Yeˬlaˬmiˇ 20:2 - Akha

² ngaˬ-ahˇ diˬ-awˇ, Uˬ duˬ tahˬ nymˇ nymˇ ma-euˬ lahˇ-ahˇ jaˆ-eu Beˬyaˬmiˬ lahˇ kʼehˬ laꞈ taˆ kʼehˬ dawˬ peh shmˇ caˆ paꞈ-awˇ bi jawˇ-eu gʼaˇ duˬ aˬ yawꞈ dawˬ biꞈ-euˬ meh.

Yeˬlaˬmiˇ 20:2 ပူးပေါင်းရင်းမြစ်များ

1 Sahˬpaˬ 13:4

Dawˬ kʼoeˇ deuˬ-ahˇ sahˬ paˬ Yeˬyawˇbamˬ ya gaˬ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ laꞈ noeˇ toeˬ-awˇ, “Tsawˇ haˬ heu gʼaˬ-ahˇ nyehꞈ-awˬ” lehˇ dawˬ biꞈ-euˬ meh. Kʼoeˇ ngeh, ja pyuˬ ni sahˬ paˬ-euˬ aˬ laꞈ laꞈ shiˇ shiˇ-iˇ-awˇ, maˬ cawˬ kʼoꞈ nya ni pyeuꞈ-iˇ-euˬ meh.

1 Sahˬpaˬ 22:27

Ngaˇ tiˬ jeˬ-iˬ maˬ ca ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ tawˬ-ahˇ nyehꞈ ahˇ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-eu laꞈ kʼoeˇ bi jawˇ tawˬ-awˬ lehˇ ehˇ nehˬ lawˬ.”

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 18:23

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ aˬ myah neh ngaˇ jawˇ gaˇ neh aˬ myah doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

2 Laˬsaˬbaˬ 24:21

Zaˬkaˬliˇ-ahˇ sehꞈ-eu gʼaˇ duˬ aˬ yawꞈ maꞈ mehˬ bawˬ mˇ-awˇ, sahˬ paˬ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-euˬ pu ka, Zaˬkaˬliˇ-ahˇ kʼaˬ lo biˬ-euˬ meh.

Yawˇbaˆ 13:27

Ngaˬ-euˬ aˬ kuiˇ-ahˇ nawˇ caˆ shoˆ shoˆ-awˇ, kuiˇ toꞈ yawˬ toꞈ na luꞈ-ahˇ haw-eu uˬ taꞈ, aˬ kuiˇ pehˬ zaˇ-ahˇ kʼawꞈ pyehˆ tseˇ-eu meh.

Yawˇbaˆ 33:11

Ngaˬ-euˬ aˬ kuiˇ-ahˇ aˬ yawꞈ kuiˇ cuꞈ cuꞈ-awˇ, ngaˇ kʼaˇ luˆ-iˇ gaˇ haw tsoˆ taˬ-euˬ meh’ lehˇ nawˇ ehˇ-eu meh.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 26:10

Yuˇdaˆ miˇ kʼahˬ kʼoeˇ taˆ sahˬ paˬ sahˬ ma geuꞈ luꞈ-eu deuˬ gaˇ kawˆ kʼoeˇ ya gaˬ ngeh, sahˬ paˬ-euˬ nymˇ-ahˇ neh aˬ yawꞈ maꞈ yaw kawˇ-ehˇ doˆ le-awˇ, lahˇ kʼehˬ yaw shuiꞈ-ahˇ jaˆ-eu aˬ yawꞈ maꞈ-euˬ nuiˇ duˬ-ahˇ nuiˇ le-euˬ meh.

Yeˬlaˬmiˇ 26:8

Sahˬpaˬ Miˬyehˇ neh ngaˬ-ahˇ kʼaˇ bi ngehˬ kʼaˇ bi tmˇ laꞈ-euˬ jeˬ-ahˇ, ngaˇ ngehˬ gʼaˬ tmˇ gʼaˬ-eu nehˬ-ehˇ, aˬ yawꞈ maꞈ ngaˬ-ahˇ nyehꞈ-awˇ, heu loꞈ-ehˇ guˇ-eu meh.

Yeˬlaˬmiˇ 29:26

“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.

Yeˬlaˬmiˇ 36:26

Kʼoeˇ naˇ, ngaˇ hawˇ-eu ngaˬ neh ehˇ-euˬ dawˬ boꞈ doˆ-euˬ gʼaˬ pyeuꞈ-eu Baˬluˆ nga nyaꞈ-ahˇ bi nyehꞈ-eu gʼaˇ duˬ, sahˬ paˬ zaˬ yo Yeˬlaˬmeˬlaˇ, Aˬzaˬleˬlaˇ-euˬ aˬ li Seˬlehˇyaˬ hawˇ-eu Aˬbaˬdeˬlaˇ-euˬ aˬ li Sheˬleˬmiˇ aˬ ha smˇ gʼaˬ-ahˇ, sahˬ paˬ dawˬ biꞈ-euˬ meh. Ehˇ kʼawꞈ, Sahˬpaˬ Miˬyehˇ neh ngaˬ-ahˇ sheuˬ zaꞈ nehˬ laꞈ-euˬ meh.

