˬ taˬ-euˬ meh.

2 Laˬsaˬbaˬ 36:21

Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ, Sahˬpaˬ Miˬyehˇ neh ehˇ taˬ-euˬ dawˬ deuˬ kʼoeˇ loꞈ-ehˇ byah laˇ-euˬ meh. “Jawˇ nah maˬ tawˬ-euˬ miˇ kʼahˬ kʼoeˇ kʼahˬ, tsawˇ haˬ maˬ jawˇ-ehˇ ciˬ cuˇ ni jaˆ-eu laꞈ kʼoeˇ, shiꞈ tseˇ kʼoꞈ jawˇ nah tawˬ-awˇ gʼaˬ naˬ ya naˬ dehˆ tehꞈ-a” lehˇ ehˇ taˬ-euˬ meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 13:3

Sahˬpaˬ Miˬyehˇ nui ma pehˇ-eu deuˬ-ahˇ kʼehˬ-eu gʼaˇ duˬ, aˬ yawꞈ nui kʼaˬ tsmˬ-awˇ jah coeˇ-eu yehˇ deuˬ-ahˇ, muiˬ-eu shawˇ-eu jeˬ gʼaˇ duˬ guiˇ deuˆ leˇ-awˬ lehˇ, aˬ yawꞈ dawˬ biꞈ-euˬ meh.

Iˇsaˬyaˇ 39:7

Nawˬ-euˬ o neh jeuˬ le o le-euˬ nawˬ-euˬ oeˬ paˬ oeˬ ma tiˬ paˆ na deuˬ kʼawꞈ, Baˬbuˇloˬ miˇ kʼahˬ-ahˇ bi nyehꞈ gʼeh-awˇ, Baˬbuˇloˬ sahˬ paˬ-euˬ nymˇ laꞈ kʼoeˇ zaˬ kʼaˆ ya geuꞈ tehꞈ-a lehˇ ehˇ-eu meh.”

Iˇsaˬyaˇ 44:28

Guˇluˆ-ahˇ ngaˇ heu loꞈ-ehˇ ehˇ nehˬ-euˬ ma. ‘Ngaˬ-euˬ gʼaˇ duˬ nawˇ dzoeˬ ya dzaˬ tehꞈ-a. Ngaˬ-euˬ nui kʼahˇ-ahˇ nawˇ mˇ byah tehꞈ-a. Yeˬluˇsaˬlehˬ meuˬ-ahˇ nawˇ paˇ bi tsoˆ muiˬ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ tehꞈ-a.’ ”

Yeˬlaˬmiˇ 1:14

Kʼoeˇ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, laꞈ taˆ paw neh shaˬ zahˬ guˆ gaˆ tahˬ kʼaˇ daˆ leꞈ tehꞈ-a.

Yeˬlaˬmiˇ 1:15

Aˬ jeˬ miˇ neh ehˇ naˇ, laꞈ taˆ paw kʼaˇ jawˇ-eu tsawˇ jeuˬ dawˬ tawˆ luꞈ-ahˇ, ngaˇ kuˇ ka-eu lehˇ gʼeh-eu ma. Yeˬluˇsaˬlehˬ meuˬ-euˬ lahˇ kʼehˬ-ahˇ maˬ ehˇ, meuˬ lahˇ jawˬ jawˬ-ehˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-euˬ meuˬ lahˇ jawˬ jawˬ-ehˇ maˬ ehˇ, tsawˇ jeuˬ kʼoeˇ deuˬ-euˬ sahˬ paˬ deuˬ nuiˇ mahˬ ciˬ tsoꞈ le tehꞈ-a.

Yeˬlaˬmiˇ 10:22

Naˇ haˬ sheˇ. Gaˇ kawˆ gaˬ keuˆ le miˇ-a. Laꞈ taˆ paw jaˆ-eu miˇ kʼahˬ tiˬ kʼahˬ-ahˇ, yaw kʼaˆ-ehˇ luiˬ gʼa luꞈ miˇ-a. Aˬ yawꞈ maꞈ-euˬ guiˇ maꞈ deuˬ-aˬ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, bawˇ tsahˬ aˬ kuiˬ jawˇ zaˇ loꞈ-ehˇ, kʼaˇ shuiꞈ shuiꞈ yaˇ laˆ pyeuꞈ tehꞈ-a.”

