Yeˬlaˬmiˇ 22:18 - Akha

¹⁸ Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Yeˬlaˬmiˇ 22:18 ပူးပေါင်းရင်းမြစ်များ

2 Saˬmeuˬlaˆ 1:26

Ngaˬ-euˬ mehˇ nmˇ Yawˇnaˆshaˬ-oˇ, nawˬ-ahˇ noeˬ-eu maˬ jiˇ leˇnya. Ngaˬ-euˬ dawˬ peh nawˇ jawˇ luꞈ ngeh, ngaˇ laˬ kʼaˬ cehˇ dui dui-euˬ ma. Nawˬ neh ngaˬ-ahˇ gaˬ-euˬ kʼoeˇ-aˬ, zaˬ miˬ zaˬ gaˬ-eu naˆ maˬtseˇ, maˬ ehˇ jiˇ coeˇ ni myaˬ-eu meh.

1 Sahˬpaˬ 13:30

Tsawˇ haˬ kʼoeˇ gʼaˬ-ahˇ aˬ yawꞈ pehˬ-euˬ lmˬ bymˇ-ahˇ baꞈ pahˬ nehˬ-awˇ, aˬ yawꞈ hawˇ-eu aˬ yawꞈ-euˬ aˬ li deuˬ “Mehˇ nmˇ-oˇ” lehˇ kuˇ kuˇ-ehˇ tsawˇ ngoeˇ ngoeˇ nehˬ-euˬ meh.

2 Sahˬpaˬ 23:36

Yeˬhawˇyaˬkmˬ Yuˇdaˆ sahˬ paˬ pyeuꞈ laˇ ngeh, nyiˬ tseˇ ngaˬ kʼoꞈ kʼawˆ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ tiꞈ kʼoꞈ uˆ lahˇ-euˬ meh. Aˬ yawꞈ-euˬ aˬ ma-aˬ, Yuˇmaˬ meuˬ-ahˇ jawˇ-eu Peˬdehˇyaˬ-euˬ aˬ buˇ Zeˬbiˇdaˬ meh.

2 Sahˬpaˬ 23:6

Uˬ duˬ tahˬ nymˇ nymˇ ma laꞈ kʼoeˇ jaˆ-eu Aˬsheˇlaˬ miˬyehˇ ma-euˬ mawˇ kawˇ-ahˇ, Giˇdaˬloˬ deh kʼawꞈ-ahˇ yuˇ doˆ gʼeh-awˇ, miˬ dzaˬ dzah puiˆ dzeh-euˬ meh. Kʼoeˇ naˇ, puiˆ doˆ-euˬ kʼaˬ lehˇ kʼoeˇ-ahˇ yaw muiˬ paˬ-ehˇ paˇ tahˬ loeˇ-awˇ, miˇ kʼahˬ zaˬ deuˬ-euˬ lmˬ bymˇ-ahˇ byaˆ-euˬ meh.

2 Sahˬpaˬ 24:6

Yeˬhawˇyaˬkmˬ ziˇ jiˇ-awˇ, aˬ yawꞈ-euˬ aˬ li Yeˬhawˇyaˬciˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

1 Laˬsaˬbaˬ 3:15

Yawˇshiˆ-aˬ, Yoˇhaˬnaˬ, Yeˬhawˇyaˬkmˬ, Zeˬdaˬkiˇ, Yeˬhawˇhaˆ lehˇ myahˇ-euˬ aˬ li oeˬ li jawˇ-eu meh.

2 Laˬsaˬbaˬ 35:25

Miˬyehˇ gʼaˇ duˬ ngehˬ dah-eu Yeˬlaˬmiˇ neh, sahˬ paˬ Yawˇshiˆ shiˇ-euˬ gaˇ tsawˇ ngoeˇ ngoeˇ nehˬ-eu caˇ dawˬ tiˬ bymˇ yuˇ doˆ-euˬ meh. Aˬ yawꞈ gʼaˇ duˬ tsawˇ ngoeˇ kʼaˇ ngoeˇ ngeh, caˇ dawˬ caˇ-eu Iˇsaˬleˬlaˆ tsawˇ haˬ kʼaˬ dzeˇ zaˬ zaˬ miˬ zaˬ dawˬ tawˆ luꞈ, tsawˇ ngoeˇ caˇ dawˬ heu bymˇ caˇ-eu zahˇ pyeuꞈ-iˇ-euˬ meh. Tsawˇ ngoeˇ ngoeˇ-eu caˇ dawˬ deuˬ boꞈ ahˇ taˬ-euˬ sahˬ boꞈ laꞈ kʼoeˇ, caˇ dawˬ heu bymˇ ahˇ-eu meh.

