Yeˬlaˬmiˇ 20:11 - Akha

¹¹ Ehˇ kʼawꞈ, baoˬ huiˬ-awˇ gʼaˬ kʼaˆ-eu Sahˬpaˬ Miˬyehˇ nawˇ-aˬ, ngaˇ jawˇ paw pyawˬ luꞈ-eu miˇ neh, ngaˬ-ahˇ kʼehˬ-eu tsawˇ haˬ deuˬ sahˬ tiꞈ tiꞈ coˬ-awˇ, ngaˬ-ahˇ maˬ gʼaˬ laˇ ni smˬ-iˇ tehꞈ-a. Aˬ yawꞈ maꞈ smˬ-iˇ-euˬ miˇ neh, mˬ maˬ maˬ byaˆ zaˇ ziˇ ya shaꞈ dawˇ-awˇ, maˬ ngehˇ leˇ coeˇ gaˇ keuˆ tsawˇ myahˇ ya cawˆ tehꞈ-a.

Yeˬlaˬmiˇ 20:11 ပူးပေါင်းရင်းမြစ်များ

Jaceuq 129:2

Ngaˇ nyiˇ ngeh neh muiˇ-eu deuˬ ngaˬ-ahˇ kʼehˬ dui kʼaˆ dui dui nehˬ laꞈ-euˬ meh. Ehˇ kʼawꞈ, ngaˬ-ahˇ maˬ gʼaˬ laˇ-a.

Jaceuq 35:26

Ngaˇshaˬgaˇlaˬkʼaˬcehˇ-eu deuˬ, daˬga-awˇshaˬzahˬnaꞈluꞈ-uˇ. Ngaˬ-ahˇjahˇgʼeh haw-eu kʼoeˇdeuˬ, shaꞈdawˇ-eu jeˬ ya dm luꞈ-uˇ.

Jaceuq 40:14

Ngaˬ-euˬuˬkʼawˇpoˆ-eu kʼoeˇdeuˬ, daˬya ga-awˇ zahˬleˇluꞈ-uˇ. Ngaˇshaˬgaˇnui kʼahˇshiˇ-eu deuˬ, ya shaꞈdawˇ-awˇzeuˆpyawˇluꞈ-uˇ.

Jaceuq 47:2

Huiˬ dui mahˇ dui dui-eu gʼaˬ pyeuꞈ-eu Sahˬpaˬ Miˬyehˇ-aˬ, guˆ paˬ-ehˇ gʼeh-eu tiˬ gʼaˬ meh. Aˬ yawꞈ-aˬ, miˇ kʼahˬ dawˬ tawˆ luꞈ kʼoeˇ taˆ uˆ lahˇ-eu huiˬ-eu sahˬ paˬ meh.

Jaceuq 6:10

Ngaˬ-ahˇkʼaˇmuiˇ-eu deuˬdawˬtawˆ, shaꞈdawˇ-awˇ, daˬya ga tehꞈ-a. Myaˆnuiˆkʼoˆtehˆ tiˬtehˆlaꞈkʼoeˇ, bi teh byoˆjiˇgaˇkeuˆtehꞈ-a.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 45:16

Tahˬ pahˬ aˬ ma mawˇ kawˇ tehˆ-eu tsawˇ haˬ deuˬ, ya shaꞈ dawˇ tehꞈ-a. Aˬ yawꞈ maꞈ dawˬ tawˆ luꞈ daˬ ga tehꞈ-a.