Yeˬlaˬmiˇ 12:14

Sahˬpaˬ Miˬyehˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ taˬ-euˬ miˇ kʼahˬ kʼoeˇ kʼahˬ laˆ cawˆ-euˬ tsawˇ haˬ deuˬ pyeuꞈ-eu, Iˇsaˬleˬlaˆ miˇ kʼahˬ dawˬ peh jawˇ-eu tsawˇ jeuˬ kʼoeˇ deuˬ-ahˇ, ngaˇ ehˇ nehˬ paˬ-ehˇ gʼeh-eu jeˬ jaˆ-eu ma. Aˇ bawˇ puˇ ngawˬ ngawˬ-eu loꞈ-ehˇ haiˬ-eu tsawˇ haˬ kʼoeˇ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh ngaˇ gʼawˇ lehˆ dzeh-awˇ, aˬ yawꞈ maꞈ-euˬ aꞈ laꞈ laꞈ kʼoeˇ neh, Yuˇdaˆ miˇ kʼahˬ-ahˇ ngaˇ ka kʼoꞈ doˆ ma.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.

Yeˬlaˬmiˇ 20:4

Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Ngaˇ nawˬ-ahˇ, yawˬ haˇ yawˬ ha ya guˆ-eu tsawˇ haˬ hawˇ-eu, nawˬ-euˬ cawˬ deuˬ ya guˆ-eu tsawˇ haˬ bi pyeuꞈ laˇ ma. Aˬ yawꞈ maꞈ dawˬ tawˆ luꞈ muiˇ-eu deuˬ-euˬ mi cehˇ kʼehˬ-ahˇ shiˇ jiˇ gaˇ nawˇ ya mawˇ tehꞈ-a. Yuˇdaˆ tsawˇ haˬ dawˬ tawˆ luꞈ-ahˇ, Baˬbuˇloˬ sahˬ paˬ-euˬ baoˬ uˬ moˆ ngaˇ bi dehꞈ ma. Tiˬ paˆ na deuˬ-ahˇ aˬ yawꞈ maꞈ-euˬ miˇ kʼahˬ-ahˇ paꞈ kʼoꞈ gʼeh-awˇ, tiˬ paˆ na deuˬ-ahˇ sehꞈ dzeh yaꞈ tehꞈ-a.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Yeˬlaˬmiˇ 25:8

“Naw maꞈ aˬ yawꞈ-euˬ ehˇ dawˬ maˬ naˇ haˬ-eu miˇ neh, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh.

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Yeˬlaˬmiˇ 35:11

Ehˇ kʼawꞈ, Baˬbuˇloˬ sahˬ paˬ Neˬbuˬkaˬneˬzaˬ miˇ kʼahˬ heu kʼahˬ-ahˇ guiˇ deuˆ ahˇ leꞈ ngeh jawˇ, Baˬbuˇloˬ guiˇ maꞈ hawˇ-eu Suˇliˆ guiˇ maꞈ deuˬ-euˬ laꞈ-ahˇ dzeuˇ-iˇ nya ni, Yeˬluˇsaˬlehˬ meuˬ-ahˇ cehˆ jawˇ laˇ-awˇ jawˇ luꞈ-eu ma.”

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Yeˬlaˬmiˇ 36:29

Yuˇdaˆ sahˬ paˬ Yeˬhawˇyaˬkmˬ-ahˇ kʼawꞈ heu loꞈ-ehˇ ehˇ nehˬ-awˬ. “Sahˬ boꞈ paˇ yoˆ kʼoeˇ yoˆ-ahˇ nawˇ miˬ dzaˬ-ahˇ dawˆ puiˆ-awˇ, ‘Baˬbuˇloˬ sahˬ paˬ miˇ kʼahˬ heu kʼahˬ-ahˇ laˆ cawˆ le-awˇ, tsawˇ haˬ hawˇ-eu jeˬ zaˬ-ahˇ sehꞈ tehꞈ-a’ lehˇ aˬ jeˬ miˇ neh boꞈ te lehˇ, Yeˬlaˬmiˇ-ahˇ nawˇ naˇ haˬ-euˬ meh.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 40:2

Guiˇ maꞈ kʼoeˇ taˆ uˆ lahˇ-eu kʼoeˇ gʼaˬ, ngaˬ-ahˇ sheuˬ ceuˆ doˆ-awˇ, heu loꞈ-ehˇ ehˇ nehˬ laꞈ-euˬ meh. “Miˇ kʼahˬ heu kʼahˬ-ahˇ laˆ cawˆ nehˬ ma lehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 43:10

Kʼoeˇ naˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Ngaˬ-euˬ zaˬ kʼaˆ Baˬbuˇloˬ sahˬ paˬ Neˬbuˬkaˬneˬzaˬ-ahˇ ngaˇ heu gaˇ sheuˬ leꞈ-awˇ, nawˬ neh baꞈ pahˬ taˬ-euˬ kʼaˬ lo heu deuˬ kʼoeˇ taˆ aˬ yawꞈ-euˬ dzoeˬ dzaˬ nuiˇ mahˬ ka tuˇ-awˇ, aˬ yawꞈ jawˇ-eu dzoeˬ dzaˬ sehˬ gʼawˆ kʼoeˇ tsahˇ nyiˬ paˆ-ehˇ gʼawˆ tehꞈ-a.

