Yeˬlaˬmiˇ 24:8 - Akha

⁸ “Ehˇ kʼawꞈ, Yuˇdaˆ sahˬ paˬ Zeˬdaˬkiˇ maˬ ehˇ, aˬ yawꞈ nehˬ-ehˇ sahˬ paˬ sahˬ ma geuꞈ-awˇ miˇ kʼahˬ-ahˇ uˆ lahˇ-eu deuˬ maˬ ehˇ, miˇ kʼahˬ heu kʼahˬ laꞈ kʼoeˇ kʼaˇ jawˇ yaꞈ-euˬ deuˬ hawˇ-eu, Iˇjiˇtuˆ miˇ kʼahˬ-ahˇ cehˆ jawˇ-iˇ-euˬ deuˬ maˬ ehˇ, maˬ dzaˬ nya ni doeˇ-eu siˬ guˬ aˇ siˬ loꞈ-ehˇ ngaˇ sawˇ ma.

Yeˬlaˬmiˇ 24:8 ပူးပေါင်းရင်းမြစ်များ

1 Laˬsaˬbaˬ 3:15

Yawˇshiˆ-aˬ, Yoˇhaˬnaˬ, Yeˬhawˇyaˬkmˬ, Zeˬdaˬkiˇ, Yeˬhawˇhaˆ lehˇ myahˇ-euˬ aˬ li oeˬ li jawˇ-eu meh.

Yeˬlaˬmiˇ 13:7

Joꞈ paꞈ kʼoeˇ yuˇ zaꞈ taˬ-euˬ tsahˇ-ahˇ ngaˇ iˇ keuˆ ngeh, peuˬ-iˇ-awˇ jaˆ gaˇ ya mawˇ-euˬ ma.

Yeˬlaˬmiˇ 21:10

Meuˬ heu meuˬ-ahˇ maˬ laˆ cawˆ-ehˇ maˬ taˬ lehˇ, ngaˇ noeˬ tsehˆ taˬ-euˬ ma. Meuˬ heu meuˬ Baˬbuˇloˬ sahˬ paˬ-euˬ laꞈ-ahˇ ahˇ leˇ-awˇ, miˇ tsa tuˆ ni bi keuˬ puiˆ byoˆ leꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 24:2

Kʼaˆ puˬ yaw beh puˬ-aˬ, yaw naꞈ-ehˇ myah laˇ-euˬ siˬ guˬ aˇ siˬ yaw loˆ deuˬ pyaˆ ahˇ taˬ-euˬ meh. Kʼaˆ puˬ yawˬ puˬ yawˬ-aˬ, maˬ dzaˬ nya-eu maˬ muiˬ-eu siˬ guˬ aˇ siˬ pyaˆ ahˇ taˬ-euˬ meh.

Yeˬlaˬmiˇ 24:5

“Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ heu loꞈ-ehˇ sawˇ taˬ-euˬ ma. Baˬbuˇloˬ miˇ kʼahˬ-ahˇ bi nyehꞈ doˆ gʼeh-euˬ tsawˇ haˬ deuˬ-aˬ, muiˬ-eu siˬ guˬ aˇ siˬ kʼoeˇ deuˬ-ahˇ duˇ-awˇ, aˬ yawꞈ maꞈ-ahˇ ngaˇ gʼawˬ shaˬ gaˬ-eu laꞈ kʼoeˇ ngehˬ gʼeh nehˬ ma.

Yeˬlaˬmiˇ 37:10

Baˬbuˇloˬ guiˇ maꞈ deuˬ-ahˇ nawˇ deuˆ gʼaˬ-awˇ, bi deuˆ naˇ-euˬ tsawˇ haˬ deuˬ tehꞈ-ehˇ dzeuˇ-iˇ-awˇ sehˬ gʼawˆ laꞈ kʼoeˇ ga-eu kʼawꞈ, tsawˇ haˬ kʼoeˇ deuˬ paˇ tuˇ laˇ-awˇ, meuˬ heu meuˬ meuˬ lah-ehˇ kʼawˇ zeuˇ maˬ mawˇ laˇ-ehˇ pyeuꞈ-iˇ ni keuˬ puiˆ byoˆ leꞈ tehꞈ-a lehˇ ehˇ nehˬ-awˬ.”

Yeˬlaˬmiˇ 37:17

Aˇ nah, sahˬ paˬ Zeˬdaˬkiˇ neh ngaˬ-ahˇ bi sheuˬ laˬ laˇ-awˇ, aˬ yawꞈ-euˬ hawˇ nymˇ laꞈ kʼoeˇ nga nyaꞈ yaw kaˬ tehꞈ-ehˇ, “Sahˬpaˬ Miˬyehˇ neh dawˬ biꞈ taˬ-euˬ jaˆ meh loˇ” lehˇ aˬ yawꞈ ngaˬ-ahˇ naˇ haˬ ngeh, “Jaˆ meh. Nawˬ-ahˇ aˬ cawˬ nyehꞈ-awˇ Baˬbuˇloˬ sahˬ paˬ-euˬ aˬ laꞈ laꞈ kʼoeˇ a nehˬ tehꞈ-a” lehˇ ehˇ kʼoꞈ nehˬ-euˬ ma.

Yeˬlaˬmiˇ 43:1

Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ maꞈ-ahˇ kʼaˇ bi ehˇ nehˬ laꞈ-euˬ jeˬ, tsawˇ haˬ kʼoeˇ deuˬ-ahˇ ngaˇ ehˇ nehˬ-euˬ ma.

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.