Yeˬlaˬmiˇ 2:28 - Akha

²⁸ Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Yeˬlaˬmiˇ 2:28 ပူးပေါင်းရင်းမြစ်များ

2 Sahˬpaˬ 3:13

Iˇsaˬleˬlaˆ sahˬ paˬ-ahˇ Eˇliˇshehˇ ehˇ nehˬ-eu, “Ngaˇ nawˬ-ahˇ aˬ jeˬ miˇ neh ya caw ba ta. Nawˬ da nawˬ ma gʼoe-euˬ miˬ yehˇ gʼaˇ duˬ ngehˬ dah-eu kʼoeˇ deuˬ jawˇ gaˇ iˇ-awˬ tawˇ.” Yoˇlamˬ ehˇ-eu, “Toˆ-ehˇ maˬ ngeuˇ-a. Mawˇbaˆ sahˬ paˬ-euˬ aˬ laꞈ laꞈ kʼoeˇ a nehˬ-eu lehˇ, ngaˬ ha sahˬ paˬ smˇ gʼaˬ-ahˇ kuˇ dzoeˇ nehˬ laꞈ-euˬ gʼaˬ-aˬ, Sahˬpaˬ Miˬyehˇ meh.”

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Iˇsaˬyaˇ 46:2

Tahˬ pahˬ aˬ ma mawˇ kawˇ yawˬ haˇ yawˬ ha maˬ ka kʼoꞈ nya-a. Aˬ cawˬ neh bi baꞈ byoˆ geuꞈ gʼeh-eu meh. Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh.

Iˇsaˬyaˇ 46:7

Tahˬ pahˬ aˬ ma mawˇ kawˇ kʼoeˇ-ahˇ baꞈ pu kʼoeˇ taˆ baꞈ-awˇ, baꞈ ka-awˇ baꞈ tuˇ taˬ ngeh, maˬ luˆ maˬ laˆ nya ni aˬ yawꞈ tsahˇ-ahˇ jaˆ-eu meh. Aˬ yawꞈ-ahˇ guiˬ lahˬ shaˇ leˇ kʼawꞈ, dawˬ maˬ ngehˬ kʼoꞈ nya-ehˇ, guˆ-eu gaˆ-eu laꞈ kʼoeˇ maˬ ka kʼoꞈ nehˬ nya-a.

Iˇsaˬyaˇ 57:13

Caw ba nehˬ laꞈ lehˇ naw maꞈ ngoeˇ laˇ ngeh, tahˬ pahˬ aˬ ma mawˇ kawˇ kʼoeˇ deuˬ ngehˬ gʼeh luꞈ-uˇ. Jaˬ lehˇ tiˬ bahˬ laꞈ kʼoeˇ aˬ yawꞈ maꞈ byoˆ-iˇ jiˇ tehꞈ-a. Ehˇ kʼawꞈ ngaˬ-ahˇ jah-eu tsawˇ haˬ deuˬ-aˬ, miˇ kʼahˬ heu kʼahˬ laꞈ kʼoeˇ ziꞈ dah ni ya jawˇ-awˇ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ uˬ duˬ ya tahˬ tehꞈ-a.”

Yeˬlaˬmiˇ 1:16

Ngaˬ-euˬ tsawˇ jeuˬ iˬ baˇ mˇ-euˬ miˇ neh ngaˇ kʼehˬ nehˬ ma. Aˬ yawꞈ maꞈ ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ tehˆ-awˇ lawˇ-eu shehˇ-eu laꞈ kʼoeˇ uˬ duˬ tahˬ-euˬ meh.

Yeˬlaˬmiˇ 11:12

Kʼoeˇ naˇ, Yuˇdaˆ miˇ kʼahˬ-euˬ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, aˬ yawꞈ maꞈ lawˇ nehˬ shehˇ nehˬ luꞈ-eu miˬ yehˇ deuˬ jawˇ gaˇ iˇ-awˇ, caw ba nehˬ laꞈ lehˇ shaˇ-iˇ tehꞈ-a. Ehˇ kʼawꞈ, luˬ-iˇ seˇ-iˇ-eu jeˬ keuˆ le ngeh, miˬ yehˇ kʼoeˇ deuˬ aˬ yawꞈ maꞈ-ahˇ maˬ ka kʼoꞈ nehˬ nya-a.