Yeˬlaˬmiˇ 46:20

Iˇjiˇtuˆ miˇ kʼahˬ-aˬ, muiˬ dui dui-eu mawˇ neˇ mawˇ ma-ahˇ duˇ leˇ kʼawꞈ, laꞈ taˆ paw neh oe-euˬ byaˬ neh bi dehˬ tehꞈ-a.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Yeˬlaˬmiˇ 8:16

Aˬ dui-ahˇ muiˇ-eu deuˬ Daˬ meuˬ-ahˇ oe keuˆ-awˇ, mahˬ deuˬ naˇ mehˇ baw-eu gaˬ le miˇ-a. Aˬ yawꞈ maꞈ-euˬ mahˬ deuˬ hiˇ gaˇ, miˇ kʼahˬ kʼahˬ lah ni guˆ-awˇ yaw dzuˬ dzuˬ-eu meh. Aˬ dui miˇ kʼahˬ hawˇ-eu kʼaˇ jaˆ-eu jeˬ dawˬ tawˆ, aˬ dui maꞈ-euˬ meuˬ deuˬ hawˇ-eu tsawˇ haˬ dawˬ tawˆ, laˆ cawˆ-eu lehˇ aˬ yawꞈ maꞈ oe-euˬ meh.”

Yeˬsaˬgeˬlaˇ 12:20

Nymˬ-mˇ tsawˇ haˬ tiˬ byah ni jawˇ luꞈ-eu meuˬ deuˬ cawˆ-iˇ-awˇ, aˬ yawꞈ maꞈ-euˬ miˇ kʼahˬ bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ duˬ tehꞈ-a.”

Yeˬsaˬgeˬlaˇ 16:40

“Nawˬ-ahˇ kʼaˬ lo bi biˬ-eu gʼaˇ duˬ tsawˇ haˬ aˇ maꞈ tiˬ maꞈ sheuˬ laꞈ-awˇ, tsawˇ haˬ kʼoeˇ deuˬ nawˬ-ahˇ deuˆ tm deuˆ tmˇ jiˇ tehꞈ-a.

Yeˬsaˬgeˬlaˇ 21:11

Mi cehˇ guiˇ nyiˬ ni siˬ taˆ-awˇ, deuˆ-eu lehˇ lehˬ hmˬ taˬ-euˬ ma. Tsawˇ haˬ sehꞈ-eu deuˬ tuˆ tehˬ ni, siˬ taˆ-awˇ lehˬ hmˬ taˬ-euˬ ma.

Yeˬsaˬgeˬlaˇ 26:7

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Sahˬ paˬ dawˬ tawˆ kʼoeˇ taˆ huiˬ-eu sahˬ paˬ pyeuꞈ-eu Baˬbuˇloˬ sahˬ paˬ Neˬbuˬkaˬneˬzaˬ-ahˇ ngaˇ sheuˬ leꞈ-awˇ, Duˇlu meuˬ-ahˇ guiˇ bi deuˆ ma. Mahˬ deuˬ, mahˬ laˆ lawˬ deuˬ hawˇ-eu, mahˬ dziˬ-eu yehˇ deuˬ ahˇ-eu guiˇ maꞈ maꞈ ma sheuˬ-awˇ, laꞈ taˆ paw kʼahˬ-ahˇ neh aˬ yawꞈ oe tehꞈ-a.

Yeˬsaˬgeˬlaˇ 36:5

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nui ma pehˇ dui dui-eu laꞈ kʼoeˇ, dawˬ peh jawˇ-eu tsawˇ jeuˬ deuˬ-ahˇ heu loꞈ-ehˇ ehˇ-eu ma. Eˬdoˬ miˇ kʼahˬ-ahˇ ngaˇ kʼaˆ kʼaˆ ni ehˇ mawꞈ-eu ma. Aˬ yawꞈ maꞈ myaˆ naˆ-eu laꞈ kʼoeˇ, ngaˬ-euˬ miˇ kʼahˬ deuˆ geuꞈ-awˇ, jeˬ zaˬ gaˆ kʼahˬ yuˇ geuꞈ-euˬ meh.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Haˬbaˬkuˆ 1:12

Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Haˬbaˬkuˆ 1:17

Za kʼoeˇ aˬ yawꞈ paˇ byuˬ kʼaˇ-awˇ, miˇ kʼahˬ tsawˇ jeuˬ dawˬ tawˆ luꞈ-ahˇ, gʼawˬ shaˬ tiˬ pawꞈ-iˬ maˬ gaˬ ni, laˆ byoˆ leꞈ-eu lehˇ gʼeh ta loˇ.

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.