Yeˬlaˬmiˇ 22:13 - Akha

¹³ Maˬ tsaˬ maˬ dawˇ-eu laꞈ kʼoeˇ nymˇ tsoˆ-awˇ, maˬ sui maˬ dawˇ-eu laꞈ kʼoeˇ nymˇ paˇ tsoˆ jeˇ-eu, yawˬ ha miˇ kʼahˬ zaˬ-ahˇ yawˬ ngehꞈ-ehˇ kʼehˇ dzaˬ-awˇ, gʼaˬ gaˇ aˇ poeˬ maˬ biꞈ nehˬ-eu tsawˇ haˬ, shaˬ zahˬ ya mˇ dui dui tehꞈ-a.

Yeˬlaˬmiˇ 22:13 ပူးပေါင်းရင်းမြစ်များ

2 Laˬsaˬbaˬ 36:4

Neˬkawˇ-aˬ, Yoˇaˬhaˆ-euˬ aˬ nyiˇ Eˇliˇkmˬ-ahˇ Yuˇdaˆ sahˬ paˬ ka nehˬ-awˇ, Yeˬhawˇyaˬkmˬ lehˇ tsawˇ myahˇ myahˇ paˇ nehˬ-eu meh. Yoˇaˬhaˆ gʼaˬ-ahˇ-aˬ, Neˬkawˇ neh Iˇjiˇtuˆ miˇ kʼahˬ-ahˇ nyehꞈ gʼeh-euˬ meh.

2 Laˬsaˬbaˬ 36:5

Yeˬhawˇyaˬkmˬ-aˬ, nyiˬ tseˇ ngaˬ kʼoꞈ kʼawˆ ngeh Yuˇdaˆ miˇ kʼahˬ-euˬ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ tiꞈ kʼoꞈ uˆ lahˇ-euˬ meh. Aˬ yawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Yawˇbaˆ 31:39

kʼoeˇ gaˇ mˇ za-euˬ hawˬ ngaˇ dzaˬ-awˇ, mˇ-euˬ deuˬ-ahˇ bi mehꞈ-euˬ ngeuˇ lawˬ naˇ,

Iˇsaˬyaˇ 5:8

Nymˇ tiˬ nymˇ saˇ-iˬ tiˬ nymˇ tsoˆ lahˬ-awˇ, deh yaˇ tiˬ kawˬ saˇ-iˬ tiˬ kawˬ laˆ lahˬ-eu tsawˇ haˬ, ya noeˬ shaˬ dui dui tehꞈ-a. Aˬ cawˬ jawˇ kʼaˇ maˬ za-ehˇ pyeuꞈ laˇ-awˇ, miˇ kʼahˬ heu hui ni gʼeh-eu laꞈ kʼoeˇ, jawˇ cawˬ maˬ baw ni ya shaˬ tehꞈ-a.

Yeˬlaˬmiˇ 17:11

Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Miˇkaˬ 3:10

Tsawˇ haˬ sehꞈ-eu jeˬ hawˇ-eu maˬ tsaˬ maˬ dawˇ-eu jeˬ-ahˇ dawˬ pehˬ taˬ-awˇ, Miˬyehˇ-euˬ meuˬ pyeuꞈ-eu Yeˬluˇsaˬlehˬ meuˬ-ahˇ naw maꞈ tsoˆ luꞈ meh.

Haˬbaˬkuˆ 2:12

Tsawˇ haˬ shiˬ neh meuˬ teˬ dzaˬ-awˇ, iˬ baˇ mˇ-awˇ pu tsoˆ-euˬ deuˬ, yaw kʼaˆ-ehˇ ya noeˬ shaˬ tehꞈ-a. Tsawˇ haˬ neh bawˬ toˆ toˆ-euˬ jeˬ, miˬ dzaˬ puiˆ dzeh nehˬ gaˇ duˇ-awˇ,

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Dawˬmehˬ 15:13

Aˬ yawꞈ-ahˇ nawˇ pyehˬ nehˬ ngeh, tiˬ jeˬ-iˬ maˬ biꞈ ni yawꞈ ngehꞈ-ehˇ maˬ ya bi doˆ-iˇ-a.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.