Yeˬlaˬmiˇ 37:13

Ehˇ kʼawꞈ, Beˬyaˬmiˬ lahˇ kʼehˬ-ahˇ ngaˇ le keuˆ ngeh, lahˇ kʼehˬ-ahˇ loꞈ piˇ-eu yehˇ pyeuꞈ-eu Iˇliˇjaˬ lehˇ kuˇ-eu gʼaˬ, “Nawˇ Baˬbuˇloˬ tsawˇ haˬ jawˇ paw cehˆ uˇ leˇ-eu lehˇ gʼeh-eu nga” lehˇ ngaˬ-ahˇ ehˇ-eu meh. Iˇliˇjaˬ-euˬ aˬ da-aˬ, Sheˬleˬmiˇ meh. Aˬ yawꞈ-euˬ aˬ bawˇ-aˬ, Haˬnaˬniˇyaˆ meh.

Yeˬlaˬmiˇ 37:21

Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Zaˬkaˬliˇ 14:10

Laꞈ taˆ paw jaˆ-eu Geˬdaˬ meuˬ-ahˇ neh, laꞈ oˆ paw jaˆ-eu Leˬmoˬ meuˬ-ahˇ keuˆ ni, miˇ kʼahˬ kʼahˬ lah ni saˇ lehˆ ni laˆ pyeuꞈ tehꞈ-a. Yeˬluˇsaˬlehˬ meuˬ-aˬ, dawˬ peh jaˆ-eu miˇ gahˬ deuˬ kʼoeˇ taˆ goˇ ca ni jaˆ tehꞈ-a. Meuˬ-euˬ jawˇ zaˇ-aˬ, Beˬyaˬmiˬ lahˇ kʼehˬ-ahˇ neh, yaw beh lahˇ kʼehˬ tiˬ kʼehˬ jaˆ-euˬ laꞈ coeˇ lahˇ kʼehˬ-ahˇ keuˆ ni hawˇ-eu, Haˬnaˬneˬlaˇ nymˇ goˇ-ahˇ neh, sahˬ paˬ-euˬ aˬ gaꞈ dzaˇ uiˇ lehˬ duˬ-ahˇ keuˆ ni jeˇ tehꞈ-a.

Maꞈtehˬ 21:35

Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Gʼaˬkʼehˇ 4:3

Kʼoeˇ miˇ neh, aˬ yawꞈ nyaꞈ-ahˇ nyehꞈ-awˇ, kʼoeˇ ngeh nah uˬ ciꞈ ciꞈ le shaw-iˬ-eu miˇ neh. yawˬ nah yawˬ-ahˇ keuˆ ni paꞈ kuˆ-ahˇ dawˆ-euˬ meh.

Gʼaˬkʼehˇ 5:18

Aˬ yawꞈ maꞈ gʼaˬ kʼehˇ deuˬ-ahˇ nyehꞈ-awˇ, miˇ kʼahˬ zaˬ-euˬ tawˬ-ahˇ dawˆ-euˬ meh.

Gʼaˬkʼehˇ 5:40

Gʼaˬ kʼehˇ deuˬ-ahˇ laꞈ kʼoeˇ paˇ kuˇ ahˇ-awˇ, yahˬ caˆ neh juiꞈ-awˇ, Yeˬsuˇ-euˬ tsawˇ myahˇ uˬ moˆ maˬ ngehˬ maˬ tmˇ-eu gʼaˇ duˬ yaw kʼaˆ kʼaˆ-ehˇ mehˬ-awˇ pyehˬ nehˬ-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Panmaeq 17:6

Zaˬ miˬ zaˬ kʼoeˇ gʼaˬ-aˬ, Miˬyehˇ-euˬ tsawˇ haˬ deuˬ-euˬ shiˬ hawˇ-eu, Yeˬsuˇ-ahˇ saˇ jaˇ ziꞈ-eu miˇ neh bi sehꞈ-euˬ tsawˇ haˬ deuˬ-euˬ shiˬ dawˇ yehꞈ taˬ-euˬ gaˇ ya mawˇ-euˬ ma. Zaˬ miˬ zaˬ kʼoeˇ gʼaˬ-ahˇ ya mawˇ ngeh, ngaˇ zahˬ leˇ-euˬ ma.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.