2 Laˬsaˬbaˬ 36:5

Yeˬhawˇyaˬkmˬ-aˬ, nyiˬ tseˇ ngaˬ kʼoꞈ kʼawˆ ngeh Yuˇdaˆ miˇ kʼahˬ-euˬ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ tiꞈ kʼoꞈ uˆ lahˇ-euˬ meh. Aˬ yawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 16:6

Miˇ kʼahˬ heu kʼahˬ laꞈ kʼoeˇ jawˇ-eu smˇ muiˬ iˇ shaˬ dawˬ tawˆ luꞈ ya shiˇ-awˇ, baꞈ pahˬ nehˬ-eu gʼaˬ maˬ jawˇ-ehˇ, tsawˇ ngoeˇ ngoeˇ nehˬ-eu gʼaˬ kʼawꞈ maˬ jawˇ ni pyeuꞈ-iˇ tehꞈ-a. Yawˬ ha-euˬ gʼawˇ mawˇ laˆ tahˬ laˆ naˇ-eu jeˬ mˇ-eu laꞈ kʼoeˇ maˬ ehˇ, uˬ duˬ jehˆ dzeh-eu laꞈ kʼoeˇ maˬ ehˇ, noeˬ shaˬ dui dui-eu gaˇ kawˆ bi siˬ bi mawˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Yeˬlaˬmiˇ 21:11

Kʼoeˇ uˬ taꞈ, Yuˇdaˆ sahˬ paˬ-euˬ nymˇ-ahˇ heu loꞈ-ehˇ ehˇ nehˬ-awˬ lehˇ, Sahˬpaˬ Miˬyehˇ ngaˬ-ahˇ ehˇ-eu meh. “Sahˬpaˬ Miˬyehˇ ehˇ gaˇ naˇ haˬ-awˬ.

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 22:12

Aˬ cawˬ neh aˬ yawꞈ-ahˇ nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ ziˇ ya dehꞈ jiˇ-awˇ, miˇ kʼahˬ heu kʼahˬ-ahˇ aˬ yawꞈ tiˬ jawˇ-iˬ maˬ paˇ ya mawˇ meh.”

Yeˬlaˬmiˇ 34:5

Nawˇ ciˬ cuˇ ni ziˇ ya dehꞈ jiˇ-awˇ, nawˬ-euˬ mehˬ hu sahˬ paˬ geuꞈ dzeuˇ yaꞈ-euˬ nawˬ-euˬ aˬ poeˬ aˬ bawˇ deuˬ-ahˇ baꞈ pahˬ ngeh tsiˇ yaw saw jeˬ doꞈ nehˬ-euˬ loꞈ-ehˇ, nawˬ-ahˇ baꞈ pahˬ ngeh kʼawꞈ, tsiˇ yaw saw jeˬ doꞈ nehˬ laꞈ tehꞈ-a. Nga maꞈ-euˬ sahˬ paˬ ziˇ jiˇ-euˬ ngaˇ lehˇ aˬ cawˬ nawˬ-euˬ gʼaˇ duˬ tsawˇ ngoeˇ ngoeˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 36:30

Kʼoeˇ miˇ neh, sahˬ paˬ Yeˬhawˇyaˬkmˬ-oˇ, Sahˬpaˬ Miˬyehˇ pyeuꞈ-eu ngaˇ nymˬ-mˇ heu loꞈ-ehˇ ehˇ-eu ma. Nawˬ-euˬ zaˬ nawˬ-euˬ uˆ deuˬ laꞈ kʼoeˇ, Daˬbiˇ-euˬ miˇ kʼahˬ heu kʼoeˇ taˆ uˆ lahˇ-eu tiˬ gʼaˬ-iˬ maˬ paˇ bi doˆ laˇ ma. Nah gʼahˇ paw nahˇ tsaˇ kʼaˆ-awˇ uˬ ciꞈ paw ceuˬ ga gaˇ, nawˬ-ahˇ yaw shiˇ-ehˇ baꞈ dzeh-awˇ bi ga tehꞈ-a.