Yeˬlaˬmiˇ 22:1 - Akha

^1-2 Daˬbiˇ-euˬ dzoeˬ dzaˬ nuiˇ mahˬ-ahˇ nuiˇ-eu Yuˇdaˆ sahˬ paˬ-euˬ nymˇ-ahˇ, Sahˬpaˬ Miˬyehˇ ngaˬ-ahˇ kʼehˇ gʼeh-awˇ, kʼoeˇ gaˇ jawˇ-eu sahˬ paˬ-ahˇ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ maˬ ehˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ gaˬ leˇ-awˬ lehˇ ehˇ-eu meh.

Yeˬlaˬmiˇ 22:1 ပူးပေါင်းရင်းမြစ်များ

2 Saˬmeuˬlaˆ 12:1

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ, Sahˬpaˬ Miˬyehˇ neh Daˬbiˇ jawˇ gaˇ pyehˬ gʼeh-euˬ meh. Daˬbiˇ jawˇ gaˇ Naˬdaˬ iˇ-awˇ ehˇ-eu, “Meuˬ tiˬ meuˬ laꞈ kʼoeˇ tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, smˇ muiˬ smˇ baw pyeuꞈ-awˇ, yawˬ gʼaˬ yawˬ-aˬ, iˇ shaˬ iˇ taw pyeuꞈ-eu meh.

2 Laˬsaˬbaˬ 33:10

Maˬnaˇseˬ hawˇ-eu aˬ yawꞈ-euˬ tsawˇ haˬ deuˬ-ahˇ kʼoeˇ loꞈ-ehˇ maˬ dehꞈ-eu gʼaˇ duˬ Sahˬpaˬ Miˬyehˇ ehˇ nehˬ kʼawꞈ, aˬ yawꞈ maꞈ maˬ naˇ haˬ geuꞈ-a.

Yeˬlaˬmiˇ 21:11

Kʼoeˇ uˬ taꞈ, Yuˇdaˆ sahˬ paˬ-euˬ nymˇ-ahˇ heu loꞈ-ehˇ ehˇ nehˬ-awˬ lehˇ, Sahˬpaˬ Miˬyehˇ ngaˬ-ahˇ ehˇ-eu meh. “Sahˬpaˬ Miˬyehˇ ehˇ gaˇ naˇ haˬ-awˬ.

Yeˬlaˬmiˇ 21:14

Ehˇ kʼawꞈ, nawˬ neh mˇ-euˬ jeˬ-ahˇ geuˇ ni, nawˬ-ahˇ ngaˇ kʼehˬ nehˬ ma. Nawˬ-euˬ sahˬ paˬ jawˇ-eu nymˇ-ahˇ ngaˇ miˬ dzaˬ keuˬ puiˆ-awˇ, dzawˬ gui dzawˬ nya yawˬ jeˬ na luꞈ bi puiˆ dzaˬ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 34:2

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yuˇdaˆ sahˬ paˬ Zeˬdaˬkiˇ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-awˬ. Sahˬpaˬ Miˬyehˇ pyeuꞈ-eu ngaˇ-aˬ, Yeˬluˇsaˬlehˬ meuˬ heu-ahˇ Baˬbuˇloˬ sahˬ paˬ-euˬ aˬ laꞈ laꞈ kʼoeˇ a nehˬ-awˇ, miˬ dzaˬ bi dzah puiˆ dzeh ma.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Aˬmoˆ 7:13

Heu gaˇ Beˬdeˬlaˇ meuˬ-ahˇ Miˬyehˇ gʼaˇ duˬ ngehˬ dah ngehˬ dah-ehˇ taˬ paˇ jawˇ. Heu-aˬ, sahˬ paˬ uˬ duˬ tahˬ-eu jawˇ duˬ hawˇ-eu miˇ kʼahˬ zaˬ-euˬ uˬ duˬ tahˬ nymˇ jaˆ-eu jawˇ duˬ pyeuꞈ-eu meh.”

Maˬkuˆ 6:18

Aˬ jeˬ miˇ neh ehˇ naˇ, yawˬ ha-euˬ mehˇ nmˇ tsi tsi ni gʼeh-eu gʼaˬ-euˬ miˬ zaˬ-ahˇ sheuˬ-eu maˬ tsaˬ-a lehˇ, Yoˇhaˬ neh Heˬloˆ-ahˇ ehˇ nehˬ-euˬ meh.