Yeˬlaˬmiˇ 1:18

Iˬ nah ngaˇ nawˬ-ahˇ ziꞈ dah ni gʼeh-eu meuˬ tiˬ meuˬ bi pyeuꞈ laˇ-eu ma. Yuˇdaˆ sahˬ paˬ deuˬ-ahˇ maˬ ehˇ, aˬ yawꞈ maꞈ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, piˇ ma deuˬ-ahˇ maˬ ehˇ, miˇ kʼahˬ zaˬ deuˬ-ahˇ maˬ ehˇ, miˇ kʼahˬ tiˬ kʼahˬ kʼahˬ lah ni-ahˇ nawˇ yawꞈ daˬ peuˬ ni, shmˇ kʼawˇ zeuˇ hawˇ-eu guiˬ shuiˇ kaˇ pyawˇ loꞈ-ehˇ nawˬ-ahˇ ngaˇ ziꞈ dah ni bi pyeuꞈ laˇ ma.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 1:8

Ngaˇ nawˬ nehˬ-ehˇ jawˇ-awˇ haw piˇ nehˬ-eu miˇ neh, aˬ yawꞈ maꞈ-ahˇ nawˇ taˬ guˆ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 15:15

Kʼoeˇ ngeh, ngaˇ heu loꞈ-ehˇ ehˇ-euˬ ma. “Sahˬpaˬ Miˬyehˇ-oˇ, nawˇ siˬ nya luꞈ meh. Ngaˬ-ahˇ noeˬ keuˆ-awˇ caw ba nehˬ laꞈ-awˬ. Ngaˬ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ deuˬ kʼoeˇ taˆ, laꞈ poˆ bi poˆ kʼoꞈ nehˬ laꞈ-awˬ. Ngaˬ-ahˇ bi sehꞈ laˇ gaˇ keuˆ ni, aˬ yawꞈ maꞈ-ahˇ nawˇ taˬ oˇ oꞈ nehˬ. Nawˬ-euˬ gʼaˇ duˬ ngaˇ dawˬ doeˇ ya daˬ luꞈ gaˇ taˬ ngehˇ nehˬ laꞈ.

Yeˬlaˬmiˇ 15:20

Aˬ yawꞈ maꞈ-euˬ mehˬ shi, maˇ jawˆ ni gʼeh-eu guiˬ shuiˇ neh maˇ taˬ-euˬ meuˬ meuˬ lahˇ loꞈ-ehˇ nawˇ ziꞈ tehꞈ-a. Aˬ yawꞈ maꞈ nawˬ-ahˇ guiˇ deuˆ kʼawꞈ, nawˬ-ahˇ maˬ gʼaˬ laˇ-aˇ. Nawˬ nehˬ-ehˇ ngaˇ jawˇ-awˇ, nawˬ-ahˇ haw teˬ haw piˇ nehˬ ma.

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.

Yeˬlaˬmiˇ 22:22

Naw maꞈ-euˬ aˬ yuiꞈ aˬ tsu deuˬ, jaˬ lehˇ neh bi baw byoˆ jiˇ-awˇ, naw maꞈ-ahˇ nui ma gm-euˬ deuˬ, guiˇ deuˆ gaˇ bi nyehꞈ mi tehꞈ-a. Naw maꞈ neh mˇ-euˬ yaw haiˬ jeˬ baˬ da, naw maꞈ-euˬ meuˬ daˬ ga-awˇ ya shaꞈ dawˇ tehꞈ-a.

Yeˬlaˬmiˇ 23:40

tiˬ jawˇ-iˬ maˬ ngehˇ leˇ coeˇ-eu mˬ maˬ maˬ byaˆ zaˇ ziˇ daˬ ga-awˇ ya shaꞈ dawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma lehˇ ehˇ nehˬ-awˬ.”

Yeˬlaˬmiˇ 32:18

Tsawˇ haˬ aˇ heˇ aˇ muiˇ gʼaˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ maˬ tsehˆ leˇ ni nawˇ bi mawˇ-euˬ meh. Ehˇ kʼawꞈ, aˬ ma aˬ da deuˬ neh mˇ-euˬ iˬ baˇ baˬ da neh, zaˬ ziˇ-ahˇ keuˆ ni nawˇ kʼehˬ nehˬ kʼaˆ nehˬ-euˬ meh. Nawˇ-aˬ, baoˬ huiˬ dui dui-eu Miˬyehˇ meh. Nawˇ-aˬ, baoˬ huiˬ-eu Sahˬpaˬ Miˬyehˇ meh.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.