Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.
Yeˬlaˬmiˇ 23:4 - Akha4 Aˬ yawꞈ maꞈ-ahˇ bi sheuˬ gʼeh-eu aˬ yuiꞈ aˬ tsu deuˬ ngaˇ tseˇ doˆ ma. Ngaˬ-euˬ tsawˇ haˬ deuˬ guˆ-eu gaˆ-eu jeˬ-ahˇ maˬ paˇ ya tahˬ puˬ-ehˇ aˬ yawꞈ maꞈ-ahˇ ngaˇ maˬ paˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.” အခန်းကိုကြည့်ပါ။ |
Yeˬlaˬmiˇ 23:4
25 ပူးပေါင်းရင်းမြစ်များ
“Ngaˬ-euˬ tsawˇ haˬ deuˬ-oˇ, taˬ guˆ. Iˇsaˬleˬlaˆ tsawˇ haˬ deuˬ-oˇ, nui ma taˬ baˬ. Naw maꞈ-ahˇ nyehꞈ daˆ gʼeh-awˇ bi jawˇ-euˬ, gaˇ mahˇ kaˬ gaˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ ka kʼoꞈ doˆ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. naw maꞈ kʼahˬ lahˇ kʼaˇ maˬ za-ehˇ, noeˬ guˆ kʼaˇ maˬ za ni ya dehꞈ tehꞈ-a.
Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.
Yaˬkoˆ-euˬ zaˬ deuˬ uˆ deuˬ hawˇ-eu ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ heu, maˬ poˆ maˬ paˇ laˇ ni bi ziꞈ ma. Aˬbyaˬhaˬ, Iˇtsaˆ hawˇ-eu Yaˬkoˆ-euˬ zaˬ deuˬ uˆ deuˬ-ahˇ bi uˆ lahˇ-eu gʼaˇ duˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ, sahˬ paˬ tiˬ gʼaˬ ngaˇ tseˇ doˆ ma. Ngaˬ-euˬ tsawˇ jeuˬ-ahˇ ngaˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma.”
Tsawˇ haˬ jeuˬ le o le-awˇ, jeˬ zaˬ myaˬ laˇ behˇ laˇ ni ngaˇ jahˇ ma. Dzeuˇ laˇ ngeh naˆ maˬ tseˇ naw maꞈ tsawˇ haˬ myaˬ-awˇ, zaˬ oeˬ sahˇ dui dui tehꞈ-a. Aˇ hu kʼaˇ jawˇ-euˬ loꞈ-ehˇ naw maꞈ-ahˇ kʼoeˇ gaˇ bi jawˇ-awˇ, aˇ hu naˆ maˬ tseˇ bi dehꞈ dzaˬ laˇ ma. Kʼoeˇ ngeh, ngaˇ Sahˬpaˬ Miˬyehˇ meh lehˇ naw maꞈ ya siˬ duˬ tehꞈ-a.
Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”
Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.
ကြော်ငြာတွေ