Yeˬlaˬmiˇ 20:7 - Akha

⁷ Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Yeˬlaˬmiˇ 20:7 ပူးပေါင်းရင်းမြစ်များ

2 Sahˬpaˬ 2:23

Yeˬliˇkoˇ meuˬ-ahˇ neh Beˬdeˬlaˇ meuˬ-ahˇ Eˇliˇshehˇ iˇ luꞈ ngeh, gaˇ pehˇ-ahˇ meuˬ tiˬ meuˬ laꞈ kʼoeˇ neh zaˬ tiˬ deuˬ doˆ le-awˇ, “Uˬdeˬ-oˇ, heu gaˇ neh doˆ-iˇ-awˬ” lehˇ guˇ guˇ-ehˇ naˬ gʼa-eu meh.

Yawˇbaˆ 12:4

Ngaˬ-euˬ cawˬ deuˬ-ahˇ keuˆ ni nymˬ-mˇ ngaˬ-ahˇ haw haw-ehˇ uiˇ-eu meh. Ngaˇ iˬ baˇ maˬ ahˇ-eu yaw tsaˬ yaw dawˇ tsawˇ haˬ pyeuꞈ kʼawꞈ aˬ yawꞈ maꞈ ngaˬ-ahˇ uiˇ-eu meh. Ehˇ kʼawꞈ, ngaˬ-euˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ jaˆ ma.

Yawˇbaˆ 30:9

Nymˬ-mˇ aˬ yawꞈ maꞈ ngaˬ-ahˇ naˬ gʼa laˇ-eu meh. Ngaˇ-aˬ aˬ yawꞈ maꞈ-euˬ cehꞈ lehꞈ ka niˇ gʼa duˬ-ahˇ duˇ miˇ-a.

Jaceuq 119:51

Huiˬ-eu mahˇ-eu deuˬ aˬ myah luꞈ ngaˬ-ahˇ dawˬ doeˇ ngehˬ kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh.

Iˇsaˬyaˇ 8:11

Sahˬpaˬ Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, tsawˇ haˬ kʼoeˇ deuˬ kʼaˇ dehꞈ-eu loꞈ-ehˇ maˬ ya dehꞈ ni, ngaˬ-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh.

Yeˬlaˬmiˇ 15:10

Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 17:16

Ehˇ kʼawꞈ ni Sahˬpaˬ Miˬyehˇ-oˇ, aˬ yawꞈ maꞈ kʼoeˇ taˆ shaˬ zahˬ bi keuˆ le-awˬ lehˇ nawˬ-ahˇ ngaˇ maˬ shaˇ-aˬ. Aˬ yawꞈ maꞈ-ahˇ shaˬ zahˬ laˆ naꞈ nehˬ mawꞈ-eu nui ma ngaˬ-euˬ laꞈ kʼoeˇ maˬ ahˇ-eu nawˇ siˬ nya meh. Ngaˬ neh kʼaˇ ngehˬ kʼaˇ tmˇ-euˬ jeˬ dawˬ tawˆ luꞈ nawˇ siˬ nya jiˇ meh.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Yeˬlaˬmiˇ 29:26

“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.

Yeˬlaˬmiˇ 38:19

Sahˬ paˬ Zeˬdaˬkiˇ ehˇ-eu, “Baˬbuˇloˬ tsawˇ haˬ deuˬ jawˇ paw cehˆ ahˇ-iˇ-euˬ aˬ dui -euˬ miˇ kʼahˬ zaˬ deuˬ-ahˇ ngaˇ guˆ nya. Ngaˬ-ahˇ aˬ yawꞈ maꞈ-euˬ laꞈ-ahˇ a ahˇ nehˬ-awˇ bi kʼehˬ laꞈ-eu maˬ siˬ.”

Ngoeˇ dawˬ 3:14

Ngaˇ aˬ cawˬ-euˬ uiˇ duˬ pyeuꞈ-awˇ, aˬ cawˬ ngaˬ-ahˇ caˇ niˇ gʼa meh.

Yeˬsaˬgeˬlaˇ 3:14

Gʼaˬ kʼaˆ dui dui-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ oe-awˇ, aˬ yawꞈ-euˬ yaw sahˇ ngaˬ-ahˇ ciˬ gʼeh ngeh, ngaˇ nui ma naˇ-awˇ, nui ma pehˇ-euˬ ma.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Miˇkaˬ 3:8

Ehˇ kʼawꞈ, ngaˇ gʼaˬ-aˬ, Sahˬpaˬ Miˬyehˇ-euˬ yaw sahˇ hawˇ-eu baoˬ tiˬ byah ni za taˬ-awˇ, yaw tsaˬ yaw dawˇ-ahˇ siˬ nya-eu jeˬ hawˇ-eu, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ-euˬ iˬ baˇ gaˇ kawˆ ja mehˬ-eu gʼaˇ duˬ nui kʼaˬ biꞈ laꞈ taˬ-euˬ meh.

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

Gʼaˬkʼehˇ 17:18

Iˇbiˇguˇlu zahˇ mehˬ-eu saˬ laˬ deuˬ hawˇ-eu, Saˬdawˇiˇ zahˇ mehˬ-eu saˬ laˬ deuˬ kʼawꞈ, aˬ yawꞈ nehˬ-ehˇ ja sawˇ haw-euˬ meh. Aˬ yawꞈ maꞈ tiˬ paˆ na deuˬ ehˇ-eu, “Yaw gahˇ jahˇ geuꞈ-eu dawˇ ga teu gʼaˬ aˬ jeˬ ehˇ-eu nga teu.” Tiˬ paˆ na deuˬ-aˬ, “Yawˬ kʼahˬ yaw miˇ yawˬ-ahˇ-euˬ miˬ yehˇ deuˬ-euˬ gaˇ kawˆ mehˬ-eu tsawˇ haˬ ngeuˇ-eu jeˬ nga” lehˇ ehˇ-eu meh. Yeˬsuˇ-euˬ gaˇ kawˆ hawˇ-eu gʼoꞈ dehꞈ laˇ-eu jeˬ gaˇ kawˆ Pawˇluˆ dawˬ mehˬ mehˬ-eu miˇ neh, aˬ yawꞈ maꞈ kʼoeˇ loꞈ-ehˇ ehˇ-eu meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

1 Gawˇliˬtu 9:6

Maˬ ngeuˇ naˇ, Baˬnaˬbaˇ nga nyaꞈ tehꞈ-ehˇ yawˬ haˇ yawˬ ha ya poˆ dzaˬ ta loˇ.

HeˬByehˇ 11:36

Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.