Yeˬlaˬmiˇ 11:13

Yuˇdaˆ miˇ kʼahˬ-aˬ, meuˬ kʼaˇ jaˆ-eu myaˆ ni miˬ yehˇ jawˇ myaˬ-awˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-aˬ, nui daˆ daˆ laˇ paˬ-ehˇ gʼeh-eu Baˬlaˇ miˬ yehˇ-ahˇ lawˇ nehˬ-eu gʼaˇ duˬ, meuˬ laꞈ kʼoeˇ gaˇ ma kʼaˇ jaˆ gaˇ lawˇ duˬ tsoˆ taˬ-euˬ meh.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.

Hawˇseˬ 10:1

Iˇsaˬleˬlaˆ tsawˇ haˬ deuˬ-aˬ, aˇ siˬ tiˬ byah ni siˬ luꞈ-eu, aˬ gaꞈ baw duˆ-ahˇ duˇ-eu meh. Ngehˬ-ehˇ dehꞈ dzaˬ laˇ naˇ ngehˬ-ehˇ, lawˇ duˬ gʼawˬ mya ni tsoˆ lahˬ-awˇ, ngehˬ-ehˇ jaˆ laˇ naˇ ngehˬ-ehˇ, uˬ duˬ tahˬ-eu kʼaˬ lo kʼawˇ zeuˇ, muiˬ dui dui ni laˆ saˆ-eu meh.

Haˬbaˬkuˆ 2:18

Tsawˇ haˬ-euˬ aˬ laꞈ neh tehˆ-euˬ, tahˬ pahˬ aˬ ma aˬ jeˬ tsoeˬ ta. Jaˬ myawꞈ myawꞈ-eu mawˇ kawˇ kʼoeˇ deuˬ, gaˇ dahˇ tsoeˬ-eu aˬ gaˇ jaˆ ta. Yawˬ ha neh pyaꞈ doˆ tehˆ doˆ-euˬ, dawˬ maˬ ngehˬ nya-eu mawˇ kawˇ-ahˇ, yawˬ ha uˬ duˬ paˇ tahˬ-eu nga.

Haˬbaˬkuˆ 2:19

Daˇ kawˬ mawˇ kawˇ noeˬ laˇ-awˬ lehˇ, kʼaˬ lo mawˇ kawˇ tuˇ laˇ-awˬ lehˇ, ehˇ-eu gʼaˬ ya noeˬ shaˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ, nawˬ-ahˇ aˬ jeˬ ehˇ nehˬ nya ta. Pyuˇ hawˇ-eu shuiˇ yaw taˬ-euˬ kʼawꞈ, saꞈ gʼawˇ nya-eu jeˬ maˬ ngeuˇ-a.

Dawˬmehˬ 32:37

Kʼoeˇ ngeh yawꞈ-euˬ tsawˇ haˬ deuˬ-ahˇ, ‘Naw maꞈ gʼoe-euˬ miˬ yehˇ kʼoeˇ deuˬ, aˬ geu paw iˇ byoˆ jiˇ taˬ’ lehˇ, Sahˬpaˬ Miˬyehˇ naˇ haˬ tehꞈ-a.

Yaˇ kʼaˬ daˇ 10:14

Naw maꞈ neh tseˇ geuꞈ-euˬ miˬ yehˇ deuˬ-ahˇ guˇ gaˬ nehˬ-awˬ. Shaˬ-eu zahˬ-eu jeˬ naw maꞈ ya tahˬ puˬ ngeh, aˬ yawꞈ maꞈ naw maꞈ-ahˇ bi ka kʼoꞈ le-awˬ.”