Yeˬlaˬmiˇ 2:35 - Akha

³⁵ ‘Ngaˇ tiˬ jeˬ-iˬ iˬ baˇ maˬ ahˇ. Sahˬpaˬ Miˬyehˇ ngaˬ-ahˇ nui ma maˬ pehˇ-a’ lehˇ, naw maꞈ ehˇ luꞈ-eu meh. Ehˇ kʼawꞈ, naw maꞈ iˬ baˇ maˬ ahˇ lehˇ myawꞈ-eu baˬ da neh, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼehˬ ma.

Yeˬlaˬmiˇ 2:35 ပူးပေါင်းရင်းမြစ်များ

Yawˇbaˆ 33:9

‘Ngaˇ yaw lehˬ mˇ-euˬ tiˬ jeˬ-iˬ maˬ jaˆ-ehˇ shawˇ jehˆ ni gʼeh-eu iˬ baˇ maˬ ahˇ-eu tsawˇ haˬ ma.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Iˇsaˬyaˇ 58:3

Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.

Yeˬlaˬmiˇ 16:10

“Gaˇ kawˆ heu deuˬ dawˬ tawˆ luꞈ aˬ yawꞈ maꞈ-ahˇ nawˇ ja nehˬ ngeh, aˬ jeˬ miˇ neh aˬ yawꞈ maꞈ-ahˇ kʼoeˇ naˆ naˆ-ehˇ kʼehˬ nehˬ-eu gʼaˇ duˬ ngaˇ noeˬ tsehˆ taˬ-eu ta lehˇ, aˬ yawꞈ maꞈ nawˬ-ahˇ naˇ haˬ laˇ tehꞈ-a. Aˬ yawꞈ maꞈ iˬ baˇ mˇ taˬ-euˬ aˬ jeˬ jaˆ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ neh mˇ bahˬ taˬ-euˬ aˬ jeˬ jaˆ ta lehˇ naˇ haˬ laˇ tehꞈ-a.

Yeˬlaˬmiˇ 2:23

Baˬlaˇ miˬ yehˇ-ahˇ nawˇ uˬ duˬ tahˬ-eu laꞈ kʼoeˇ, yawˬ haˇ yawˬ ha maˬ laˆ jawꞈ-aˬ lehˇ nawˇ aˬ joˆ-ehˇ ehˇ nya nmˇ. Deh kʼawꞈ-ahˇ nawˇ iˬ baˇ mˇ taˬ-euˬ gaˇ haw sheˇ. Nawˬ neh mˇ-euˬ gaˇ deuˬ shaˇ noeˬ haw sheˇ. Nawˇ-aˬ, aˇ caˆ behˇ tsehˆ-awˇ cehˆ luꞈ-eu, law taw aˬ ma-ahˇ duˇ-eu nga.

Yeˬlaˬmiˇ 2:29

Nawˇ ngaˬ-ahˇ aˬ jeˬ iˬ baˇ taˬ kʼaˇ paˇ za te. Ngaˬ-ahˇ nawˇ puiˬ-eu maˬ ngeuˇ loˇ.

Yeˬlaˬmiˇ 2:9

“Teu miˇ neh Sahˬpaˬ Miˬyehˇ pyeuꞈ-eu ngaˇ, ngaˬ-euˬ tsawˇ haˬ deuˬ-ahˇ pyehˆ tseˇ haw ma. Aˬ yawꞈ maꞈ-euˬ zaˬ deuˬ-ahˇ ngaˇ caw tseˇ ma.

Yeˬlaˬmiˇ 25:31

Teˇ saˇ kʼoeˇ mˬ dzeˇ miˇ dzeˇ-ahˇ tahˬ-iˇ tehꞈ-a. Aˬ jeˬ miˇ neh ehˇ naˇ, miˇ kʼahˬ tsawˇ jeuˬ deuˬ-ahˇ, Sahˬpaˬ Miˬyehˇ yaˇ kʼaˬ ja le tehꞈ-a. Tsawˇ haˬ dawˬ tawˆ luꞈ-ahˇ aˬ yawꞈ yaˇ kʼaˬ daˇ-awˇ, maˬ tsaˬ maˬ dawˇ-eu deuˬ bi shiˇ ma’ lehˇ, Sahˬpaˬ Miˬyehˇ ehˇ taˬ-euˬ meh.

Yeˬsaˬgeˬlaˇ 17:20

Shaˬ jiˇ beuˆ-eu tsawˇ haˬ zmˬ-euˬ za neh, aˬ yawꞈ-ahˇ dzeh pymˬ-awˇ nyehꞈ ma. Aˬ yawꞈ ngaˬ-ahˇ saˇ jaˇ puiˬ-euˬ miˇ neh, Baˬbuˇloˬ miˇ kʼahˬ-ahˇ nyehꞈ gʼeh-awˇ, kʼoeˇ gaˇ kʼehˬ nehˬ ma.

Lormav 7:9

Zahˇ dawˬ kʼoꞈ dawˬ kʼoeˇ dawˬ maˬ jaˆ law nmˇ-aˬ, iˬ baˇ ehˇ-eu jeˬ yaw shiˇ-ahˇ duˇ tehꞈ-a. Maˬ muiˬ-eu jeˬ maˬ ya mˇ ni zahˇ dawˬ kʼoꞈ dawˬ kʼoeˇ dawˬ ngaˬ-ahˇ maˬ laˆ tsoeˬ le kʼoeˇ keuˆ ni-aˬ, ngaˇ yaw dehꞈ ma. Ehˇ kʼawꞈ, zahˇ dawˬ kʼoꞈ dawˬ kʼoeˇ dawˬ oe keuˆ ngeh, iˬ baˇ dehꞈ doˆ laˇ-awˇ,