Yeˬlaˬmiˇ 20:1 - Akha

¹ Uˬ duˬ tahˬ nymˇ nymˇ ma-ahˇ aˬ yuiꞈ geuꞈ-awˇ haw luꞈ-eu gʼaˬ pyeuꞈ-eu, Iˇmeˬlaˇ-euˬ aˬ li piˇ ma Paˬshuˇlaˆ gʼaˬ ngaˇ kʼoeˇ loꞈ-ehˇ ehˇ gaˇ ya gaˬ ngeh,

Yeˬlaˬmiˇ 20:1 ပူးပေါင်းရင်းမြစ်များ

2 Sahˬpaˬ 25:18

Kʼoeˇ uˬ taꞈ, guiˇ maꞈ-ahˇ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ-aˬ, piˇ ma yaw huiˬ gʼaˬ pyeuꞈ-eu Seˬlehˇyaˬ-ahˇ maˬ ehˇ, piˇ ma nyiˬ gʼaˬ tiˬ gʼaˬ pyeuꞈ-eu Zeˬpaˬniˇ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu yaw huiˬ smˇ gʼaˬ-ahˇ maˬ ehˇ, sheuˬ geuꞈ gʼeh-euˬ meh.

1 Laˬsaˬbaˬ 24:14

tseˇ ngaˬ gʼaˬ tiˬ gʼaˬ Biˇlaˬgahˬ, tseˇ koꞈ gʼaˬ tiˬ gʼaˬ Iˇmeˬlaˇ,

1 Laˬsaˬbaˬ 9:11

Uˬ duˬ tahˬ nymˇ nymˇ ma laꞈ kʼoeˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Hiˇlaˬkiˇ-euˬ aˬ li Aˬzaˬyiˇ, (Aˬzaˬyiˇ-euˬ tsuiꞈ daˆ-aˬ, Aˬzaˬyiˇ, Hiˇlaˬkiˇ, Meˬshuˇlamˬ, Zaˬdoˆ, Meˬyaˬyoˇ, Aˬhiˇtuˆ lehˇ meh.)

2 Laˬsaˬbaˬ 35:8

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ kʼawꞈ, miˇ kʼahˬ zaˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ gʼaˇ duˬ, nui ma keuˆ-awˇ damˬ nehˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ haw-eu pyaˆ-eu yaw huiˬ yaw mahˇ deuˬ pyeuꞈ-eu Piˇ ma Yaw huiˬ gʼaˬ Hiˇlaˬkiˇ, Zaˬkaˬliˇ hawˇ-eu Yeˬheˬlaˇ aˬ ha maꞈ kʼawꞈ, bawˬ-iˬ gʼeh gaˇ bi lawˇ bi shehˇ-eu gʼaˇ duˬ, yawˇ zaˬ hawˇ-eu ciꞈ myehꞈ ciꞈ zaˬ nyiˬ heˇ koꞈ yaˇ mawˇ, mawˇ neˇ mawˇ gaw smˬ yaˇ mawˇ, piˇ ma deuˬ-ahˇ biꞈ nehˬ-euˬ meh.

Yeˬlaˬmiˇ 20:6

Paˬshuˇlaˆ-oˇ, nawˬ-euˬ shaˬ bymˇ-aˬ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ Baˬbuˇloˬ miˇ kʼahˬ-ahˇ bi nyehꞈ gʼeh jiˇ tehꞈ-a. Kʼoeˇ gaˇ nawˇ ya dehꞈ sehꞈ-awˇ, nawˬ neh mehˇ shuiˇ gʼawˬ mya poˆ shuiˇ-euˬ nawˬ-euˬ cawˬ deuˬ nehˬ-ehˇ tiˬ kawˆ loꞈ-ehˇ, miˇ kʼahˬ kʼoeˇ kʼahˬ-ahˇ ya bi baꞈ pahˬ tehꞈ-a lehˇ ehˇ-eu meh lehˇ ehˇ nehˬ-euˬ ma.”

Yeˬlaˬmiˇ 29:26

“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.

Yeˬlaˬmiˇ 37:15

Aˬ yawꞈ maꞈ ngaˬ-ahˇ nui ma pehˇ dui dui-eu miˇ neh, ngaˬ-ahˇ diˬ-awˇ, Yawˇnaˆshaˬ-euˬ nymˇ-ahˇ nyehꞈ lahˇ taˬ-awˬ lehˇ dawˬ biꞈ-euˬ meh. Yawˇnaˆshaˬ-aˬ, saˇ naˇ gaˇ mˇ-eu paw aˬ yuiꞈ geuꞈ-awˇ, aˬ yawꞈ-euˬ nymˇ-ahˇ paꞈ kuˆ loꞈ-ehˇ laˆ pyeuꞈ taˬ-euˬ meh.

Gʼaˬkʼehˇ 4:1

Beˬtuˆluˆ hawˇ-eu Yoˇhaˬ aˬ nyaꞈ tsawˇ haˬ kʼoeˇ deuˬ-ahˇ dawˬ ngehˬ ngehˬ luꞈ ngeh, piˇ ma deuˬ, Uˬduˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yawˬ huiˬ yaw mahˇ deuˬ hawˇ-eu, Saˬduˬgehˇ deuˬ laˇ keuˆ-euˬ meh.

Gʼaˬkʼehˇ 5:24

Piˇ ma aˬ yuiꞈ deuˬ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ gʼaˬ gaˇ kawˆ kʼoeˇ ya gaˬ ngeh, gʼaˬ kʼehˇ deuˬ aˬ joˆ-ehˇ jahˇ-euˬ gaˇ kawˆ noeˬ maˬ doˆ-ehˇ pyeuꞈ-iˇ-euˬ meh.