Yeˬlaˬmiˇ 24:6 - Akha

⁶ Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬlaˬmiˇ 24:6 ပူးပေါင်းရင်းမြစ်များ

Aˇ dahˬ 44:21

Sahˬ paˬ-oˇ, aˬ li kʼoeˇ li-ahˇ nawˇ ya mawˇ ni, nawˇ jawˇ gaˇ tiˬ poˆ sheuˬ laꞈ-awˬ lehˇ, ngaˬ ha mehˇ nmˇ-ahˇ nawˇ ehˇ-eu meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 12:15

Ehˇ kʼawꞈ, aˬ yawꞈ maꞈ-ahˇ gʼawˇ lehˆ gʼaˬ ngeh, gʼawˬ shaˬ paˇ gaˬ nehˬ ma. Tsawˇ jeuˬ aˬ yawꞈ jeuˬ yawꞈ-ahˇ, yawˬ ha-euˬ miˇ kʼahˬ-ahˇ ngaˇ paˇ sheuˬ kʼoꞈ ha nehˬ ma.

Yeˬlaˬmiˇ 16:15

Aˬ yawꞈ maꞈ saˇ jaˇ dzaˬ-awˇ kamˬ ngeh, ‘Iˇsaˬleˬlaˆ tsawˇ haˬ deuˬ-ahˇ laꞈ taˆ paw jaˆ-eu miˇ kʼahˬ-ahˇ neh sheuˬ doˆ nehˬ leꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ-euˬ tsawˇ myahˇ uˬ moˆ’ lehˇ ya ehˇ paˇ-awˇ, ‘Aˬ yawꞈ maꞈ-ahˇ kʼaˇ teh byaˆ nehˬ-euˬ miˇ kʼahˬ deuˬ-ahˇ neh sheuˬ doˆ nehˬ leꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ-euˬ tsawˇ myahˇ uˬ moˆ kamˬ-eu ma’ lehˇ ya ehˇ paˇ-eu aˇ nah keuˆ le tehꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ pyeuꞈ-eu aˬ yawꞈ maꞈ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 21:10

Meuˬ heu meuˬ-ahˇ maˬ laˆ cawˆ-ehˇ maˬ taˬ lehˇ, ngaˇ noeˬ tsehˆ taˬ-euˬ ma. Meuˬ heu meuˬ Baˬbuˇloˬ sahˬ paˬ-euˬ laꞈ-ahˇ ahˇ leˇ-awˇ, miˇ tsa tuˆ ni bi keuˬ puiˆ byoˆ leꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 23:3

Dzeˇ luꞈ-eu ngaˬ-euˬ tsawˇ haˬ deuˬ-ahˇ, ngaˬ neh aˬ yawꞈ maꞈ-ahˇ teh byaˆ taˬ-euˬ miˇ kʼahˬ deuˬ laꞈ kʼoeˇ neh paˇ sheuˬ kʼoꞈ doˆ laꞈ-awˇ, aˬ yawꞈ maꞈ-euˬ miˇ kʼahˬ-ahˇ paˇ bi gʼoꞈ jawˇ laˇ ma.

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yeˬlaˬmiˇ 32:37

Ngaˇ nui ma pehˇ-eu laꞈ kʼoeˇ aˬ cawˬ miˇ kʼahˬ doe ni bi jawˇ byaˆ taˬ-euˬ ngaˬ-euˬ tsawˇ haˬ heu deuˬ-ahˇ paˇ sheuˬ uiˬ-awˇ, jawˇ duˬ heu tsahˇ-ahˇ paˇ sheuˬ kʼoꞈ keuˆ nehˬ-awˇ, nui saˇ oꞈ-eu laꞈ kʼoeˇ bi dehꞈ ma.

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Yeˬlaˬmiˇ 33:7

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-ahˇ ngaˇ bi baw bi za le-awˇ, dzeuˇ laˇ ngeh loꞈ-ehˇ paˇ bi dehꞈ dzaˬ laˇ ma.

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Yeˬlaˬmiˇ 39:12

“Yeˬlaˬmiˇ-ahˇ poˆ mawˇ-iˇ-awˇ, yaw muiˬ paˬ-ehˇ bo saˆ nehˬ-awˇ, aˬ yawꞈ-ahˇ coeˬ leˇ-eu jeˬ maˬ jahˇ nehˬ ni, aˬ yawꞈ kʼaˇ geuꞈ mawꞈ-euˬ jeˬ jahˇ nehˬ-awˬ.”

Yeˬlaˬmiˇ 42:10

Sahˬpaˬ Miˬyehˇ heu loꞈ-ehˇ ehˇ-eu meh. ‘Miˇ kʼahˬ heu kʼahˬ laꞈ kʼoeˇ naw maꞈ jawˇ daˆ leꞈ mawꞈ naˇ, naw maꞈ-ahˇ ngaˇ maˬ laˆ pyaˆ ni ciˬ tuˇ nehˬ ma. Naw maꞈ-ahˇ ngaˇ maˬ gʼawˇ lehˆ ni, tsoˆ ziꞈ nehˬ ma. Naw maꞈ-ahˇ ngaˬ neh laˆ luˬ laˆ seˇ nehˬ-euˬ gaˇ ngaˇ nui ma tiˬ pawꞈ-iˬ maˬ saˇ nya.

Yeˬsaˬgeˬlaˇ 36:24

Miˇ kʼahˬ yawˬ kʼahˬ na luꞈ laꞈ kʼoeˇ naw maꞈ-ahˇ ngaˇ sheuˬ doˆ-awˇ, naw maꞈ-euˬ miˇ kʼahˬ-ahˇ sheuˬ kʼoꞈ laꞈ nehˬ ma.

Aˬmoˆ 9:14

Ngaˬ-euˬ tsawˇ jeuˬ Iˇsaˬleˬlaˆ, aˬ cawˬ miˇ kʼahˬ-ahˇ shaˬ luꞈ-eu, yawˬ ha miˇ kʼahˬ-ahˇ sheuˬ kʼoꞈ ma. Cawˆ-iˇ-euˬ meuˬ deuˬ tsoˆ muiˬ-awˇ, yawꞈ maꞈ jawˇ duˬ dah leˇ tehꞈ-a. Aˬ gaꞈ yaˇ kmˇ paˇ mˇ poˆ-awˇ, aˬ gaꞈ dzaˇ uiˇ ya dawˇ tehꞈ-a. Myawˬ kmˇ yaˇ kmˇ paˇ mˇ poˆ-awˇ, ka-eu loꞈ-ehˇ ya dzaˬ tehꞈ-a.

Dawˬmehˬ 11:12

Miˇ kʼahˬ heu kʼahˬ-ahˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ bo saˆ-awˇ, kʼoꞈ kʼoꞈ lah ni haw luꞈ pyaˆ luꞈ-eu meh.

1 Beˬtuˆluˆ 3:12

Aˬ jeˬ miˇ neh ehˇnaˇ, yaw tsaˬ yaw dawˇ tsawˇ haˬ deuˬ-ahˇ, Sahˬpaˬ Miyehˇ haw piˇ nehˬ-awˇ, shaˇ dawˬ naˇ haˬ geuꞈ nehˬ-eu meh. Ehˇ kʼawꞈ yaw haiˬ mˇ-eu deuˬ-ahˇ, aˬ yawꞈ myaˆ haw maˬ cawˬ nahˇ-a.”